Tural Rzayev

Peşəkar futbol karyerasına 2013-cü ildə Bakıdakı “Neftçi”-nin icarəsi əsasında Azərbaycan çempionatının Birinci Divizionunun eyni adlı şəhərdən - “Ağsu” klubunda keçid etməklə başlamışdır. İki mövsümü burada keçirtdi.

2015-ci ilin yanvarında birinci liqanın başqa bir klubuna - FK Zirə-yə keçdi.

2015-ci ilin yayında Gəncədəki seçim düşərgələrindən sonra Azərbaycanın ən titullu klublarından olan Premyer Liqanın debütantı - Türkiyənin Antalya şəhərində təlim-məşq toplanışlarında iştirak edən Gəncənin PFK Kəpəz klubu ilə bir illik müqavilə imzaladı.[1] Kəpəzin əsas heyətində[2] 9 avqust 2015-ci il tarixində "Neftçi"-yə qarşı ölkə çempionatının ilk oyununda debüt etdi.

2015-2018-ci illər ərzində Kəpəzin əsas heyətində yarımmüdafiəçi mövqeyində klubun əksər oyunlarında iştirak etmiş,[3][4] qol epizodları[5] və vacib assistləri ilə klubun qələbəsində pay sahibi olmuşdur[6][7]. Həmçinin bu illər ərzində Azərbaycan Kuboku uğrundada klubun fəal futbolçularından biri olmuşdur.[8][9]

Növbəti müddət ərzində futbolçu Litvanın Yonava klubuna transferi rəsmiləşmiş və ölkə xaricində legioner həyatı yaşayan futbolçulardan biri olmuşdur. Daha sonra isə o, 2019-cu ildə yenidən doğma kluba Kəpəzə qayıtmışdır. Avropada qazandığı oyun təcrübəsi və peşəkarlığını Kəpəzin matçlarındada göstərmişdir.[10]

2018-ci il iyulun 31-də futbolçu Litvanın əsas liqası olan A Liqanın FK Yonava klubuna transferi rəsmiləşmişdir[11][12]. Yonavada sağ və mərkəz yarımmüdafiəçi mövqeyində çıxış etmişdir[13].

Klubda çıxış etdiyi 9 matçın[14] cəmi 2-sində ehtiyat oyunçular[15] skamyasında olmuşdur.

Sürətli oyun və asistləri ilə flubda fərqlənənlər siyahısında olmuşdur.

18 yanvar 2019-cu il tarixində klubla olan müqaviləsi bitmiş[16] və Kəpəzə transfer olmuşdur[10].

31 yanvar 2020-ci ildə oynadığı Kəpəz klubundan Gürcüstanın 2-ci liqası olan Erovnuli Ligasında çıxış edən eyni adlı şəhərin - Merani Martvili klubuna transfer olunmuşdur[17][18].

Futbolçu klubun əsas heyətinə daxil olmuş və bir neçə yoldaşlıq matçlarında iştirak etmişdir.

Lakin təlim məşqləri zamanı diz qapağından aldığı zədə səbəbi ilə komandasını yarımçıq qoymaq məcburiyyətində qalmışdır.

Futbolçunun klub ilə olan razılaşmasına əsasən müqavilə 31 dekabr 2020-ci ildə bitməli idi.

Hər iki tərəfin qarşılıqlı razılaşmasına əsasən,[19] futbolçunun klubla imzaladığı müqaviləyə xitam verilmişdir.[20][21][22]

Hal-hazırda Tural Bakıda müalicəsini davam etdirir[23][24].