Trend İnformasiya Agentliyi

Trend İnformasiya Agentliyi — 1995-ci ildə Elmar Hüseynov tərəfindən təsis olunmuş informasiya agentliyidir. Xəzər regionunun, Cənubi Qafqazın və Mərkəzi Asiyanın xəbərlərini işıqlandırır. "Trend"in baş ofisi Azərbaycanın paytaxtı Bakıda yerləşir.

Trend İnformasiya Agentliyi
Loqonun şəkli
Ölkə Azərbaycan
Baş direktoru İlqar Hüseynov
Baş redaktoru Emin Əliyev
Təsis edilib 1995
Redaksiyanin ünvani Bakı şəhəri, B. Vahabzadə küçəsi, 14 AZ 1141
Təsisçi
Baş qərargahi
Veb-sayti trend.az

Trend İA-nın tərkibində Azərbaycan, rus, ingilis, fars və türk dillərində xidmətlər faəliyyət göstərir. Xidmətlər regiondan, xüsusilə də Azərbaycan, İran, Qazaxıstan, Türkmənistan, Özbəkistan, Qırğızıstan, Tacikistandan xəbərlərin verilməsinə diqqət ayırır. Regionun siyasi və iqtisadi, sosial əhəmiyyətli, təcili xəbərləri portalda yerləşdirilir. Regionda biznes üçün və biznes haqqında xəbərlər, iqtisadi təhlillər, neft və qaz xəbərləri, müxtəlif sektorların monitorinqi təqdim olunur.

Nailiyyətlər

Trend İnformasiya Agentliyi "Made in Azerbaijan" brendinin fəal işıqlandırılmasına görə Azərbaycan İqtisadiyyat Nazirliyinin mükafatına layiq görülüb.

Azərbaycan Banklar Assosiasiyası 2017-ci ildə "Trend" agentliyini əsas media tərəfdaşı kimi mükafatla təltif edib.

Azərbaycan və digər ölkələr arasında münasibətlərin möhkəmlənməsinə verdiyi töhfəyə, mədəniyyət və incəsənət, iqtisadiyyat, neft-qaz, bank, idman sahələrində, o cümlədən Birinci Avropa Oyunlarının (2015), eləcə də İslam Həmrəyliyi Oyunlarının (2017) fəal işıqlandırılmasına görə dəfələrlə mükafatlandırıb.

Azərbaycanın bank və kredit sektorunun fəal işıqlandırılmasına görə "Zərdabi" mətbuat mərkəzinin diplomu ilə təltif edilib.

2016, 2017, 2018-ci illərdə "Rusiya-Azərbaycan əməkdaşlığının dəstəklənməsi və inkişafına yaradıcı töhfəsinə görə" Rusiyanın Bakıdakı İnformasiya-Mədəniyyət Mərkəzinin Fəxri diplomu ilə təltif olunub.[1][2]

2014-cü ilə nüfuzlu "Uğur" milli mükafatı ilə təltif olunub. Bu mükafat hər il iqtisadiyyat və biznesin inkişafında və möhkəmlənməsində vacib rol oynamış şirkətlərə müxtəlif nominasiyalarda təqdim olunur. Trend İnformasiya Agentliyi “İnformasiya-analitika sahəsinə beynəlxalq miqyasda töhfəsinə görə” nominasiyasında "Uğur" mükafatına layiq görülüb.[3][4]

2012-ci TÜRKSOY Beynəlxalq türk mədəniyyəti təşkilatının türk mədəniyyəti dünyasında təbliğatına töhfəsinə görə təşkilatın xüsusi nətbuat mükafatına layiq görülüb.[5]

Avrasiya Televiziya və Radio Akademiyas "RİA Novosti" agentliyi ilə birgə "Trend"i 2008-ci ildə Avrasiyanın ən dinamik inkişaf edən resursu kimi tanıyıb.

2009-cu ildə "İlin eksklüziv informasiya agentliyi" nominasiyasında "Brand Award Azerbaijan" mükafatı ilə təltif olunub.[6]

"Avrasiya regionunda vahid informasiya məkanının formalaşmasına və Azərbaycan-Rusiya əlaqələrinin inkişafına mühüm töhfəyə görə" "Tərəqqi" mükafatı ilə təltif olunub.[7]

Dünya üzrə 18 min çap orqanının və 15 minə yaxın internet saytının, çap KİV-lərinin nümayəndələrinin və digər oyunçuların daxil olduğu iri və nüfuzlu Ümumdünya Xəbər və Qəzet Assosiasiyasının (WAN-IFRA) assosiativ üzvü olub.[8]

"Trend" Asiya və Sakit okean ölkələrinin İnformasiya Agentlikləri Təşkilatına (OANA) qəbul edilib.[9]

Agentliyin mükafatları sırasında 2006-2007-ci illərdə Azərbaycanda "KİV sahəsində ən yaxşı şirkət" mükafatı var.

Baş direktorları

İstinadlar
  1. "Глава Русской службы АМИ Trend награждена за укрепление азербайджано-грузинских отношений". 2021-12-02 tarixində arxivləşdirilib. İstifadə tarixi: 2018-03-19.
  2. "Arxivlənmiş surət". 2021-12-02 tarixində arxivləşdirilib. İstifadə tarixi: 2018-03-19.
  3. "Arxivlənmiş surət". 2021-11-30 tarixində arxivləşdirilib. İstifadə tarixi: 2018-03-19.
  4. "Arxivlənmiş surət". 2021-12-02 tarixində arxivləşdirilib. İstifadə tarixi: 2018-03-19.
  5. "Arxivlənmiş surət". 2021-12-06 tarixində arxivləşdirilib. İstifadə tarixi: 2018-03-19.
  6. "Arxivlənmiş surət". 2021-09-18 tarixində arxivləşdirilib. İstifadə tarixi: 2018-03-19.
  7. [ https://www.trend.az/azerbaijan/society/1498860.html Arxivləşdirilib 2021-11-28 at the Wayback Machine https://www.trend.az/azerbaijan/society/1498860.html Arxivləşdirilib 2021-11-28 at the Wayback Machine]
  8. "http://www.wan-ifra.org/list-of-members". 2018-03-23 tarixində orijinalından arxivləşdirilib. İstifadə tarixi: 2018-03-19.
  9. "Arxivlənmiş surət". 2019-04-01 tarixində arxivləşdirilib. İstifadə tarixi: 2018-03-19.

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.