Tokio məscidi

Tokio məscidi (東京ジャーミイ, Tōkyō-jāmii) – Yaponiyanın paytaxtı Tokio şəhərinin Şibuya rayonunda, Oyama məhəlləsində yerləşən türk məscidi. Yaponiyadakı ən böyük məsciddir. Məscidin əsası Oktyabr inqilabı nəticəsində Rusiyadan gəlmiş başqırd və tatar immiqrantlar tərəfindən 12 may 1938-ci ildə qoyulmuşdur. Əbdürrəşif İbrahimov (həm də məscidin ilk imamı) və Məhəmməd Qabdulxay Qurbanqaliyevin başçılığı altında tikilmişdir.

Sünni İslam
Tokio məscidi
yap. 東京ジャーミイ
Yerləşməsi
Ölkə  Yaponiya
Şəhər Tokio
Yeri Şibuya, Oyama
Memarlıq
İnşa tarixi 1938
Üslubu Osmanlı memarlığı
Minarələrin sayı 1
Otaqların sahəsi 1477 m²
Hündürlüyü 23,25 m[1], 41,48 m[1]
Vəziyyəti fəaliyyət göstərir
Tokio məscidi xəritədə
Tokio məscidi
Tokio məscidi
Saytı
tokyocamii.org
Vikianbarın loqosu Vikianbarda əlaqəli mediafayllar

Tarixi

Məscid 12 may 1938-ci ildə istifadəyə verilib.[2] Məscid türk müsəlmanların və yerli yaponların dəstəyi hesabına tikilib. Açılış mərasimində Yəmən şahzadəsi, Səudiyyə Ərəbistanın Londonda olan və kral tərəfindən göndərilən səfiri, Misir kralı tərəfindən göndərilmiş səfir,[2] Mitsuru Toyama, general İvare Matsui, təhsil naziri,[3] Tokioda yaşayan yüzlərlə tatar müsəlmanlar və yaponlar iştirak ediblər.[2] Məscidin tikintisi üçün 120.000 yen toplanılıb[3] və bu məbləğin 20 mini Mitsubishi Bank prezidenti Kiyoşi Seşino tərəfindən verilib.[4] Karnesaburo Yamaşita məscidin ərazisi üçün 1,655 m2 torpaq bağışlayıb.[4] Tikinti işləri 1937-ci ilin oktyabrında Ivlorota Construction şirkəti tərəfindən başladılıb.[5]

1986-cı ildə məscid ağır vəziyyətinə görə sökülmüşdür. Türkiyə Dini Əlaqələr Direktorluğunun dəstəyi ilə 1998-ci ildə yenidən tikilməyə başlamışdır. Bu dəfə tikilinin memarı Muharrem Hilmi Senalp olmuşdur və Osmanlı dini memarlığına xas ornamentlərdən istifadə edilmişdir. Tikintidə 70-ə qədər türk sənətçi iştirak etmiş, mərmərin böyük miqdarı Türkiyədən gətirilmişdir. Tikinti 2000-ci ildə başa çatmış və 1,5 milyar yen sərf olmuşdur. Açılış mərasimi 30 iyun 2000-ci ildə baş tutmuşdur.[6]

Haqqında

Məscidin sahəsi 734 m² təşkil edir. Bir zirzəmi mərtəbəsi, üç yuxarı mərtəbəsi var, ümumilikdə isə otaqlarının sahəsi 1477 m²-dır. Əsas günbəz 23,25 hündürlüyündədir və 6 sütunla dəstəklənir. Minarəsi 41,48 metr hündürlüyündədir.[7]

Qalereya
  • Məscidin içi.
    Məscidin içi.
  • Məscidin tavanı.
    Məscidin tavanı.
  • Məscidin minbəri.
    Məscidin minbəri.
  • Məscidin minarəsi.
    Məscidin minarəsi.

Həmçinin bax

Ədəbiyyat
  • Saitoh, Abdul Karim. "The historical journey of islam eastward and the Muslim community in Japan today". Institute of Muslim Minority Affairs Journal. 1979: 117–126. doi:10.1080/02666957908715787. (#accessdate_missing_url)
  • Morimoto, Abu Bakr. Islam in Japan: Its past, present and future (ingiliscə). Islamic Center Japan. 1980. İstifadə tarixi: 5 fevral 2021.

İstinadlar
  1. https://www.kajima.com/topics/news_notes/vol14/v14a2.htm.
  2. Saitoh, 1979. səh. 123
  3. Morimoto, 1980. səh. 48
  4. Morimoto, 1980. səh. 50
  5. Morimoto, 1980. səh. 51
  6. "New Tokyo Mosque opens Arxivləşdirilib 2020-05-10 at the Wayback Machine", in: The Japan Times, July 1st, 2000.
  7. "Japan's largest mosque completed in Tokyo Arxivləşdirilib 2016-03-03 at the Wayback Machine", in: Kajima News & Notes, Autumn 2000.

Xarici keçidlər
Vikianbarda Tokio məscidi ilə əlaqəli mediafayllar var.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.