Tofiq Əhmədov (nazir)

Tofiq Əhmədov
Tofiq Əhmədov
Azərbaycan SSR kənd tikintisi naziri
	7 dekabr 1965 – 30 iyun 1971
Əvvəlki	nazirlik yaradılıb
Sonrakı	Saleh Hacıyev
Azərbaycan SSR tikinti nazirinin birinci müavini
	16 yanvar 1962 – dekabr 1965
Nazir	Məmmədəli Abbasov
Azərbaycan SSR Nazirlər Soveti Dövlət Tikinti və Arxitektura İşləri Komitəsinin sədri
	23 may 1960 – 16 yanvar 1962
Əvvəlki	Həsən Məcidov
Sonrakı	Yaqub İsmayılov
Şəxsi məlumatlar
Doğum tarixi	22 may 1926
Doğum yeri	Bakı, Bakı qəzası, Azərbaycan SSR, ZSFSR, SSRİ;
Vəfat tarixi	iyun 1990 (64 yaşında)
Dəfn yeri	II Fəxri Xiyaban;
Partiya	Sovet İttifaqı Kommunist Partiyası (1954–1990);
Təhsili	Azərbaycan Sənaye İnstitutu (–1948);
Fəaliyyəti	siyasətçi
Təltifləri	;

Tofiq Cahangir oğlu Əhmədov (22 may 1926, Bakı – iyun 1990) — Azərbaycan-sovet dövlət xadimi, Azərbaycan SSR kənd tikintisi naziri (1966–1971), Azərbaycan SSR Dövlət Tikinti və Arxitektura İşləri Komitəsinin sədri (1960–1962).

Həyatı

Tofiq Əhmədov 1926-cı il mayın 22-də Bakı şəhərində (başqa mənbəyə əsasən 1924-cü ildə hazırkı Salyan rayonunda[1]) qulluqçu ailəsində anadan olmuşdur. 1948-ci ildə Azərbaycan Sənaye İnstitutununun arxitektura-inşaat fakültəsini bitirmişdir.[2] Elə həmin ildən Daşkəsən mədən tikintisi trestində usta, tikinti sahəsinin rəisi, mühəndis, baş mühəndis, trestin müdiri olmuşdur.[3]

Tofiq Əhmədov 1958–1960-cı illərdə Azərbaycan SSR Xalq Təsərrüfatı Şurasın Tikinti İdarəsinin baş mühəndisi, idarə rəisinin müavini vəzifələrində işləmişdir. 1960–1962-ci illərdə Azərbaycan SSR Nazirlər Sovetinin Dövlət Tikinti və Arxitektura İşləri Komitəsinin sədri, 1962-ci ildən isə Azərbaycan SSR tikinti nazirinin birinci müavini vəzifələrində çalışmışdır.[4] 1965–1971-ci ildə Azərbaycan SSR kənd tikintisi naziri, sonra isə Azərbaycan SSR Dövlət Plan Komitəsi sədrinin müavini olmuşdur. Həyatının son 15 ilində Azərbaycan SSR Tikinti Nazirliyinin "Üzvitextikinti" trestinin, Mənzil-Kommunal Təsərrüfatı Nazirliyinin "Azərkommuntəmirtikinti" trestinin müdiri vəzifələrində işləmiş, Bakı Şəhər XDS İcraiyyə Komitəsinin Bakı şəhər plan komissiyası sədrinin müavini olmuşdur.[2]

Tofiq Əhmədov 1954-cü ildən Sovet İttifaqı Kommunist Partiyasının üzvü olmuşdur.[3] O, Azərbaycan Kommunist Partiyasının 25-ci qurultayında Mərkəzi Komitənin üzvü seçilmiş, 27 və 28-ci qurultaylarında Mərkəzi Komitə üzvlüyünə namizəd olmuşdur. Altıncı və yeddinci çağırış Azərbaycan SSR Ali Sovetinin deputatı seçilmişdir. "Qırmızı əmək bayrağı" və "Şərəf nişanı" ordenləri, eləcə də SSRİ medalları ilə təltif edilmişdir. 1962-ci ildə "Azərbaycan SSR əməkdar mühəndisi" fəxri adına layiq görülmüşdür.[2]

Tofiq Əhmədov 1990-cı ilin iyun ayında vəfat etmişdir.[2] II Fəxri Xiyabanda dəfn olunmuşdur.

İstinadlar

İbrahimov, B.; Allahverdiyev, Z. Əhmədov Tofiq Cahangir oğlu // Azərbaycan Tikinti Kompleksinin Ensiklopediyası (ATKE). I cild. Bakı: Yeni Poliqrafist. 2011. səh. 97. 400 tiraj.
Тофиг Ҹаһанҝир оғлу Әһмәдов // Коммунист. № 144 (21212). 28 ијун 1990-ҹы ил. С. 3.
Әһмәдов Тофиг Ҹаһанҝир оғлу // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 166.
Әһмәдов Тофиг Ҹаһанҝир оғлу // Азәрбајҹан ССР Али Советинин депутатлары. Алтынҹы чағырыш. Бакы: Азәрбајҹан ССР Али Советинин нәшри. 1965. С. 132.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[atke-1] İbrahimov, B.; Allahverdiyev, Z. Əhmədov Tofiq Cahangir oğlu // Azərbaycan Tikinti Kompleksinin Ensiklopediyası (ATKE). I cild. Bakı: Yeni Poliqrafist. 2011. səh. 97. 400 tiraj.

[kom90-2] Тофиг Ҹаһанҝир оғлу Әһмәдов // Коммунист. № 144 (21212). 28 ијун 1990-ҹы ил. С. 3.

[dep7-3] Әһмәдов Тофиг Ҹаһанҝир оғлу // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 166.

[dep6-4] Әһмәдов Тофиг Ҹаһанҝир оғлу // Азәрбајҹан ССР Али Советинин депутатлары. Алтынҹы чағырыш. Бакы: Азәрбајҹан ССР Али Советинин нәшри. 1965. С. 132.