Temue Bakayoko

Bakayoko öz peşəkar karyerasında debütünü Renn klubu ilə Liqa 1-də 24 avqust 2013-cü ildə Evian klubuna qarşı oyunda etmişdir. Həmin görüşdə Bakayoko 90 dəqiqə meydanda olmuş və komandası evdə 2–1 hesabı ilə qələbə qazanmışdır.[8][9]

Bakayoko 2014-cü ildə Monako klubunda çıxış edərkən.

Bakayoko 2014-cü ilin iyul ayında £7 milyon qarşılığında Monako klubuna transfer olmuşdur.[5][10] Bakayoko Monako klubu ilə debütünü 10 avqust 2014-cü ildə etmişdir. O, 32-ci dəqiqədə Loryan klubu ilə qarşılaşmada Valere Jermeni əvəz etmişdir. Həmin görüşdə Monako Liqa 1 görüşündə Loryana evdə 2–1 hesabı ilə məğlub olmuşdur.[11][12][13] Monako klubunun baş məşqçisi Leonardo Jardimin onu vaxtından əvvəl meydandan çıxarması iki tərəf arasında gərgin münasibətlərə səbəb olmuşdur. Bakayoko demişdir: "Onunla mənim aramda kiçik gərginlik yaşanır".[6] Debüt etdikdən sonra Bakayoko növbəti iki ay ərzində heç bir oyuna çıxmamışdır. Buna səbəb onun zədədən əziyyət çəkməsi və razılaşdırılmamış formada ehtiyatda qalması olmuşdur.[7] Jardimlə onun arasındakı gərginlik davam etdiyi üçün Bakayoko təlimlər zamanı ədalətsizliklə üzləşirdi. O, bəzən təlimlərə gecikdiyi üçün geniş surətdə tənqid olunurdu. Bu münasibət onun daha da məyus olmasına gətirib çıxarırdı.[7]

Bakayoko Monako klubunda ilk iki mövsümdə 31 liqa görüşündə 1 qolla yadda qalmışdır. Bakayokonun potensialının çox olması davranışlarının dəyişməsinə səbəb olmuşdur. O, mənzil evindən dəbdəbəli villaya keçmiş, qara avtomobilinin isə rəngini çəhrayı rəngə dəyişmişdir.[6][11] Bundan əlavə, o, boksla məşğul olmağa başlamış, qidalanma rejimi dəyişmiş və öz gücünü yaxşılaşdırmışdır.[7] O, 2016-cı ildə keçmiş Fransa millisinin futbolçusu Klaude Makeleleyə Monako klubunun futbol direktoru vəzifəsinə gətirmək üçün kömək etmişdir.[15] O, bu hərəkəti ilə öz qayğıkeşliyini bir daha sübut etmişdir.[6][7][11][14] Bu məqsədlə o, keçmiş Renn klubunun gənclər yığmasının məşqçisi Yannik Menudan məsləhət almışdır.[7][11] Jeremi Toulalan və Mario Paşaliç 2016-cı ildə klubu tərk etdikdən sonra Bakayoko Monakonun yeganə oyun qurucusu olmuşdur. O, 2016–17 mövsümündə klubun Liqa 1-də çempion olmağına böyük köməklik etmiş və 2016–17 UEFA Çempionlar Liqası mövsümünün komandasına daxil edilmişdir.[11] Bu, Bakayoko üçün həlledici mövsüm olmuşdur. O, davamlı olaraq uğurlu çıxışları ilə Monako klubunun əsas tərkib hissələrindən birinə çevrilmişdir. O, zədəyə az meylli idi və təlim-məşq toplanışlarında daima öz üzərində çalışırdı.[7]

15 mart 2017-ci ildə II Lui stadionunda keçirilən UEFA Çempionlar Liqası 2016/2017 mövsümünün 1/8 final mərhələsinin cavab oyununda Bakayoko final qolunun (UEFA Çempionlar Liqası və ya UEFA Avropa Liqasında ilk qolu) müəllifi olmuşdur. Bakayoko Tomas Lemarın küncdən ötürdüyü topu baş zərbəsi ilə qola çevirmişdir. Həmin görüşdə Monako Mançester Sitiyə 3–1 (ümumi hesab 6–6) hesabı ilə qalib gəlmiş və səfər qolu nəticəsində növbəti mərhələyə yüksəlmişdir.[16]

Bakayoko 2017-ci ildə Çelsi klubunda çıxış edərkən.

15 iyul 2017-ci ildə Bakayoko £40 milyon qarşılığında Premyer liqa təmsilçilərindən olan Çelsi klubu ilə beş illik müqavilə imzalamışdır.[14][17] O, klubun ikinci ən bahalı transferi kimi klubun tarixinə keçmişdir.[18] O, Çelsi klubu ilə Premyer liqada debütünü 20 avqust 2017-ci ildə Tottenhem Hotspur klubuna qarşı oyunda etmişdir.[19]

14 avqust 2018-ci ildə Milan klubu €5 milyon qarşılığında Bakayokonu mövsüm sonuna qədər icarəyə götürdüyünü açıqlamışdır. Klub €35 milyon qarşılığında birbaşa satın alma hüququna da malikdir.[20][21]

19 Mart 2017 tarixində yenilənib[28]

1. Fransa Superkuboku görüşləri daxildir.

28 Mart 2017. tarixində yenilənib[29][30]

Monako

• Liqa 1: 2016–17[31]

Çelsi

• FA Kuboku: 2017–18[32]

• UEFA Çempionlar Liqası Mövsümün Komandası: 2016–17[33]