Telman Salahov

Telman Həsən oğlu Salahov (1 fevral 1937; Gəncə, Azərbaycan SSR) — azərbaycanlı futbolçu və məşqçi, SSRİ idman ustası və əməkdar məşqçisi. 2013-cü ildən "Sumqayıt FK"nın Müşahidə Şurasının üzvü olan Telman Salahov 2016-cı ildə Azərbaycan Prezidenti İlham Əliyevin Sərəncamı ilə "Tərəqqi" medalına layiq görülüb.

Telman Salahov
Ümumi məlumatlar
Tam adı Telman Həsən oğlu Salahov
Doğum tarixi
Doğum yeri Gəncə, Azərbaycan
Vətəndaşlığı Azərbaycan Azərbaycan
Mövqeyi Hücumçu
Təltif və medalları
Dövlət təltifləri

"Tərəqqi" medalı

Həyatı

Telman Salahov 1937-ci il fevralın 1-də Gəncə şəhərində Həsən Salahovun və Kəklik Əzizovanın ailəsində anadan olub; əslən Gəncə şəhərindəndir.

Atası Həsən Salahov Azərbaycan SSR Daxili İşlər Nazirliyinin zabiti, anası Kəklik Əzizova isə evdar xanım olub.

Karyerası

Telman Salahov futbolçu karyerasına 1961-ci ildə Sumqayıtın "Temp" komandasının heyətində başladı. Həmin il Sovet İttifaqının B divizionunda çıxış edən "Temp" komandasında Salahov birinci qolunu aprelin 22-si Leninqradın "Pamir" komandasının qapısına vurdu.[1] Mayın ayının 7-i Kirovabadın "Dinamo" komandası ilə görüşdə Telman Salahov komandasının qələbə qolunu, "Alqa" Frunze ilə görüşdə isə təsəlli qolunu vurdu.[2][3] Artıq "Temp" komandasının əsas heyət futbolçularından olan 24 yaşlı Salahov iyun ayında Cambulun "Metallist" (3:2) və Düşənbənin "Energetik" (2:1) komandaları ilə görüşdə komandasının bərabərlik qollarını vurdu.

Statistikası
Komanda Mövsüm Çempionat Kubok
Liqa Oyun Qol Oyun Qol
Temp Sumqayıt 1961 B divizionu
27
9
-
0

İstinadlar
  1. ""Pamir" Leninqrad 1:1 "Temp" Sumqayıt oyununun protokolu". www.footballfacts.ru. İstifadə tarixi: 5 yanvar 2016.
  2. ""Temp" Sumqayıt 2:1 "Dinamo" Kirovabad oyununun protokolu". www.footballfacts.ru. İstifadə tarixi: 5 yanvar 2016.
  3. ""Alqa" Frunze 2:1 "Temp" Sumqayıt oyununun protokolu". www.footballfacts.ru. İstifadə tarixi: 5 yanvar 2016.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.