Steins;Gate

Steins;Gate (シュタインズ・ゲート, Shutainzu Gēto, azərb. Şteyns darvazası‎) — 5pb. və Nitroplus tərəfindən istehsal olunmuş və 2009-cu ilin 15 oktyabrında Xbox 360 platforması üçün yayımlanmış Yaponiya vizual romanı. Bu 5pb. və Nitroplus şirkətlərinin "Science Adventure" oyun seriyası çərçivəsində "Chaos;Head" oyunundan sonra istehsal etdiyi ikinci oyundur, bu oyunu "Robotics;Notes" izləmişdir. Oyunun Windows üçün versiyası 26 avqust 2010-cu ildə, PlayStation Portable üçün versiyası 23 iyun 2011-ci ildə, iOS üçün versiyası 25 avqust 2011-ci ildə, PlayStation üçün versiyası 24 may 2012-ci ildə,[2] PlayStation Vita üçün versiyası 14 mart 2013-cü ildə və Android üçün versiyası 27 iyun 2013-cü ildə yayımlanmışdır. İstehsalçı komanda tərəfindən oyun "hipotetik elm ADV-si" (想定科学ADV, Sōtei Kagaku ADV) adlandırılmışdır.[3] Oyun bir-birinə qarşılıqlı təsir göstərən ssenarilər təklif edən xətti süjetə malikdir. JAST USA 31 mart 2014-cü ildə Şimali Amerikada oyunu PC platforması üçün yayımlamışdır (həm rəqəmsal, həm fiziki versiyalar).[4][5][6][7][8] PQube isə 2015-ci ildə oyunun PS3 və PS Vita üçün versiyalarını Şimali Amerika və Avropada satışa çıxarmışdır.[9] Oyunun iOS platformaları üçün versiyasının ingilisdilli tərcüməsi 9 sentyabr 2016-cı ildə buraxılmışdır.[10]

Stein;Gate
Oyunun Şimali Amerika üçün versiyasının üzlüyü. Üzlükdə üç personaj yer alıb (soldan sağa): Rintaro, Kurisu və Mayuri.
Oyunun Şimali Amerika üçün versiyasının üzlüyü. Üzlükdə üç personaj yer alıb (soldan sağa): Rintaro, Kurisu və Mayuri.
Hazırlayan 5pb.
Nitroplus
Yayımlayan 5pb.
ABŞ JAST USA (PC)
Yaponiya Nitroplus (PC)
ABŞ/Avropa İttifaqı (PS3, PSV)
Yaponiya Kadokawa Shoten
Seriya Science Adventure
Buraxılış tarixləri 15 oktyabr 2009
Janr vizual roman
Texniki məlumat
Platforma Xbox 360, PlayStation Vita[d], PlayStation 3, Microsoft Windows[1], Android, iOS, PlayStation 4
Oyun rejimi birnəfərli oyun
İnterfeysin dili ingilis dili[1], yapon dili[1], sadələşdirilmiş Çin dili[d][1], ənənəvi Çin dili[d][1]
Daşıyıcı rəqəmsal distribusiya, rəqəmsal yükləmə[d]
İdarəetmə sensor ekran
Rəsmi saytı
Vikianbarın loqosu Vikianbarda əlaqəli mediafayllar

Oyunun manqa adaptasiyası Saraçi Yomi tərəfindən hazırlanmış və 26 sentyabr 2009-cu ildə "Media Factory"-nin "Monthly Comic Alive" manqa jurnalında nəşr olunmağa başlanmışdır. Kenci Mizuta tərəfindən çəkilmiş ikinci manqa seriyasının serializasiyasına 28 dekabr 2009-cu ildə "Mag Garden"-in "Monthly Comic Blade" jurnalında başlanılmışdır. Manqa Amerikada Udon Entertainment tərəfindən lisenziyalaşdırılmışdır. Oyunun White Fox studiyası tərəfindən istehsal olunmuş anime adaptasiyası 6 avqust 2011-ci ildən 14 sentyabr 2011-ci ilə qədər Yaponiyada göstərilmişdir və Funimation Entertainment tərəfindən Şimali Amerika üçün lisenziyalaşdırılmışdır. Tammetrajlı anime isə Yaponiya kinoteatrlarında 20 aprel 2013-cü ildə ekranlara buraxılmışdır.[11][12] Oyunun fan diski — "Steins;Gate: Hiyoku Renri no Darling" 6 iyun 2011-ci ildə satışa buraxılmışdır. Bu oyunun 8-bitlik davam oyunu "Steins;Gate: Hen'i Kuukan no Octet" 28 oktyabr 2011-ci ildə yayımlanmışdır.[13] Digər oyunlar — "Steins;Gate Kōsoku no Phenogram" 25 aprel 2013-cü ildə,[14] "Steins;Gate 0" (PS3, PS4 və PS Vita üçün) 10 dekabr 2015-ci ildə yayımlanmışdır.[15][16]

Geympley
"Steins;Gate" oyunundakı "tətik sistemi"ni təcəssüm etdirən skrinşot. Oyunçu göy hiperkeçidlərdən birini seçərək mesaja cavab verə bilər.

"Steins;Gate"-in geympleyi oyunun çox hissəsində oyunçudan çox az qarşılıqlı təsir tələb edir. Oyunçu oyunu oynarkən vaxtının çoxunu ekranda müxtəlif personajlar arasındakı dialoqları və personajların şəxsi fikirlərini oxumaqla keçirir. Digər bir çox vizual romanlarda olduğu kimi, "Steins;Gate" oyununda da istifadəçiyə oyunun istiqamətini dəyişməyə imkan verən seçimlər təqdim olunur.

Qərar vermə anlarında oyunçuya "telefon tətiyi" (フォーントリガー, fōn torigā) adlı sistem nümayiş etdirilir. Bu sistem "Chaos;Head" vizual romanındakı "sayıqlama tətiyi" sisteminə oxşayır. Oyunçu hər hansı şəxsdən telefon zəngi qəbul edəndə, verəcəyi cavabı seçə və cavab verməkdən imtina edə bilər. Daxil olan mesajlarda brauzerlərdəki hiperkeçidlərə bənzər altından xətt çəkilmiş və göy rənglə vurğulanan spesifik sözlər var. Oyunçu bu sözlərdən birini seçərək mesaja cavab verə bilər. Oyunda oyunçunun həyəcanlı anlar yaşamasına səbəb olan müyyən nöqtələr olsa da, telefon zənglərinin və mesajlarının çoxuna cavab vermək məcbur deyil. Oyunçunun telefon zənglərinə və mesajlarına verdiyi cavablardan asılı olaraq, süjet spesifik istiqamətdə inkişaf edir.[17]

Süjet

Qurma və mövzular

"Steins;Gate"-də hadisələr "Chaos;Head"-da baş verən hadisələrdən təxminən 1 il sonra — 2010-cu ilin yayında Akihabarada baş verir.[18] Oyundakı yer alan yerlərdən biri "Kaikan" radio binasıdır.[19] "Steins;Gate"-in yaradılmasına başçılıq edən Çiyomaru Şikuraya görə Akihabara bölgəsinin seçilməsinin əsas səbəbi bu yerdə metal hissələrinin asan tapılması idi. Buna görə də bura ixtiraçılıqla maraqlanan şəxslər üçün ideal yer idi.[20] Zaman və zaman səyahəti anlayışları oyunun əsas mövzularıdır.[19][21] Səbəbiyyət oyunda önə çəkilmiş konseptdir. Oyunun əsas qəhrəmanları gələcəkdə baş verəcəklərin qarşısını almaq üçün dəfələrlə keçmişə səyahət etməli olurlar.[21]

Əsas personajlar
Rintaro Okabe (岡部 倫太郎, Okabe Rintarō)
Səsləndirən: Mamoru Miyano (yapon), Maykl Tatum (ingilis)

Rintaro Okabe "Steins;Gate" franşizinin əsas personajıdır. Okabe qeyri-adi adamdır, özünü çılğın elm adamı adlandırır, çox vaxt Kyoma Hooin (鳳凰院 凶真, Hōōin Kyōma) psevdonimindən istifadə edir.[19] Mayuri və Daru onu ad və soyadının ilk hecalarından ibarət "Okarin" (オカリン) adı ilə çağırırlar. O, Akihabarada yerləşən "Gələcəyin Alətləri Laboratoriyası"nın (未来ガジェット研究所, Mirai Gajetto Kenkyūjo) qurucusudur və vaxtının çoxunu orada keçirir. Laboratoriyanın 001 nömrəli və ilk üzvüdür. Özünü paranoid kimi göstərir, daim "Təşkilat" adlandırdığı hansısa qurumun onu izlədiyini düşünür, telefonla öz-özünə danışır, tez-tez şeytan qəhqəhəsindən istifadə edir. Özünü çoxbəyənmiş, lovğa kimi göstərir. Adətən laboratoriya önlüyü ilə görünür. Zaman səyahəti üzərində təcrübələr apararkən Okabe öyrənir ki, o, müxtəlif zaman xətləri arasındakı fərqləri ayırd edə bilən yeganə şəxsdir. O, malik olduğunu bu qabiliyyəti "Reading Steiner" adlandırır. 18 yaşı var və Tokyo Denki Universitetində təhsil alır.[22]

Kurisu Makise (牧瀬 紅莉栖, Makise Kurisu)
Səsləndirən: Asami İmay (yapon), Trina Nişimura (ingilis)

Kurisu Makise seriyanın əsas qadın personajıdır. Laboratoriyanın 004 nömrəli üzvüdür. O, sinir sistemi üzrə tədqiqatlar aparan 18 yaşlı alimdir, ABŞ universitetlərinin birində təhsil alır, ingiliscə yaxşı oxuya və danışa bilir.[23] Onun akademik məqalələri "Science" jurnalında çap olunub, buna görə tanınmış alimdir.[24] ABŞ-də məktəb təhsili almamışdır. Okabe ona müxtəlif ləqəblər taxmışdır və onu çox vaxt bu ləqəblərlə çağırır: "assistent" (助手, joshu), "Kristina" (クリスティーナ, Kurisutīna), "eksprementləri sevən pozğun dahi qız", "Zombi", "Seleb Sev", "@channeler" və s. Bu ləqəblər həmişə onu əsəbləşdirir. Kurisu tsunderedir, lakin bunu etiraf etməkdən utanır, onu belə çağıranda (xüsusilə Daru) tsundere olmadığını təkidlə bildirir. Atası ilə yola getmir və onunla illərdir danışmır. Onun @channel istifadəçi adı (oyunun dünyasında 2channel-in bir versiyası) "KuriGohan and Kamehameha"dır. Bu istifadəçi adı "Robotics;Notes" animesinin doqquzuncu seriyasında Kayto Yaşionun PokeCom tabletində kameo etmişdir.

Mayuri Şiina (椎名 まゆり, Shiina Mayuri)
Səsləndirən: Kana Hanazava (yapon), Eşli Börç (ingilis)

Mayuri Şiina Okabe Okabenin uşaqlıqdan yaxın dostudur və bir az saf qızdır. Laboratoriyanın 002 nömrəli üzvüdür. Mayuri kospley olmağı çox sevir, "Mayqueen Nyannyan" pişxidmət restoranında işləyir.[25] O, özünü çox vaxt ad və soyadının ilk hecalarından ibarət Mayuşii (まゆしぃ) adı ilə çağırır. Daru da ona bu adla xitab edir. Mayurinin maraqlı danışıq tərzi var, hər dəfə özünü təqdim edəndə "tutturu" (トゥットゥルー) deyir. Bir neçə il əvvəl o, nənəsini naməlum şərtlər altında itirmişdir və Okabe onu kədərdən xilas etmək üçün onu "əsir"i elan etmişdir. Beləliklə, Okabe Mayurinin xatirinə Kyoma Hooin şəxsiyyətini formalaşdırmışdır. Onun 16 yaşı var və universitetə hazırlıq məktəbində təhsil alır.[26]

İtaru "Daru" Haşida (橋田 至, Hashida Itaru)
Səsləndirən: Tomokazu Seki (yapon), Tayson Reynhart (ingilis)

İtaru Haşida təcrübəli hakerdir. Okabe ilə İtaru orta məktəbdən tanışdırlar. Laboratoriyanın 003 nömrəli üzvüdür. O, kompüter proqramları, keçmiş və yeni kompüter avadanlıqları ilə işləmək üzrə təcrübəlidir. O, həmçinin otaku mədəniyyətinə aid olan şeylərə yaxşı vaqifdir.[19] Okabe və Mayuri ona çox vaxt ad və soyadının son hecalarından ibarət "Daru" (トゥットゥルー) adı ilə xitab edirlər. Okabe adətən ona "haker" əvəzinə səhvən "Super hake" (ハッカー, hakkā) adı ilə çağırır, bu isə Darunun acığına səbəb olur. Daru Feyrisin böyük fanatıdır və addımbaşı elə şeylər deyir ki, dedikləri seksual məna ifadə edir. Daru həmişə Okabenin çılğın fikirlərindən bezir. Onun 19 yaşı var və Okabe kimi Tokyo Denki Universitetində təhsil alır.[27] "Robotics;Notes" animesində DaSH kimi peyda olmuşdur.

Franşizin baş qəhrəmanı Rintaro Okabe və ya qısaldılmış adı ilə Okarin.
Moeka Kiryu (桐生 萌郁, Kiryū Moeka)
Səsləndirən: Saori Goto (yapon), Cessika Kavana (ingilis)

Moeka Kiryu hündür və gözəl qızdır. Okabe onunla Akihabarada təsadüfən rastlaşmışdır. O da IBN 5100 kompüterinin axtarışındadır. Laboratoriyanın 005 nömrəli üzvüdür. Moeka öz mobil telefonuna çox bağlıdır, kimsə telefonunu əlindən almaq istəyəndə təşvişə düşür. Moeka çox dinc və sakit qızdır. Hətta qarşısında olsa belə, insanlarla mesajlaşaraq ünsiyyət qurur,[28] çünki mesajlaşmağın birbaşa danışmaqdan daha asan olduğunu fikirləşir. Telefondan çox istifadə etdiyinə görə Okabe ona "İşıldayan barmaq" (シャイニング・フィンガー）, Shainingu Fingā) ləqəbini taxmışdır. Onun 20 yaşı var.[29]

Luka Uruşibara (漆原 るか, Urushibara Ruka)
Səsləndirən: Yu Kobayaşi (yapon), Lindsi Seydel (ingilis)

Luka Uruşibara Okabenin dostudur. Laboratoriyanın 006 nömrəli üzvüdür. Onun görünüşü qız kimidir, qız kimi hərəkət edir, həm atasının məbədində, həm də başqa yerlərdə qız kimi geyinir. Əslində isə oğlandır. O həmçinin Şiinanın yaxın dostu və sinif yoldaşıdır. Şiina həmişə ona kospley olmağı təklif edir, amma Luka həmişə bundan utanır və imtina edir.[30] Lukanın Okabeyə qarşı sevgi hisləri var. Okabe onu "Lukako" (ルカ子) ləqəbi ilə çağırır və onu şagirdi hesab edir. Onun 16 yaşı var. Hekayənin gedişində Okabenin düşdüyü zaman xətlərinin çoxunda Luka qızdır. Lakin Okabe səhvlərini düzəldib α zaman xəttinə qayıtdıqdan sonra Luka yenidən oğlan formasına qayıtmışdır.[31]

Feyris Nyannyan (フェイリス・ニャンニャン, Feirisu Nyannyan) / Rumiho Akiha (秋葉 留未穂, Akiha Rumiho)
Səsləndirən: Haruko Momoy (yapon), Ced Sakston (ingilis)

Feyris Nyannyan Şiinanın da işlədiyi "Mayqueen Nyannyan" pişxidmət restoranında işləyir və buranın ən məşhur qadın ofisiantıdır. Laboratoriyanın 007 nömrəli üzvüdür.[32] Əsl adı Rumiho Akihadır. Ailəsi Akihabara bölgəsinin sahibidir və Feyris buranı anime və moe bölgəsinə çevirməyi təklif etmişdir. Danışan zaman cümlələrinin sonuna həmişə "myau" (ニャン, nyan) sözünü əlavə edir. 17 yaşı var.[33]

Suzuha Amane (阿万音 鈴羽, Amane Suzuha)
Səsləndirən: Yukari Tamura, Hiroşi Tsuçida (Con Taytor) (yapon), Çerami Li, Patrik Seyts (Con Taytor) (ingilis)

Suzuha Amane Okabenin qaldığı evin sahibinin dükkanında yarıvaxtlı işləyən qızdır və Akihabarada atasını axtarır. Laboratoriyanın 008 nömrəli və sonuncu üzvüdür. Suzaha özünü döyüşçü adlandırır, buna görə də Okabe ona "Yarıvaxtlı döyüşçü" ləqəbini taxmışdır. Velosiped sürməyi sevir və bəzi səbəblərə görə Makise ilə yola getmir.[34] Daha sonra məlum olur ki, Suzuha əslində zaman səyahətçisidir, 2036-cı ildən gəlib, Con Taytor kimi özünü təqdim edib. Darunun gələcəkdəki qızıdır, əsl adı Suzu Haşidadır (橋田 鈴, Hashida Suzu). 18 yaşı var.[35] "Steins;Gate: Bōkan no Rebellion" manqasının əsas müsbət personajıdır.

Yuqo Tennoci (天王寺 裕吾, Tennōji Yūgo)
Səsləndirən: Masaki Terasoma (yapon), Kristofer Sabat (ingilis)

Okabenin qaldığı və laboratoriyanın yerləşdiyi evin sahibidir. Okabenin evinin altında onun televizor təmiri dükkanı yerləşir. Qızı Nae ilə yaşayır. "Braun televizorları"na olan sevgisində görə Okabe ona çox vaxt "Mister Braun" adı ilə xitab edir. "Steins;Gate: Onshū no Braunian Motion" manqasının əsas müsbət personajıdır.[36]

Nae Tennoci (天王寺 綯, Tennōji Nae)
Səsləndirən: Masaki Terasoma (yapon), Kristofer Sabat (ingilis)

Yuqonun qızıdır və atası ilə birlikdə dükkanda yaşayır. Mayuri Şiina ilə yaxşı yola gedir. "Robotics;Notes"-də JAXA-nın üzvü kimi görünmüşdür.[37]

Həkim Nakabaçi (ドクター中鉢)
Səsləndirən: Mitsuru Oqata (yapon), Kent Vilyams (ingilis)
Kurisunun atası və franşizin əsas mənfi personajıdır. Onun əsas məqsədi qızını elm sahəsində ötüb keçməkdir. Bu isə Üçüncü dünya müharibəsinə səbəb olacaqdır. Əsl adı Şoyçi Makisedir (牧瀬 章一).

Düzgün son
Gələcəyin Alətləri Laboratoriyasının
bütün üzvləri
001 nömrəli üzv: Rintaro Okabe
002 nömrəli üzv: Mayuri Şiina
003 nömrəli üzv: İtaru Haşida
004 nömrəli üzv: Kurisu Makise
005 nömrəli üzv: Moeka Kiryu
006 nömrəli üzv: Luka Uruşibara
007 nömrəli üzv: Feyris Nyannyan
008 nömrəli üzv: Suzuha Amane

Aşağıdakı hekayə Düzgün son istiqamətinə əsaslanır və həmçinin animedə istifadə olunan süjet xəttidir.

Hadisələr Tokionun Akihabara bölgəsində baş verir. 28 iyul 2010-cu ildə Rintaro Okabe və dostu Mayuri Şiina konfransda iştirak etmək məqsədilə "Kaikan" radiosuna yollanırlar. Orada Rintaro Kurisu Makise adlı qızın qan içində yerdə uzandığını görür.[38] Okabe insidentlə bağlı dostu İtaru "Daru" Haşidaya telefonla mesaj göndərir, amma birdən hər şey qəribələşir və ətrafındakı insanlar birdən yox olurlar, amma daha sonra yenidən görünürlər. Okabedən başqa heç kimi bu dəyişikliyin fərqinə varmır.[39] Daha sonra Okabe Kurisunun sağ və yaxşı olduğunu görür və Daruya göndərdiyi məktubun ona 1 həftə əvvəl çatdığını öyrənir.[40][41] Rintaro sonda belə nəticəyə gəlir ki, dostları ilə düzəltdiyi "Mobil mikrodalğa" cihazı mesajları keçmişə göndərə bilən cihazdır.[19][42] Tezlikdə o və dostları zaman səyahətləri üzrə araşdırmalar aparan SERN təşkilatının əslində keçmişə insanlar göndərdiyini, amma həmin insanların bu eksprementlər zamanı öldüklərini aşkarlayırlar. Rintaro və dostları "Mobil mikrodalğa" ilə keçmişə göndərə bildikləri mesajların adına "D-poçt" (Dメール, D mēru, DeLorean-poçt sözünün qısaltması) qoyurlar. Hər dəfə bu mesajların keçmişə göndərilməsi zaman xətlərində ciddi dəyişikliklərə səbəb olur. Tezliklə Kurisu mikrodalğa ilə insanların zehinlərini keçmişə göndərə bilən cihaz ixtira edir. Bu cihaz insana keçmişə daha effektiv təsir göstərməyə imkan verir.

Amma SERN bu zaman maşını haqqında öyrənir və onu ələ keçirmək üçün qrup yollayır. Bu qrup Mayurini öldürür. Kurisunun zamanda sıçrama cihazının vasitəsilə Rintaro dəfələrlə keçmişə səyahət edir, amma hər dəfə müxtəlif səbəblərdən Mayuri ölür. Artıq Rintaro ümidini itirəndə, zaman maşını sayəsində SERN-nin hökmranlıq etdiyi 2036-cı ildən gəlmiş Suzuha Amane ona Mayurinin ölməyəcəyi Beta dünya xəttinə qayıtmalı olduğunu deyir.[43] Rintaro keçmişə yolladığı və zaman xəttində sürüşmələrə səbəb olan D-poçtları düzəldərək itirdiyi IBN 5100 kompüterini yenidən qazanır və SERN sistemini qıraraq ilk D-poçt haqqındakı sübutu silmək imkanı qazanır. Amma Rintaro bunu etdikdə Kurisunun öldüyü dünyaya geri qayıdacağını başa düşür. Bir-birilərinə olan hislərini açıqladıqdan sonra Kurisu Rintaroya Mayurini xilas etməsini deyir. Həvəssiz şəkildə Rintaro sonda bununla razılaşır və SERN-in məlumat bazasından D-poçt haqqındakı sübutu silir və Beta dünya xəttinə qayıdır.

Bir müddət sonra Suzuha yenə zaman maşını ilə Rintaronun yanına gəlir. Suzuha Rintaroya deyir ki, gələcəkdə baş verəcək Üçüncü dünya müharibəsinin qarşısını almağın yeganə üsulu, qızının zaman səyahəti haqqındakı nəzəriyyəsini oğurlayıb öz adı ilə nəşr etdirmək istəyən Nakabaçi tərəfindən öldürülmüş Kurisunun ölümünün qabağını almaqdır.[44] Suzuha və Rintaro keçmişə səyahət edirlər. Amma əməliyyat Rintaronun Kurisunu səhvən özü öldürməsi ilə nəticələnir.[45] Bu uğursuzluqdan sonra Rintaro gələcəkdəki özündən mesaj alır. Gələcəkdəki Rintaro ona başa salır ki, ona zaman maşınını düzəltməyə səbəb olacaq hadisələri dəyişdirmədən Kurisunu xilas etməyin yeganə yolu keçmişdəki özünü aldadıb Kurisunu ölmüş kimi göstərməkdir. Nəticədə, Rintaronun Ştayns Qeyt adlandırdığı 1,048596 %-lik aralanma əldə olunacaq.[46][47] Yenidən keçmişə qayıdan Rintaro öz həyatını təhlükəyə ataraq Nakabaçinin Kurisunu öldürməsinin qabağını alır, Kurisunu şok aləti ilə yatızdırır, öz qanını döşəməyə tökür. Beləcə, Rintaro keçmişdəki Rintaronu Kurisunun öldüyünə inandırır. Rintaro Ştayns Qeyt zaman xəttinə qayıdır, gələcəkdə baş verəcək Üçüncü dünya müharibəsinin qarşısını almış olur. Sonda Rintaro və Kurisu Akihabara küçələrinin birində rastlaşırlar.[48]

Alternativ sonluqlar

Oyunçunun seçimindən asılı olaraq oyunun süjet xətti alternativ sonluqlarla yekunlaşa bilər.

"Suzuha Amane" sonluğuna görə Okabe Suzuhanı təqib etmək üçün keçmişə D-poçt göndərməməyə qərar verir. Mayurinin ölümünün qarşısını almaq məqsədilə, Okabe zaman sıçrayışı vasitəsilə onun ölümündən əvvəlki iki günü yenidən yaşayır. Saysız-hesabsız sıçrayışdan sonra Okabe eyni iki günü dəfələrlə yaşadığına görə şəxsiyyətini və emosiyasını itirir. Sonunda, Suzuha Okabenin davranışa fikir verir. Suzuha ona deyir ki, o, yavaş-yavaş içəridən "öləcək" və dünya aralanması planlaşdırılmış şəkildə davam edəcək. Hər ikisi yaddaşlarını itirmək ehtimalına baxmayaraq, keçmişə səyahət etmək və SERN-in antiutopiya gələcəyini dayandırmaq qərarına gəlirlər.

"Feyris Nyannyan" sonluğuna görə Okabe IBN 5100 kompüteri yenidən əldə etmək üçün Feyrisin atasının ölümünün qarşısını alan D-poçt göndərmir. 1 %-dən çox aralanma əldə olunur, amma aralanmaölçən qəribə nəticə əldə edir və Okabenin bütün dostları onun kim olduğunu unudurlar. Okabe ilə Feyris dünya xəttində cütlük olub birlikdə yaşayırlar və "Rainet Access Battlers" kart turnirində iştirak edirlər. Dostlarından heç birinin onu xatırlamaması onu məyus etsə də, Okabe Mayurinin ölümünün qarşısını aldığına görə xoşbəxtdir. O, Feyrislə yeni həyat qurmağa qərar verir.

"Luka Uruşibara" sonluğuna görə Okabe Lukanı yenə oğlana çevirəcək D-poçtu göndərmir. Okabe Mayurinin ölümünü qəbul edir və onu xilas etməyə çalışmır. Okabe və Luka qalan vaxtı birlikdə yaşamağa qərar verirlər, lakin onlar buna görə kədər və peşmançılıq hissi çəkirlər.

"Mayuri Şiina" sonluğuna görə Okabe xilas etmək üçün ya Mayurini, ya Kurisunu seçməlidir. Mayuriyə qarşı romantik duyğular bəslədiyini başa düşən Okabe Kurisu ilə planlaşdırıldığı kimi Kurisunun öldüyü Beta dünya xəttinə qayıtmağa qərar verir. IBN kompüteri vasitəsilə SERN Verilənlər Bazasının sındırılmasından sonra 1 %-lik aralanma əldə olunur. Okabe Kurisu ilə olan xatirələrini unutmayacağına və Mayuri ilə sevgili kimi yaşacağına and içir.

"Kurisu Makise" sonluğu "Düzgün yol" sonluğuna oxşardır. Bu sonluğu əldə etmək üçün oyunçu Kurisu ilə bir neçə dəfə oyunda söhbət etməlidir. Beləliklə, Okabe və Kurisu bir-birilərinə qarşı hislərini anlayırlar. "Düzgün yol"dan fərqli olaraq, sonda Kurisunun ölümünün qarşısı alınmır.

Vizual romanda istifadə olunan və real həyatda mövcud olan bəzi elementlər
  • IBM 5100 (vizual romanda IBN 5100 adından istifadə olunur) — SERN-in şifrələnmiş fayllarını sındırmaq üçün Daruya lazım olan cihaz.
    IBM 5100 (vizual romanda IBN 5100 adından istifadə olunur) — SERN-in şifrələnmiş fayllarını sındırmaq üçün Daruya lazım olan cihaz.
  • CERN (vizual romanda SERN adından istifadə olunur) — GAL üzvlərinin əsas düşməni
    CERN (vizual romanda SERN adından istifadə olunur) — GAL üzvlərinin əsas düşməni
  • Böyük adron sürətləndiricisi — SERN-in zaman səyahəti təcrübələri üçün istifadə etdiyi proton sürətləndiricisi.
    Böyük adron sürətləndiricisi — SERN-in zaman səyahəti təcrübələri üçün istifadə etdiyi proton sürətləndiricisi.
  • Akihabara — hadisələrin baş verdiyi məkan
    Akihabara — hadisələrin baş verdiyi məkan

İstehsal

"Steins;Gate" "Chaos;Head"-dan sonra 5pb. və Nitroplus-un birgə əməkdaşlığı ilə istehsal olunmuş ikinci oyundur.[3] Oyun "99 % elm (reallıq) və 1 % fentezi" konsepti ilə istehsal olunmuşdur.[49] 5pb. üçün "Steins;Gate"-in istehsalına Çiyomaru Şikura başçılıq etmişdir.[21] Personajlar "Huke" kimi tanınan ("Metal Gear" seriyasının rəssamı və "Black Rock Shooter" franşizinin yaradıcısı kimi də tanınır) Ryohey Fuke tərəfindən, alətlər isə Sh@rp tərəfindən dizayn olunmuşdur.[21] 5pb.-dan Naotaka Hayaşi Nitroplus-dan Vio Şimokura ilə oyun üçün ssenari yazmışdır. 5pb.-dan Tatsuya Matsuhara prodüser, Nitroplus-dan Toso Pehara bədii rəhbər təyin olunmuşdur.[21] Oyun musiqini Takeşi Abo (5pb.) və Toşimiçi İsoe (Zizz Studio) bəstələmişdirlər.[21] Şikura, Hayaşi, Matsuhara, Abo və İsoe daha əvvəl "Chaos;Head"-da da birlikdə işləmişdilər. Oyunun başlığı Steins;Gate ifadəsinin heç bir spesifik mənası yoxdur; "steins" alman dilində "daş" kimi tərcümə olunur və yəhudi əsilli alman alim Albert Eynşteynin adı ilə əlaqələndirilir.[50]

Oyunun yayımlanması haqqında anons verilməzdən əvvəl 5pb.-in rəsmi saytındakı tizer saytı oyunu "Project S;G" kimi qələmə vermiş və Nitroplus ilə birlikdə istehsal olunacağını qeyd etmişdir.[51] Nitroplus-un rəsmi saytı da 10 illik yubileylə bağlı açdığı saytında bu məsələyə eyham vurmuşdur.[52] "Chaos;Head"-in prodüseri olmuş Matsuhara qabaqcadan oyundakı hadisələrin Akihabarada cərəyan edəcəyini bildirmiş, layihənin Nitroplus ilə istehsal etdikləri "Science Novels" (科学ノベル, Kagaku Noberu) seriyasının ikinci hissəsi olacağını qeyd etmişdir.[53] 12 iyun 2009-cu ildə oyunun adının "Steins;Gate" olduğu açıqlanmışdır.[3]

Oyunda telefon tətiyi sistemindən istifadə etməyi irəli sürən Matsuhara əvvəlcə oyunçunun şəxsi mobil telefonunu sistemə daxil etmək istəmişdi. Amma bu ideyanın Yaponiyada şəxsi məlumatların qorunması ilə əlaqədar qanunlarla ziddiyyət təşkil etməsi narahatçılığı bu ideyanın həyata keçirilməməsi ilə nəticələnmişdir. Mümkün bir sikvel oyununda bu ideyanın həyata keçirilib-keçirilməməsi ilə bağlı verilən sualda Hayaşi heç bir problemin olmayacağını ümid etdiyini bildirmişdir. Şitakura süjetin yazılmasına bilavasitə iştirak etməsə də, Hayaşi onun ümumi süjetin və hekayənin ikinci hissəsinin yazılmasında kömək etdiyini söyləmişdir. Xüsusilə, Şitakura hekayənin zaman səyahəti aspektləri ilə bağlı kömək etmişdir. Hayuşi qeyd edir ki, oyunçu dəfələrlə zamanda geriyə getməyə məcbur olsa da, o, süjet xəttində təkrarlara yer vermək istəmirdi. Buna görə də o, süjetin irəliləyişində bir emfaza qoymağa çalışmışdır. Zaman səyahəti mövzusuna gəldikdə isə, Hayuşi bunun şişirdilmiş olduğunu fikirləşmiş və bu ideyanı Şikuradan ilk dəfə eşidəndə narahatçılığını ifadə etmişdi.[50]

Kana Hanazava "Stein;Gate" oyununda yer alacağı üçün xoşbəxt olduğunu bildirmişdir. Çünki o, ciddi bir oyunda çıxış etməyin adi olmayacağını hiss etmişdir. O, həmçinin bu oyunun adi qorxu oyununa nisbətən oyunçuya daha təsirli duyğular yaşadacağını və bunun oyunçuyu hekayəni oxumağa davam etməyə şirnikləşdirəcəyini dilə gətirmişdir.[54]

Yayımlanma tarixi

"Steins;Gate" oyununun istehsalı 18 sentyabr 2009-cu ildə tamamlanmışdır.[55] Bir neçə həftə sonra oyunun demo versiyasını Xbox Live Marketplace-dən yükləmək mümkün olmuşdur: 7 oktyabr 2009-cu ildə Xbox Live Gold üzvləri, 14 oktyabr 2009-cu ildə isə bütün istifadəçilər bu demo versiyasını yükləməyə başlamışdırlar.[56][57] Demo versiyasında oyunçu ancaq oyunun proloqunu və ilk fəsli oyanaya bilər.[56] "Steins;Gate"-in məhdud və daimi nəşrləri 15 avqust 2009-cu ildə yayımlanmışdır. Məhdud nəşrə oyunun özü, "Gələcəyin aləti #3 Yalan detektoru" adlı oyuncaq, kiçik, qalın cildli və müxtəlif rəsmlərin daxil edildiyi rəngləmə kitabı və oyunun dünyası haqqında arxa plan məlumatı, eləcə də, oyunun istehsalında iştirak etmiş şəxslərin şərhləri daxil edilmişdi.[17] Oyunun Windows platformaları üçün olan versiyası 26 avqust 2010-cu ildə yayımlanmışdır[58] və oyuna əlavə CG-lər daxil edilmişdir.[59] PlayStation Portable platforması üçün olan versiyası 23 iyun 2011-ci ildə buraxılmışdır.[60] Oyuna Xbox 360 versiyasının yükləniləbilən məzmununun elementləri, eləcə də, yeni açılış filmi, yeni açılış mahnısı və yeni bağlanış mahnısı daxil edilmişdi.[61] 25 avqust 2011-ci ildə oyunu artıq iOS platformalarında oynamaq mümkün idi.[62] PlayStation Vita versiyasına "Steins;Gate: Hiyoku Renri no Darling" adlı orijinal oyun da daxil edilmiş[63] və 14 mart 2013-cü ildə yayımlanmışdır. Oyunun bu versiyasını alarkən yenicə çıxmaqda olan tammetrajlı anime — "Steins;Gate: Fuka Ryōiki no Déjà vu" üçün pulsuz bilet verilirdi. 2013-cü ildə baş tutan Anime Expo tədbirində JAST USA oyunu PC platformaları üçün Şimali Amerikada lisenziyalaşdıracaqlarını açıqlamışdır.[4] Oyun 31 mart 2014-cü ildə məhdud, eləcə də, rəqəmsal nəşr şəklində buraxılmışdır. Məhdud nəşrə delüks kolleksiya qutusu, rəngləmə kitabı və fan-kitab, Gələcəyin Alətləri Laboratoriyası nişanları, təlimat kitabçası və oyun diski daxil idi. Fiziki standart nəşr daha sonra yayımlanmışdır. 16 dekabr 2014-cü ildə PQube oyunu 2015-ci ildə Şimali Amerika və Avropa yayımlamaq üçün lisenziyalaşdıracaqlarını açıqlamışdır.[64] Fiziki versiyaları ABŞ və Kanadada Amazon.com-dan əldə etmək mümkün olmamışdır, onları ancaq VideoGamesPlus.ca saytından əldə etmək mümkün olmuşdur. PC versiyasını 28 sentyabr 2016-cı ildən Steam-dən əldə etmək mümkündür.

Sikvellər
Həmçinin bax: Steins;Gate 0

"Steins;Gate"-in uğurundan sonra davam oyunları da istehsal olunmuşdur.

"Steins;Gate: Darling of Loving Vows" oyunu 6 iyun 2011-ci ildə yayımlanmışdır və stil baxımından "Chaos;Head Love Chu Chu!" oyununa bənzəyir. Bu sikvel oyununun hekayəsi orijinal oyunun hekayəsi ilə əlaqəli deyil və daha gülməli tona malikdir. Oyun əslində Xbox 360 platformasında oynamaq mümkün idi, amma daha sonra PS3, PS4 və PS Vita üçün olan versiyaları buraxılmışdır.[65] 3 oktyabr 2013-cü ildə iOS üçün olan versiyası yayımlanmışdır.[66]

"Steins;Gate: Hen'i Kuukan no Octet" orijina oyunun "Düzgün yol" süjetinin uzantısıdır. Orijinal oyunun müasir vizual roman formatından fərqli olaraq, bu oyun 8 bit PC dövrünün (məsələn, PC-88) oyunlarının stilini yamsılayır. Oyunun bütün arxa planları və personajları aşağı keyfiyyətdə təsvir olunmuşdur. Oyunun giriş hissəsində Rintaro Okabenin 2025-ci ildəki özündən mesaj aldığı göstərilir: Okabe IBN 5100-ü düzəldərək gələcəyi Neydhardt adlı şəxsdən xilas etməlidir. Bu şəxs "Chaos;Head" vizual romanından olan Takumi Nişicodur: Takumi sevimli MMORPG oyununda da bu ləqəbdən istifadə edir. Həmçinin Okabeyə göndərilmiş D-poçtda qeyd olunmuşdu ki, Neydhardt Şibuyada yaşayır (eynən Takumi kimi) və "özünəməxsus fövqəltəbii qabiliyyətləri" (qiqalomanyaklığa istinad edilir) var. Rəsmi olmasa da, oyunda "Chaos;Head" haqqında bir çox istinadlar və pasxa yumurtaları vardır. Oyun 28 oktyabr 2011-ci ildə ancaq PC-lər üçün çıxmışdır. Oyunun demo versiyasını hələ də əldə etmək mümkündür.[13] Oyunun hekayəsi əsasında hazırlanmış manqa da yayımlanmışdır.[67] Əsas oyun kimi, bu oyunun da fanatlar tərəfindən ingilis dilinə tərcümə olunmuş bir çox versiyaları vardır.[68]

Üçüncü oyun "Steins;Gate: Linear Bounded Phenogram" Yaponiyada 25 aprel 2013-cü ildə Xbox 360 və PlayStation 3 platformaları üçün buraxılmışdır. Oyun Okabe ilə yanaşı digər laboratoriya üzvlərinin baxışından və alternativ hekayələrlə oynamağı təklif edir.[69] Oyunun PlayStation Vita üçün olan versiyası 28 noyabr 2013-cü ildə yayımlanmışdır.[70] Orijinal oyunun rəsmi sikveli olan "Steins;Gate 0" 2015-ci ilin martında anons edilmişdir.[71] Oyun PlayStation 3, PlayStation 4 və PlayStation Vita platformaları üçün istehsal olunmuşdur. Oyunun yayımlanması üçün ilk öncə 19 noyabr 2015-ci il tarixi seçilsə də, oyun 10 dekabr 2015-ci ildə yayımlanmışdır.[72]

Steins;Gate-in inkişaf etdirilmiş remeyki Steins;Gate Elite 2017-ci ildə anons edilmişdir.[73]

Digər oyunlarda

Mayuri və Kurisu, Banpresto tərəfindən PlayStation Portable platforması üçün hazırlanmış və 23 fevral 2012-ci ildə yayımlanmış Nendoroid keçid oyunu "Nendoroid Generation"-a peyda olmuşdurlar.[74]

2D döyüş videooyunu olan "Phantom Breaker"-da Kurisu Makise qonaq personaj kimi yer almışdır və oyun Yaponiyada 2 iyun 2011-ci ildə yayımlanmışdır.[75] Kurisu həmçinin bu oyunun spin-offu olan "Phantom Breaker: Battle Grounds" oyununda yükləniləbilən məzmunun tərkib hissəsində olmuşdur.[76]

Media
2011-ci ilin oktyabrında Akihabarada yerləşən Radio Kaikan binasına yerləşdirilmiş reklam xarakterli zaman maşını modeli.

İnternet-radio verilişi

"Steins;Gate"-i tanıtmaq üçün 11 sentyabr 2009-cu ildə "Steins;Gate Radio Future Gadget Radio Show (Steins;Gate ラジオ　未来ガジェット電波局, Steins;Gate Rajio Mirai Gajetto Denpakyoku)" adlı internet-radio verilişi yayımlanmağa başlanmışdır.[77] Veriliş hər cümə günü onlayn şəkildə yayımlanmış və HiBiKi radio stansiyası tərəfindən istehsal olunmuşdur. Verilişin aparıcıları anime serialında Kurisu Makise personajının səsləndiricisi olan Asami İmay və Mayuri Şiina personajının səsləndiricisi Kana Hanazava olmuşdurlar. Veriliş boyunca Luka Uruşibara personajının səsləndiricisi Yu Kobayaşi[78] və Nae Tennoci personajının səsləndiricisi Ayano Yamamoto kimi müxtəlif qonaqlar çağırılmışdır.[79] Verilişin sonuncu buraxılışı dəfə 30 oktyabr 2009-cu ildə yayımlanmışdır. Feyris Nyannyan personajının səsləndiricisi Haruko Momoyun qonaq kimi iştirak etdiyi xüsusi Komiket verilişinin CD-si 29 dekabr 2009-cu ildə buraxılmışdır.[80][81] İnternet-radio verilişinin 8 buraxılışı, xüsusi Komiket verilişi və yeni bir veriliş oyunun musiqisi ilə birlikdə bir boğçada yayımlanmışdır.[82] İnternet-radio verilişləri MP3 formatında qeydə alınmışdır.[82]

Manqa

26 sentyabr 2009-cu ildə Saraçi Yomi tərəfindən hazırlanmış manqa adaptasiyası Media Factory-nin "Monthly Comic Alive" jurnalının noyabr 2009-cu il buraxılışında nəşr olunmağa başlamışdır.[83] Manqa vizual romandan əvvəl yayımlansa da, süjet xətti videooyuna əsaslanır.

Hazırda dörd manqa seriyası nəşr olunmaqdadır. Kenci Mizuta tərəfindən hazırlanmış "Steins;Gate: Bōkan no Rebellion" (STEINS;GATE 亡環のリベリオン, Shutainzu Gēto Bōkan no Reberion, "Steins;Gate: Ölüm meydanı üsyanı") Mag Garden nəşriyyatının "Monthly Comic Blade" jurnalında (2010-cu ilin fevral buraxılışında) nəşr olunmağa başlamışdır.[81] Manqada hadisələr Suzuha Amanenin baxış bucağından nəql edilir. "Steins;Gate: Onshū no Braunian Motion" (STEINS;GATE 恩讐のブラウニアンモーション, Shutainzu Gēto Onshū no Buraunian Mōshon, "Steins;Gate: Braun hərəkətini sevmək/nifrət etmək") manqasının rəssamı Takeşi Mizoquçidir və Famitsu nəşriyyatının "Comic Clear" veb-jurnalında yayımlanmağa başlamışdır. Bu manqada hadisələr Yuqo Tennocinin baxış bucağından başa salınır.[84] "Steins;Gate: Shijō Saikyō no Slight Fever" (STEINS;GATE 史上最強のスライトフィーバー, Shutainzu Gēto Shijō Saikyō no Suraito Fībā, "Steins;Gate: Dünyanın ən güclü yüngül qızdırması") Yuzuhana Morita tərəfindən hazırlanmışdır və Kadokawa Shoten nəşriyyatının "Comptiq" jurnalının fevral 2011-ci il buraxılışında debüt etmişdir, lakin manqa 2011-ci ilin oktyabrında "Monthly Shōnen Ace" jurnalında yayımlanmağa başlamışdır. Manqada hadisələr baş personajlardan biri olan Kurisu Makisenun baxış bucağından nəql olunur. "Steins;Gate: Hiyoku Renri no Sweets Honey" (STEINS;GATE 比翼恋理のスイーツはにー, Shutainzu Gēto Hiyoku Renri no Suītsu Hanī) manqasının yayımlanmasına 2011-ci ilin avqustunda "Monthly Comic Blade" jurnalından başlanılmışdır. Bu manqada baş verən hadisələr fandiskə əsaslanır. Dram CD-sinin manqa adaptasiyası olan "Steins;Gate: Aishin Meizu no Babel" (STEINS;GATE 哀心迷図のバベル, Shutainzu Gēto Aishin Meizu no Baberu) manqa seriyasında da hadisələr Kurisu tərəfindən nəql olunur. Manqa seriyasının rəssamı Şiniçiro Nariiedir və Shueisha nəşriyyatının "Ultra Jump" jurnalında 15 may 2012-ci ildə çap olunmağa başlamışdır.[85]

"Steins;Gate!" (しゅたいんず・げーと) adlı komediya manqa adaptasiyası Nini tərəfindən hazırlanmış və Media Factory nəşriyyatının "Monthly Comic Alive" jurnalının mart 2011-ci il buraxılışında nəşr olunmuşdur.

Enterbrain tərəfindən 26 fevral 2010-cu ildə "Steins;Gate" haqqında məlumat və dizaynlar ehtiva edən bir kitab nəşr olunmuşdur.[86]

Ranobe

Oyun əsasında hazırlanmış "Steins;Gate: The Committee of Antimatter" adlı ranobedə orijinal hekayədən 6 il sonrakı hadisələrdən bəhs olunur. Ranobenin 16 yanvar 2015-ci ildə yayımlanması planlaşdırılırdı.[87][88] Lakin "müxtəlif hadisələr"ə görə 22 dekabr 2014-cü ildə anons edilmiş ranobenin yayımlanmasından imtina edilmişdir.[89]

Dram CD-ləri

Üç dram CD-si yayımlanmışdır: uyğun olaraq, 31 mart 2010-cu ildə, 28 aprel 2010-cu ildə və 2 iyun 2010-cu ildə.[90] İlk CD-də hadisələr Kurisu sonluğunun onuncu fəslində vaqe olur.[90]

Anime

25 iyul 2010-cu ildə Çiyomaru Şikura öz Twitter hesabından vizual roman əsasında anime serialının çəkiləcəyini bildirmişdir.[91] Anime adaptasiyası haqqında əlavə məlumatlar "Newtype" və "Comptiq" jurnallarının 2010-cu ilin sentyabrında çıxan buraxılışları ilə ortaya çıxmışdır.[92] Anime serialı White Fox studiyası tərəfindən istehsal olunmuşdur[93] və Yaponiyada 6 aprel 2011-ci ildən 14 sentyabr 2011-ci ilə qədər yayımlanmışdır.[93] Anime serialının seriyaları Yaponiyada 10 DVD/Blu-ray kombo paketi şəklində buraxılmışdır. Hər paketə 2-3 seriya, rəngləmə kitabı və Yaponiya seyyuləri tərəfindən ifa olunan musiqilər və radio dramları ehtiva edən bonus diski daxil edilmişdi. OVA seriyası 22 fevral 2012-ci ildə sonuncu DVD/BD cildində buraxılmışdır.[94] Anime serialının rejissorları Hiroşi Hamasaki və Takuya Sato,[93] ssenaristi Cukki Hanada, bəstəkarları Takeşi Abo və Murakami Cun olmuşdurlar.[93] Funimation Entertainment anime serialını Şimali Amerika üçün lisenziyalaşdırmışdır və seriyaları 25 sentyabr 2012-ci ildə[95][96][97] və 18 dekabr 2012-ci ildə[98] iki Blu-ray/DVD kombo dəsti şəklində buraxmışdır. Hər iki dəst Funimation Entertainment şirkətinin "Anime Classics" buraxılışlar seriyasının bir hissəsi kimi tək Blu-ray/DVD boks-setində toplanmışdır. Boks-set 30 sentyabr 2014-cü ildə buraxılmışdır.[99] Manga Entertainment anime serialını Böyük Britaniya üçün lisenziyalaşdırmışdır və iki hissə şəklində, uyğun olaraq, 15 iyul 2013-cü ildə və 30 sentyabr 2013-cü ildə yayımlamışdır.[100][101] "Steins;Gate - Sōmei Eichi no Cognitive Computing" (シュタインズゲート 聡明叡智のコグニティブ・コンピューティング, "Steins;Gate - İdraki kompüterin müdrikliyi") adlı ONA serialı idraki kompüteri reklam etmək məqsədilə IBM tərəfindən istehsal olunmuş və 14 oktyabr 2014-cü ildən 11 noyabr 2014-cü ilə kimi yayımlanmışdır.[102]

Hazırda "Steins;Gate 0" vizual romanının eyniadlı anime serialı adaptasiyasının istehsalı üzərində iş getməkdədir.[71] Bu anime serialını təbliğ etmək məqsədilə birinci mövsümün 23-cü seriyasının alternativ versiyası yayımlanmışdır. 23-cü seriyanın alternativ versiyası "Steins;Gate 0"-da baş verəcək hadisələr üçün başlanğıc rolunu oynayır.[103] Animenin "Steins;Gate World Line 2017-2018 Project" layihəsi çərçivəsində istehsal olunacağı açıqlanmışdır.[104] Animenin 2018-ci ilin aprelində yayımlanacağı anons edilmişdir.[105]

Anime filmi

Vizual romanın film adaptasiyası Steins;Gate: Load Region of Déjà Vu (シュタインズ・ゲート 負荷領域のデジャヴ, Shutainzu Gēto Fuka Ryōiki no Dejavu, azərb. Steins;Gate Filmi: Yüklənmiş dejavu sahəsi‎) anime serialının sonunda anons edilmişdir.[106][107] Filmdə baş verən hadisələr anime serialındakı hadisələrin davamıdır. Film Yaponiya kinoteatrlarında 20 aprel 2013-cü ildə ekranlara buraxılmışdır. 13 dekabr 2013-cü ildə anime filmi Blu-ray Disc və DVD formatlarında yayımlanmışdır.[12]

Musiqi

"Steins;Gate" vizual romanından 4 mahnıdan istifadə edilmişdir: "Sky Clad Observer" (スカイクラッドの観測者, Sukai Kuraddo no Kansokusha), birinci bağlanış mahnısı "Another Heaven", ikinci bağlanış mahnısı "Unmei no Farfalla" (運命のファルファッラ, Unmei no Farufarra) və əlavə olaraq "Technovision". Üçüncü mahnı Yui Sakakibara tərəfindən, qalanları Kanako İto tərəfindən ifa olunmuşdur. İtonun "Technovision" mahnısı 2009-cu ilin 26 avqustunda yayımlanmış "Stargate" albomuna daxil edilmişdi.[108] "Sky Clad Observer" mahnısı Çiyomaru Şikura tərəfindən, "Another Heaven" mahnısı Yoşihiro Suda tərəfindən bəstələnmişdir.[109] "Sky Clad Observer" sinqlı 28 oktyabr 2009-cu ildə buraxılmışdır.[109] Sakakibaranın "Unmei no Farufarra" mahnısı Tatsuhi Hayaşi tərəfindən bəstələnmişdir və sinql 25 noyabr 2009-cu ildə yayımlanmışdır.[110] Oyunun PC üçün olan versiyasında İtonun "AR" mahnısından istifadə olunmuşdur. Bununla yanaşı, PlayStation 2 və PlayStation 3 versiyalarında da İto tərəfindən ifa olunan yeni açılış mahnılardan istifadə olunmuşdur: uyğun olaraq, "Space Engineer" (宇宙エンジニア, Uchuu Engineer) və "Hisenkei Jeniakku" (非線形ジェニアック, Hisenkei Jeniakku). PlayStation Portable versiyası üçün Sakakibaranın ifa etdiyi "In the Moonlit Night of Preghiera" (プレギエーラの月夜に, Preghiera no Tsukiyo Ni) mahnısından bağlanış mahnısına üstünlük verilmişdir. Bütün bu mahnılar əvvəlcə ayrı sinqllar kimi, 26 iyun 2013-cü ildə isə vokal kolleksiya kimi yayımlanmışdır.[111] Arxa plan üçün musiqini bəstələyən bəstəkarlar Çiyomaru Şikura, AKIRASTAR, Takeşi Abo, Tatsushi Hayaşi və Yoşihiro Sudadır. Bu bəstəkarlar daha əvvəl 5ph. şirkətinin müxtəlif layihələrində iştirak etmişdilər. Oyunun saundtreki 3 fevral 2010-cu ildə, internet-radio verilişlərinin seriyalarının daxil edildiyi iki disklə (3 dəstdə) yayımlanmışdır.[82] Arxa plan musiqisi ilə yanaşı, orijinal Xbox 360 vokal treklerinin qısaldılmış versiyalarından da istifadə olunmuşdur.[82] Saundtrekə "Gate of Steiner" adlı piano trekləri daxil edilmişdi.[82] Dördüncü seriyada Afilia Saga musiqi qrupu tərəfindən oxunan "Watashi☆LOVE na☆Otome!" ("Steins;Gate"-in sikvel oyununda açılış mahnısıdır) mahnısını eşitmək olar. "The PS3 Double Pack Collector's" nəşrinə orijinal "Steins;Gate" oyunu və "Hiyoku Renri no Darling" oyunu daxil edilmişdi. Bu nəşr üçün "Steins;Gate Symphonic Material" adlı xüsusi saundtrek istehsal olunmuşdu. Bu saundtrekdə studiya orkestrı tərəfindən ifa olunan 10 trek toplanmışdı və 24 may 2012-ci ildə yayımlanmışdır.[112] Saundtrek 25 sentyabr 2013-cü ildə "Steins;Gate Symphonic Reunion" adı ilə iki diskdə yenidən buraxılmışdır.[113]

Anime serialı üçünsə 4 parça musiqidən istifadə olunmuşdur: Kanako İto tərəfindən ifa olunan açılış mahnısı "Hacking to the Gate", Yui Sakakibara (bağlanış titrlarında o, Chaos;Head vizual romanındakı "Phantasm" (ファンタズム) musiqi qrupunun üzvü FES kimi təqdim olunur) tərəfindən ifa olunan əsas bağlanış mahnısı "Tokitsukasadoru Jūni no Meiyaku" (刻司ル十二ノ盟約), 23 və 24-cü seriyaların bağlanış mahnısı "Sukai Kuraddo no Kansokusha" (スカイクラッドの観測者) və Kanako İtonun ifa etdiyi "Another Heaven". İlk iki mahnı orijinal mahnılar olub anime serialı üçün istehsal olunmuşdur. 23 və 24-cü seriyalarda istifadə olunmuş qaln iki mahnı vizual romandan götürülmüşdür. Animenin arxa plan musiqisi Takeşi Abo, Cun Murakami və Yoşihiro Suda tərəfindən bəstələnmişdir. Arxa plan musiqisi oyundan birbaşa götürülmüş mövzulardan istifadə edir, amma studiya orkestrı tərəfindən ifa olunan orijinal musiqi də ehtiva edir. Animenin saundtreki kommersiya baxımından hazırda əlçatan deyil, amma əvəzində anime seriyaları Blu-ray formatında iki diskdə buraxılmışdır. İlk albom "Butterfly Effect" II cildlə birlikdə 27 iyun 2011-ci ildə,[114] ikinci albom "Event Horizon" isə VIII cildlə birlikdə 25 yanvar 2012-ci ildə yayımlanmışdır.[115]

Stolüstü oyun

Vizual roman əsasında GigasDrop "Rainet Access Battlers" (雷ネットアクセスバトラーズ, Rainetto Akusesu Batorāzu) adlı stolüstü oyun istehsal etmişdir və oyun Yaponiyada 28 dekabr 2011-ci ildə buraxılmışdır.[116]

Teatr tamaşası

"Steins;Gate" animesi əsasında hazırlanmış "Living ADV: Steins;Gate" teatr oyunu 8 gün ərzində Tokiodakı Zepp Dayver Siti Teatrında tamaşaya qoyulmuşdur və 20 oktyabr 2013-cü ilə başa çatmışdır.[117]

Qəbul

Vizual roman

"Steins;Gate" ilk həftəsində satılmış 16.434 nüsxəsi ilə satışlarda 13-cü,[118] ikinci həftəsində satılmış 4.253 nüsxəsi ilə satışlarda 28-ci,[119] üçüncü həftəsində satılmış 6.095 nüsxəsi ilə satışlarda 26-cı yerdə qərarlaşmışdı. 29 oktyabr 2009-cu ilə kimi oyunun ümumilikdə 26.782 nüsxəsi satılmışdır.[120] "Steins;Gate" videooyunu Amazon Japan saytında Xbox 360 oyunlarının satışına görə 1 dekabr 2008-ci ildən 30 noyabr 2009-cu ilə qədər dördüncü yeri tutmuşdur.[121] Oyunun PlayStation Portable versiyasının 63.558 nüsxəsi yayımlandığı ilk həftədəcə satılmışdır[122] və Yaponiya videooyun reytinq cədvəllərində ikinci yerə yüksəlmişdir. 2011-ci ilin iyununa kimi oyunun PC, Xbox 360 və PSP versiyalarının satılmış nüsxələrinin sayı 300.000-i ötmüşdür.[123] 2014-cü ilə kimi isə bu rəqəm 500.000-i keçmişdir.[124] Böyük Britaniya reytinq cədvəllərində 8 iyun 2015-ci ilə kimi oyun PlayStation Vita çartına başçılıq etmiş, PlayStation 3 çartında 3-cü yerdə qərarlaşmış, "All-Format" çartında isə 18-ci yerdə göstərilmişdir.[125] Android versiyasının 2015-ci ilə kimi 50.000-100.000 dəfə yükləndiyi ehtimal olunur.[126] 2015-ci ilin dekabrına kimi "Steins;Gate" vizual romanın satılmış nüsxələrinin sayı 1 milyonu keçmişdir. Bu rəqəmə oyunun rəsmi sikveli olan "Steins;Gate 0" oyununun satılmış 100.000 nüsxəsi də daxildir.[127]

"Famitsu Xbox 360" jurnalının əməkdaşı Senci İşii oyunun ssenarisini ətraflı izah edildiyinə görə tərifləmişdir və ssenaridə əhəmiyyətsiz kimi görünən hadisələrin daha sonra gələcəyə böyük təsirlər göstərdiyini qeyd etmişdir. Bununla yanaşı, oyunda müxtəlif hadisələr bir-biriləri ilə əlaqələndirilir və İşii bunun ssenari üzərindəki gərgin işin bir nəticəsi olduğuna inanır.[21] 2009-cu ildə "Steins;Gate" videooyununa "Famitsu" tərəfindən hər il təqdim olunan "Mükəmməllik oyunu" mükafatı verilmişdir.[128] 4Gamer.net saytı bildirmişdir ki, oyun son dövrlərdə tapılmayan "cavahirat"dır və "428: Fūsa Sareta Shibuya de" vizual romanı ilə müqayisə oluna bilər.[129] ITmedia Gamez oyunçunun oyunu oynayarkən hekayədəki bütün detallara fikir verməli olduğunu, oyunun müxtəlif yollarla oyunçunu təəccübləndirdiyini qeyd etmişdir. ITmedia Gamez personajların səsləndirilməsi baxımından da oyunun rəğbət gördüyünü bildirmişdir.[130] Tənqiddə qeyd olunmuşdu ki, oyunun demo versiyasını oynayanlar və oyunun atmosferindən həzz almayanlar güman ki, oyunun qalan hissəsini də maraqlı hesab etməmişdirlər.[131] "Steins;Gate" Square Enix prodüseri Tomoya Asano tərəfindən də təriflənmişdir. O, oyunun "məftunedici və rəğbətli personajlara və oyunçuları təəccübləndirən ssenariyə" malik olduğunu etiraf etmişdir. Bu, "Steins;Gate" oyununun ssenaristi Naotaka Hayaşinin "Bravely Default: Flying Fairy" rol oyunu üçün ssenari və personajlar yazması üçün səbəb olmuşdur.[132] 2011-ci ildə "Famitsu" jurnalının keçirdiyi sorğunun ardından "Steins;Gate" oyunu "bütün dövrlərin ən gözyaşardıcı videooyunları" siyahısında 6-cı yeri tutmuşdur.[133]

Vizual romanın ingilis versiyası da müsbət rəylər almışdır. Hazırda oyunun reytinq xalları GameRankings-də 88 %,[134] Metacritic-də 87/100-dür.[135] Metacritic saytında "Steins;Gate" 2014-cü ilin yeddinci ən yüksək reytinqli PC oyunu,[136] 2015-ci ilin isə ən yüksək reytinqli PlayStation Vita oyunu olmuşdur.[137] Twinfinite oyuna 5/5 xal vermiş və oyunu bu ifadələrlə təsvir etmişdir: "möhtəşəm personajlar", "yaxşı yazılmış zaman səyahət haqqında ssenari", "personajların möhtəşəm səsləndirilməsi" və "unikal və gözəl incəsənət stili".[138] Buna baxmayaraq, oyunun uzunluğunun "çox" olduğu qeyd olunmuşdur.[139] USgamer də oyuna 5 ulduz üzrə 5 ulduz (5 5 dən ulduz5 5 dən ulduz5 5 dən ulduz5 5 dən ulduz5 5 dən ulduz) vermişdir və "hekayənin nəql edilməsi üçün vizual romanın möhtəşəm istifadəsi" və "personajların dramını, elmi fantastikanı və unudulmaz populyar mədəniyyət tənqidini özündə birləşdirən, gözəl işlənmiş interaktiv oyun" ifadələrinə yer verilmişdir. GameFan oyunun süjet xəttini "görkəmli", "yaxşı yazılmış" kimi göstərmiş, "bu ilin və dövrün ən yaxşı oyun ssenarisi" olduğunu bildirmişdir. GameFan qeyd etmişdi ki, "sapmalar və döngələr, süjet xəttinin şaxəli olması, müxtəlif sonluqlar və süjet xəttinin inkişafı inanılmazdır" və "maraqlı və telefona əsaslanan seçim sistemi bu janrda olan bənzər oyunlardan daha cəlbedicidir".[140] Dealspwn süjet xəttini, personajları, "əla" lokalizasiyanı və "böyük imkanlarına və real seçimlərinə görə" telefon tətiyi sistemini müsbət qiymətləndirmişdir. Amma süjet xəttinin maraqlı başlamadığını və texniki jarqonların "çox" istifadə edildiyi qeyd edilmişdir.[141] GamesMaster oyunu gözəl və "ən yaxşı vizual romanlardan biri" olduğunu hesab etmiş, əsas personajı "unudulmaz" adlandırmışdır.[142] Syfy "Steins;Gate"-i "bütün dövrlərin ən yaxşı vizual romanı" kimi qiymətləndirmişdir və bunu qeyd etmişdir ki, pis adamlar bir yanda ikən, sən gələcəyi xilas etməyi çalışarkən, təxmin edə bilməyəcəyin dağıdıcı nəticələri olan seçimlər edirsən.[143] "Official PlayStation Magazine" isə oyun haqqındakı bu fikrini bəyan etmişdir: "Bu, sizin görmək istəyəcəyiniz hekayədir".[144] "Steins;Gate" 2015-ci ildə "Ən yaxşı əllə tutulabilən / mobil oyun" kateqoriyasında Qızıl coystik mükafatı laureatı olmuşdur.[145]

Anime
"Steins;Gate" mənim yaşadığım ƏN yaxşı təcrübələrdən biridir
və mən əminəm ki, anime sizin üçün də inanılmaz görünəcək.[146]

Kevin Mai, Kotaku-nun fan cəmiyyəti olan TAY-ın üzvü

2012-ci ilin yazına qədər Yaponiyada "Steins;Gate"-in anime adaptasiyasının DVD/BD buraxılışının 149.516 nüsxəsi satılmışdır.[147] "Steins Gate: Complete Series Classic" adlı Blu-ray kolleksiyası hazırda 200-dən çox tənqidçinin rəylərinə əsasən Amazon.com saytında 4,8/5 reytinq xalına malikdir.[148]

"Steins;Gate"-in anime adaptasiyası tənqidçilər tərəfindən bəyənilmişdir. "Steins;Gate" yayımlanarkən Yaponiyada top-animelərdən biri olmuşdur. Anime News Network anime serialına ümumilikdə -A, hekayəsinə isə A qiyməti vermişdir. Tənqidçi Karlo Santos animeni "triller şedevri" və "anime tarixinin son dövrlərinin ən çox asılılıq yaradan elmi fantastika trillerlərindən biri" kimi qiymətləndirmişdir. O qeyd etmişdir ki, anime "yaxşı araşdırılmış zaman səyahəti konseptinə", "yaddaqalan personajlara" malikdir və "həmişə təəccübləndirən süjet xətti" animeni "çox həyəcanlı trillerə" çevirir.[149] THEM Anime Reviews animeyə 5 ulduz üzrə 5 ulduz (5 5 dən ulduz5 5 dən ulduz5 5 dən ulduz5 5 dən ulduz5 5 dən ulduz) vermişdir. Tənqidçi Eyden Fut rəyində qeyd etmişdir ki, animedə "əla dönüş nöqtələri" var və "həyəcanverici kuliminasiya nöqtəsi" "elmi fantastika animesi tarixində ən kifayətlədiricisi olmalıdır". Edyen Fut animenin "təsiredici, əyləncəli və çox zövqverici" olduğunu bəyan etmişdir.[150] Mania.com "Steins Gate"-in ilk 3 seriyasının tənqidi xülasəsini vermiş, animeni -A dərəcəsi ilə qiymətləndirmiş və animenin "başaçılmaz personajlarının" onu "çox əyləncəli və baxmaq üçün son dərəcə valehedici" etdiyini açıqlamışdır.[151]

Kotaku-nun fan cəmiyyəti olan TAY-ın üzvü Kevin Mai ssenari üçün 10, vizual effektlər üçün 8,5, yaponca dublaj üçün 9,5, ingiliscə dublaj üçün 8,5, film üçün 8 və verdiyi əyləncə üçün 9 xal vermişdir. Ümumilikdə isə animeni 10 üzərindən 9 xalla qiymətləndirmişdir. Doctor Who TV animeyə 30 üzrə 25 xal vermişdir və bunları bildirmişdir: "anime serialı emosional, eləcə də, fantastik dərəcədə olan təxəyyülə əsaslanır. Personajlar müxtəlifdir və buna görə də yumor ilə ciddiyyət arasındakı balans əla saxlanılır".[152] Onlar anime serialını "Gələcəyə qayıdış", "Future Diary", "Kvant sıçrayışı", "Shadow of Memories", "Zaman maşını", "Terminator", "Qəhrəmanlar" və "Marmot günü" kimi zaman səyahəti mövzusuna malik olan əsərlərdən daha yüksək qiymət vermişdilər.[153]

İstinadlar
  1. Steam. 2003.
  2. "Steins;Gate, Hiyoku Renri no Darling Ported to PS3". Anime News Network. 16 January 2012. 2012-07-07 tarixində arxivləşdirilib. İstifadə tarixi: 26 fevral 2016.
  3. "想定科学ADV 「シュタインズ・ゲート」、ティザーサイト公開！" (Japanese). 5pb. June 12, 2009. December 16, 2010 tarixində orijinalından arxivləşdirilib. İstifadə tarixi: 26 fevral 2016.
  4. "JAST USA Licenses Steins;Gate Visual Novel in N. America - Interest - Anime News Network⚐UK". Anime News Network. 2013-07-25. 2013-08-09 tarixində arxivləşdirilib. İstifadə tarixi: 26 fevral 2016.
  5. Saabedra, Humberto. "Retailer Announces Delay for English "Steins;Gate" PC Game". Crunchyroll. 2014-02-02 tarixində arxivləşdirilib. İstifadə tarixi: 26 fevral 2016.
  6. "Steins;Gate Up For Pre-Order; Will Have ESRB Rating". Siliconera. 2013-10-04 tarixində arxivləşdirilib. İstifadə tarixi: 26 fevral 2016.
  7. "Steins;Gate Rated M By The ESRB". Siliconera. 2013-12-01 tarixində arxivləşdirilib. İstifadə tarixi: 26 fevral 2016.
  8. "Steins;Gate Rating Information". ESRB.org. 2013-12-03 tarixində arxivləşdirilib. İstifadə tarixi: 26 fevral 2016.
  9. "Steins;Gate is Coming to Playstation 3 and PS Vita in the West Next Year - Niche Gamer". Niche Gamer. 2015-01-08 tarixində arxivləşdirilib. İstifadə tarixi: 26 fevral 2016.
  10. "Steins;Gate Game's English iOS Release Available on September 9". ANN (ingilis). 4 sentyabr 2016. 2021-01-25 tarixində arxivləşdirilib. İstifadə tarixi: 4 sentyabr 2016.
  11. "La película de Steins;Gate tendrá un argumento diferente al anime" (Spanish). koi-nya. 2011-09-27 tarixində arxivləşdirilib. İstifadə tarixi: 26 fevral 2016.
  12. "Steins;Gate Film Slated for April 20". Anime News Network. February 1, 2013. 2016-04-17 tarixində arxivləşdirilib. İstifadə tarixi: 10 mart 2016.
  13. Gigasdrop. "Gigasdrop" (ingilis). 2011-10-30 tarixində orijinalından arxivləşdirilib. İstifadə tarixi: 16 mart 2016.
  14. "VIDEO: "Steins;Gate - Linear Bounded Phenogram" Opening Previewed". Crunchyroll. 2013-02-19. 2013-02-22 tarixində arxivləşdirilib. İstifadə tarixi: 26 fevral 2016.
  15. "Steins;Gate 0 launching for PS4, PS3, and PS Vita in Japan this fall". Gematsu. 2015-09-18 tarixində arxivləşdirilib. İstifadə tarixi: 26 fevral 2016.
  16. Romano, Sal. "Steins;Gate 0 announced". Gematsu. March 28, 2015. March 26, 2016 tarixində arxivləşdirilib. İstifadə tarixi: 26 fevral 2016.
  17. "Xbox.com STEINS;GATE - 『CHAOS;HEAD』スタッフが贈る科学アドベンチャー第 2 弾!" (Japanese). Microsoft. İstifadə tarixi: 1 mart 2016.
  18. "Steins;Gate". Famitsu (Japanese). Enterbrain: 228. June 2009.
  19. 秋葉原に時間の扉が開かれる 『シュタインズ・ゲート』 (Japanese). Famitsu. June 13, 2009. October 21, 2012 tarixində arxivləşdirilib. İstifadə tarixi: 3 mart 2016.
  20. "Steins;Gate". Famitsu (Japanese). Enterbrain: 231. June 2009.
  21. Ishii, Senji. 時間という禁断のテーマに挑んだ本格派ノベルゲーム『シュタインズ・ゲート』インプレッション (Japanese). Famitsu. October 15, 2009. March 3, 2016 tarixində arxivləşdirilib. İstifadə tarixi: 3 mart 2016.
  22. "Okabe Rintarō - Steins;Gate Official Site" (Japanese). 2011-06-22 tarixində arxivləşdirilib. İstifadə tarixi: 27 fevral 2016.
  23. "Makise Kurisu - Steins;Gate Official Site" (Japanese). 2011-06-28 tarixində arxivləşdirilib. İstifadə tarixi: 27 fevral 2016.
  24. "『シュタインズ・ゲート』のヒロインに迫る！【第1回・牧瀬紅莉栖】" (Japanese). Famitsu. September 7, 2009. October 22, 2012 tarixində arxivləşdirilib. İstifadə tarixi: 27 fevral 2016.
  25. "『シュタインズ・ゲート』のヒロインに迫る！【第2回・椎名まゆり】" (Japanese). Famitsu. September 15, 2009. October 21, 2012 tarixində arxivləşdirilib. İstifadə tarixi: 27 fevral 2016.
  26. "Shiina Mayuri - Steins;Gate Official Site" (Japanese). 2011-06-28 tarixində arxivləşdirilib. İstifadə tarixi: 27 fevral 2016.
  27. "Hashida Itaru - Steins;Gate Official Site" (Japanese). 2011-07-18 tarixində arxivləşdirilib. İstifadə tarixi: 27 fevral 2016.
  28. "『シュタインズ・ゲート』のヒロインに迫る！【第4回・桐生萌郁】" (Japanese). Famitsu. September 29, 2009. October 21, 2012 tarixində arxivləşdirilib. İstifadə tarixi: 27 fevral 2016.
  29. "Kiryū Moeka - Steins;Gate Official Site" (Japanese). 2011-07-07 tarixində arxivləşdirilib. İstifadə tarixi: 27 fevral 2016.
  30. "『シュタインズ・ゲート』のヒロインに迫る！【第6回・漆原るか】" (Japanese). Famitsu. October 12, 2009. March 30, 2012 tarixində arxivləşdirilib. İstifadə tarixi: 27 fevral 2016.
  31. "Urushibara Luka - Steins;Gate Official Site" (Japanese). 2011-06-28 tarixində arxivləşdirilib. İstifadə tarixi: 27 fevral 2016.
  32. "『シュタインズ・ゲート』のヒロインに迫る！【第5回・フェイリス・ニャンニャン】" (Japanese). Famitsu. October 5, 2009. October 21, 2012 tarixində arxivləşdirilib. İstifadə tarixi: 27 fevral 2016.
  33. "Feiris Nyannyan - Steins;Gate Official Site" (Japanese). 2011-07-07 tarixində arxivləşdirilib. İstifadə tarixi: 27 fevral 2016.
  34. "『シュタインズ・ゲート』のヒロインに迫る！【第3回・阿万音鈴羽】" (Japanese). Famitsu. September 21, 2009. October 21, 2012 tarixində arxivləşdirilib. İstifadə tarixi: 27 fevral 2016.
  35. "Amane Suzuha - Steins;Gate Official Site" (Japanese). 2011-07-07 tarixində arxivləşdirilib. İstifadə tarixi: 27 fevral 2016.
  36. "Yugo Tenoji - Steins;Gate Official Site" (Japanese). 2011-07-15 tarixində arxivləşdirilib. İstifadə tarixi: 27 fevral 2016.
  37. "Steins;Gate's Nae to Appear in [[Robotics;Notes]] Game". Anime News Network. April 4, 2012. 2012-07-19 tarixində arxivləşdirilib. İstifadə tarixi: 27 fevral 2016.
  38. Tərcümə olunmuş sitat: "Hər kəsin üzü Kurisunun cəsədini görən kimi ağappaq oldu." 5pb. and Nitroplus. Steins;Gate (Japanese). Xbox 360. 5pb. October 15, 2009. みんな顔面を蒼白にして、紅莉栖の死体を見ている
  39. Tərcümə olunmuş sitat: "İndicə, bir anda minlərlə piyada yox oldu! Sən bunu gördün, hə!? / Mən heç nə görmədim. Tələs və gedək." 5pb. and Nitroplus. Steins;Gate (Japanese). Xbox 360. 5pb. October 15, 2009. 今ここで数千人の通行人が一瞬で消えたんです! 貴方も見ましたよね!? / 見ていない. いいから早く出ていけ
  40. Tərcümə olunmuş sitat: "Sən ölmüş olmalıydın! Niyə burdasan...!?" 5pb. and Nitroplus. Steins;Gate (Japanese). Xbox 360. 5pb. October 15, 2009. 貴様は、死んだはずだ! なぜ、ここに......!?
  41. Tərcümə olunmuş sitat: "Yaxşı, sən mənə bir həftə əvvəl mesaj göndərmisəm, yox?" 5pb. and Nitroplus. Steins;Gate (Japanese). Xbox 360. 5pb. October 15, 2009. だって、1週間前にも僕にそんなメール送ってきたじゃん
  42. Tərcümə olunmuş sitat: "Mesaj "keçmiş"ə göndərildi." 5pb. and Nitroplus. Steins;Gate (Japanese). Xbox 360. 5pb. October 15, 2009. メールは"過去"へと送られた
  43. Tərcümə olunmuş sitat: "β dünya xəttinə get. Mayurinin ölmədiyi dünya." 5pb. and Nitroplus. Steins;Gate (Japanese). Xbox 360. 5pb. October 15, 2009. β世界線に行きなさい. まゆりが死なない世界へ
  44. Tərcümə olunmuş sitat: "Bu dünya xəttində gələcəkdə Üçüncü dünya müharibəsi baş verir." 5pb. and Nitroplus. Steins;Gate (Japanese). Xbox 360. 5pb. October 15, 2009. この世界線の未来では、第三次世界大戦が起きちゃうんだ
  45. Tərcümə olunmuş sitat: "Mən Kurisunu öldürdüm, ikinci dəfə..." 5pb. and Nitroplus. Steins;Gate (Japanese). Xbox 360. 5pb. October 15, 2009. 俺は、二度、紅莉栖を殺したんだ...
  46. Tərcümə olunmuş sitat: "Mən bu planı 2025-ci ildə uğurla tamamlamışam" 5pb. and Nitroplus. Steins;Gate (Japanese). Xbox 360. 5pb. October 15, 2009. その悔しさ、その罪悪感が、2025年にこの計画を完成された俺へと繋がったのだ
  47. Tərcümə olunmuş sitat: ""Aldadacağın" şəxs özünsən. / Başlanğıcda Kurisunu qan içində uzandığını görən sən" 5pb. and Nitroplus. Steins;Gate (Japanese). Xbox 360. 5pb. October 15, 2009. "騙す"相手は、お前自身だ / 最初のお前は、血まみれて倒れている牧瀬紅莉栖を目撃している
  48. Tərcümə olunmuş sitat: "Yenə görüşdük, Kristina--" 5pb. and Nitroplus. Steins;Gate (Japanese). Xbox 360. 5pb. October 15, 2009. また会えたな、クリスティーナ--
  49. "悲劇の未来を食い止められるか？ 『シュタインズ・ゲート』". Famitsu. August 14, 2009. March 3, 2016 tarixində arxivləşdirilib. İstifadə tarixi: 6 mart 2016.
  50. ""神ゲー"と話題沸騰！ Xbox 360『シュタインズ・ゲート』超ロングインタビュー掲載" (Japanese). Dengeki Online. November 20, 2009. January 29, 2016 tarixində orijinalından arxivləşdirilib. İstifadə tarixi: 6 mart 2016. (#invalid_param_val)
  51. "『カオスヘッド ノア』の続編か！？　5pb.に謎のティザーサイト出現" (Japanese). Famitsu. June 9, 2009. June 12, 2009 tarixində arxivləşdirilib. İstifadə tarixi: 6 mart 2016.
  52. ニトロプラス10周年記念プロジェクト (Japanese). Nitroplus. June 13, 2009. January 19, 2014 tarixində arxivləşdirilib. İstifadə tarixi: March 6, 2016.
  53. "【コレ電！】下着パッチはあるの？ 『CHAOS；HEAD』プロデューサーインタビュー" (Japanese). Dengeki Online. February 26, 2009. June 1, 2009 tarixində arxivləşdirilib. İstifadə tarixi: 6 mart 2016.
  54. 『シュタインズ・ゲート』キャストコメントの完全版を公開 (Japanese). Famitsu. October 15, 2009. November 18, 2009 tarixində arxivləşdirilib. İstifadə tarixi: 6 mart 2016.
  55. "Steins;Gate news section" (Japanese). 5pb. October 6, 2009. October 16, 2009 tarixində arxivləşdirilib. İstifadə tarixi: 8 mart 2016.
  56. "Xbox 360『STEINS;GATE』 体験版配信開始！！" (Japanese). 5pb. October 7, 2009. October 4, 2011 tarixində orijinalından arxivləşdirilib. İstifadə tarixi: 8 mart 2016.
  57. "Xbox Live Marketplace "Steins;Gate"" (Japanese). Microsoft. 2009-10-11 tarixində arxivləşdirilib. İstifadə tarixi: 8 mart 2016.
  58. "Windows 版『STEINS;GATE』 発売日変更のお知らせ" (Japanese). 5pb. June 15, 2010. June 25, 2010 tarixində arxivləşdirilib. İstifadə tarixi: 8 mart 2016.
  59. "『シュタインズ・ゲート』がPCに移植決定" (Japanese). Famitsu. April 21, 2010. April 25, 2010 tarixində arxivləşdirilib. İstifadə tarixi: 8 mart 2016.
  60. "STEINS;GATE PSP版 公式サイト / スペック情報" (Japanese). 2011-03-22 tarixində arxivləşdirilib. İstifadə tarixi: 8 mart 2016.
  61. "『シュタインズ・ゲート』それはPSPという世界線。" (Japanese). Famitsu. April 17, 2010. March 23, 2011 tarixində arxivləşdirilib. İstifadə tarixi: 8 mart 2016.
  62. "Steins;Gate for the iPhone Released! Overview and Changes Made in the iPhone Version". Unofficial Steins;Gate Wiki. 2011-09-28 tarixində arxivləşdirilib. İstifadə tarixi: 8 mart 2016.
  63. "Steins;Gate To See PlayStation Vita Port". Siliconera. 2012-12-01 tarixində arxivləşdirilib. İstifadə tarixi: 8 mart 2016.
  64. "Steins;Gate Is Coming To PlayStation 3 And Vita In English [Update]". Siliconera. 2016-03-14 tarixində arxivləşdirilib. İstifadə tarixi: 8 mart 2016.
  65. "Steins;Gate Hiyoku Renri no Darling". The Visual Novel Database. 2022-08-15 tarixində arxivləşdirilib. İstifadə tarixi: 9 mart 2016.
  66. "Steins;Gate, Hiyoku Renri no Darling Ported to iOS". Anime News Network. 2013-10-02 tarixində arxivləşdirilib. İstifadə tarixi: 9 mart 2016.
  67. "STEINS;GATE Heniku Ukan no Octet Ikegami Ryuichi [BOOK]". Cdjapan.co.jp. 2013-04-14. İstifadə tarixi: 9 mart 2016.
  68. "Steins;Gate: Hen'i Kuukan no Octet". The Visual Novel Database. 2022-05-31 tarixində arxivləşdirilib. İstifadə tarixi: 9 mart 2016.
  69. "Steins;Gate Gets New PS3/Xbox 360 Game Next Spring - Interest - Anime News Network⚐UK". Anime News Network. 2013-07-25. 2013-11-09 tarixində arxivləşdirilib. İstifadə tarixi: 9 mart 2016.
  70. "Steins;Gate Senkei Kōsoku no Phenogram Slated for Vita for November". Anime News Network. 2013-08-23 tarixində arxivləşdirilib. İstifadə tarixi: 9 mart 2016.
  71. "Steins;Gate 0 Follow-Up Game & Anime Announced". Anime News Network. 2016-05-10 tarixində arxivləşdirilib. İstifadə tarixi: 9 mart 2016.
  72. Matthews, Antony. "Steins;Gate 0 Delayed in Japan". Hardcore Gamer. 13 October 2015. 4 March 2016 tarixində arxivləşdirilib. İstifadə tarixi: 9 mart 2016.
  73. "『シュタインズ・ゲート』と『ロボティクス・ノーツ』の新作などが発表――ライブイベント"チヨスタライブ"での発表内容をお届け！". Famitsu (Japanese). Enterbrain. 2017-05-28. 2017-05-28 tarixində arxivləşdirilib. İstifadə tarixi: 28 iyul 2017.
  74. Spencer. "Nendoroid Generation Has Steins;Gate And Tohou Project Characters". Siliconera. September 1, 2011. March 14, 2016 tarixində arxivləşdirilib. İstifadə tarixi: 28 fevral 2016.
  75. "Phantom Breaker Breaks Out In June, Here's A Trailer". Siliconera. 2011-08-27 tarixində arxivləşdirilib. İstifadə tarixi: 28 fevral 2016.
  76. "Steins;Gate's Kurisu Has A Cameo 5pb's Retro Beat 'Em Up". Siliconera. 2013-03-03. 2013-09-02 tarixində arxivləşdirilib. İstifadə tarixi: 28 fevral 2016.
  77. "劇中のヒロインがパーソナリティーを務める"STEINS；GATEラジオ 未来ガジェット電波局"配信決定" (Japanese). Famitsu. September 11, 2009. November 18, 2009 tarixində arxivləşdirilib. İstifadə tarixi: 10 mart 2016.
  78. Touge. "「STEINS;GATEラジオ 未来ガジェット電波局」から，パーソナリティの今井麻美さんと花澤香菜さん，ゲストの小林ゆうさんのコメントを掲載" (Japanese). 4Gamer.net. September 25, 2009. December 2, 2009 tarixində arxivləşdirilib. İstifadə tarixi: 10 mart 2016.
  79. "【リリース】「STEINS;GATE」のネットラジオに天王寺綯役の山本彩乃さん出演" (Japanese). 4Gamer.net. October 25, 2009. July 9, 2011 tarixində arxivləşdirilib. İstifadə tarixi: 10 mart 2016.
  80. 紅莉栖とまゆり、アナタはどちらと年越したい!? (Japanese). 5pb.Records. 2010-11-20 tarixində arxivləşdirilib. İstifadə tarixi: 10 mart 2016.
  81. 『シュタインズ・ゲート』コミカライズ第2弾が連載スタート (Japanese). Famitsu. December 28, 2009. October 22, 2012 tarixində arxivləşdirilib. İstifadə tarixi: 10 mart 2016.
  82. "話題のゲームXbox360専用ソフト「シュタインズ・ゲート」のsoundtrackを全曲収録！豪華3枚組（CD2枚＋CDロム1枚）。" (Japanese). 5pb. Records. 2010-10-27 tarixində arxivləşdirilib. İstifadə tarixi: 10 mart 2016.
  83. 月刊コミックアライブ オフィシャルサイト／バックナンバー (Japanese). MediaFactory. 2017-08-16 tarixində arxivləşdirilib. İstifadə tarixi: 13 mart 2016.
  84. "STEINS;GATE 恩讐のブラウニアンモーション" (Japanese). Enterbrain Inc. 2012-08-06 tarixində arxivləşdirilib. İstifadə tarixi: 13 mart 2016.
  85. "Steins;Gate Game's First Drama CD Gets Manga". Anime News Network. April 19, 2012. 2016-11-08 tarixində arxivləşdirilib. İstifadə tarixi: 13 mart 2016.
  86. "シュタインズ・ゲート 公式資料集" (Japanese). Enterbrain. 2010-01-30 tarixində arxivləşdirilib. İstifadə tarixi: 13 mart 2016.
  87. ANN. "New Steins;Gate Novel Tells What Happens 6 Years After Game" (ingilis). 2014-06-25 tarixində arxivləşdirilib. İstifadə tarixi: 16 mart 2016.
  88. "小説『STEINS;GATE（シュタインズ・ゲート）The Committee of antimatter-』公式サイト". December 15, 2014 tarixində arxivləşdirilib. İstifadə tarixi: 28 fevral 2016.
  89. "Steins;Gate -The Committee of Antimatter- Novel Cancelled". Anime News Network. İstifadə tarixi: 28 fevral 2016.
  90. "想定科学ADV「Steins;Gate」ドラマCD どこにも語られていない、新たな世界線。物語はどこへと収束していくのか…【それは、伝えちゃいけない言葉だから】" (Japanese). 5pb.Records. 2010-03-26 tarixində arxivləşdirilib. İstifadə tarixi: 13 mart 2016.
  91. Shikura, Chiyomaru. "Twitter / 志倉千代丸: シュタインズゲート。アニメ化します。" (Japanese). Twitter. July 25, 2010. April 18, 2022 tarixində arxivləşdirilib. İstifadə tarixi: 13 mart 2016. シュタインズゲート。アニメ化します。
  92. "Steins;Gate Game Gets TV Anime". Anime News Network. July 25, 2010. 2016-05-07 tarixində arxivləşdirilib. İstifadə tarixi: 13 mart 2016.
  93. "STAFF / CAST STEINS;GATE公式サイト" (Japanese). 2012-07-24 tarixində arxivləşdirilib. İstifadə tarixi: 13 mart 2016.
  94. "Steins;Gate's Unaired Episode Promo Video Streamed". Anime News Network. December 29, 2011. 2012-04-26 tarixində arxivləşdirilib. İstifadə tarixi: 13 mart 2016.
  95. "Funimation Adds Deadman Wonderland, Steins;Gate and More". Anime News Network. July 1, 2011. 2016-06-11 tarixində arxivləşdirilib. İstifadə tarixi: 13 mart 2016.
  96. "Official FUNimation Anime Online Community - The Microwave Is A Time Machine! - Steins;Gate English Dub Cast". Funimation.com. 2012-08-16 tarixində arxivləşdirilib. İstifadə tarixi: 13 mart 2016.
  97. "North American Anime, Manga Releases, September 23-29". Anime News Network. September 25, 2012. 2016-04-28 tarixində arxivləşdirilib. İstifadə tarixi: 13 mart 2016.
  98. "Steins;Gate Part Two - The Perfect Stocking Stuffer". Funimation.com. 2012-10-26 tarixində arxivləşdirilib. İstifadə tarixi: 13 mart 2016.
  99. "Steins;Gate The Complete Series - Anime Classics". shop.funimation.com. FUNimation. 2014-08-08 tarixində arxivləşdirilib. İstifadə tarixi: 13 mart 2016.
  100. "Steins;Gate Will Definitely Get U.K. Release, Says Manga". Anime News Network. May 21, 2012. 2016-06-11 tarixində arxivləşdirilib. İstifadə tarixi: 13 mart 2016.
  101. "Manga to Release Steins;Gate on Blu-ray and DVD - News - Anime News Network⚐UK". Anime News Network. 2013-07-25. 2016-06-11 tarixində arxivləşdirilib. İstifadə tarixi: 13 mart 2016.
  102. "New Steins;Gate Anime Shorts Promote IBM's Next-Generation Computing". Anime News Network. 2016-06-11 tarixində arxivləşdirilib. İstifadə tarixi: 13 mart 2016.
  103. ANN. "Steins;Gate Anime's Rebroadcast Takes Different Route" (ingilis). 2 dekabr 2015. 2015-12-03 tarixində arxivləşdirilib. İstifadə tarixi: 16 mart 2016.
  104. ANN. "'Steins;Gate World Line 2017-2018 Project' Reveals Trailer, Steins;Gate 0 Anime as Part of Project" (ingilis). 28 iyul 2017. 2017-07-28 tarixində arxivləşdirilib. İstifadə tarixi: 28 iyul 2017.
  105. "Steins;Gate 0 TV Anime's Promo Video Reveals April Premiere Date". Anime News Network (ingiliscə). 14 dekabr 2017. 2017-12-15 tarixində arxivləşdirilib. İstifadə tarixi: 14 dekabr 2017.
  106. "Steins;Gate Science-Fiction Game/Anime Franchise Gets Film". Anime News Network. September 13, 2011. 2016-06-26 tarixində arxivləşdirilib. İstifadə tarixi: 10 mart 2016.
  107. "Steins;Gate Film Slated for Fall". Anime News Network. May 5, 2012. 2012-07-11 tarixində arxivləşdirilib. İstifadə tarixi: 10 mart 2016.
  108. "Kanako Itō release - Oricon Style Music" (Japanese). Oricon. 2012-10-23 tarixində orijinalından arxivləşdirilib. İstifadə tarixi: 14 mart 2016.
  109. "カオスヘッド制作チームが送る、科学アドベンチャーシリーズ第2弾！！「シュタインズゲート」OPテーマソング" (Japanese). 5pb. Records. 2012-10-17 tarixində arxivləşdirilib. İstifadə tarixi: 14 mart 2016.
  110. "そして、FES降臨！！これは、抗える者たちに対する、神からの最後通告！！！" (Japanese). 5pb. Records. 2012-10-17 tarixində arxivləşdirilib. İstifadə tarixi: 14 mart 2016.
  111. "STEINS;GATE VOCAL BEST". VGMdb.net. 2013-10-10 tarixində arxivləşdirilib. İstifadə tarixi: 14 mart 2016.
  112. "Steins;Gate Symphonic Material". VGMdb.net. 2013-08-29 tarixində arxivləşdirilib. İstifadə tarixi: 14 mart 2016.
  113. "STEINS;GATE SYMPHONIC REUNION". VGMdb.net. 2013-08-28 tarixində arxivləşdirilib. İstifadə tarixi: 14 mart 2016.
  114. "STEINS;GATE Future Gadget Compact Disc 2 Soundtrack "Butterfly Effect"". VGMdb.net. 2013-11-09 tarixində arxivləşdirilib. İstifadə tarixi: 14 mart 2016.
  115. "STEINS;GATE Future Gadget Compact Disc 8 Soundtrack II "Event Horizon"". VGMdb.net. 2013-10-04 tarixində arxivləşdirilib. İstifadə tarixi: 14 mart 2016.
  116. "Steins;Gate's In-Story Rai-Net Game Gets Retail Release". Anime News Network. December 12, 2011. 2012-04-26 tarixində arxivləşdirilib. İstifadə tarixi: 28 fevral 2016.
  117. Richard, Eisenbeis. "Steins;Gate Gets a Live-Action Play and It's Terrific". Kotaku. 2016-08-24 tarixində arxivləşdirilib. İstifadə tarixi: 28 fevral 2016.
  118. "【ゲームソフト販売本数ランキング TOP30】集計期間：2009年10月12日～10月18日" (Japanese). Famitsu. October 29, 2009. November 1, 2009 tarixində arxivləşdirilib. İstifadə tarixi: 15 mart 2013.
  119. "【ゲームソフト販売本数ランキング TOP30】集計期間：2009年10月19日～10月25日" (Japanese). Famitsu. November 5, 2009. November 8, 2009 tarixində arxivləşdirilib. İstifadə tarixi: 15 mart 2013.
  120. "【ゲームソフト販売本数ランキング TOP30】集計期間：2009年10月26日～11月1日" (Japanese). Famitsu. November 12, 2009. November 15, 2009 tarixində arxivləşdirilib. İstifadə tarixi: 15 mart 2013.
  121. "Best of 2009 Ranking - TV Games" (Japanese). Amazon.com. İstifadə tarixi: 15 mart 2013.
  122. Toyad, Jonathan Leo. "Big in Japan June 20–26: Meruru No Atelier". GameSpot. June 30, 2011. İstifadə tarixi: 15 mart 2013.
  123. Ishaan. "Steins;Gate Sales Make 5pb President Say..." Siliconera. June 28, 2011. September 3, 2011 tarixində arxivləşdirilib. İstifadə tarixi: 15 mart 2013.
  124. Apple. "Steins;Gate on App" (ingilis). 2015-10-06 tarixində arxivləşdirilib. İstifadə tarixi: 16 mart 2016.
  125. "Steins;Gate Tops the UKIE PlayStation Vita Chart - Rice Digital". Rice Digital. 2015-09-24 tarixində arxivləşdirilib. İstifadə tarixi: 15 mart 2013.
  126. Google Play. "STEINS;GATE on Google Play" (ingilis). 2015-08-23 tarixində arxivləşdirilib. İstifadə tarixi: 16 mart 2016.
  127. ANN. "Steins;Gate 0 Game Sells Over 100,000 Copies on 1st Day" (ingilis). 2015-12-11 tarixində arxivləşdirilib. İstifadə tarixi: 16 mart 2016.
  128. "【速報】ファミ通アワード2009大賞は『ドラゴンクエストIX 星空の守り人』" (Japanese). Famitsu. April 27, 2010. July 21, 2010 tarixində arxivləşdirilib. İstifadə tarixi: 15 mart 2013.
  129. Taitai. "これは"神ゲー"かも。「ゲームで泣くとか（笑）」という人にこそお勧めしたい「Steins;Gate(シュタインズ・ゲート)」レビュー" (Japanese). 4Gamer.net. November 7, 2009. November 12, 2009 tarixində arxivləşdirilib. İstifadə tarixi: 15 mart 2013.
  130. Yukko. 「シュタインズ・ゲート」が気になってるけど最後の一歩が踏み出せないアナタに (3/3) (Japanese). ITmedia Gamez. November 5, 2009. November 8, 2009 tarixində arxivləşdirilib. İstifadə tarixi: 15 mart 2013.
  131. Yukko. 「シュタインズ・ゲート」が気になってるけど最後の一歩が踏み出せないアナタに (2/3) (Japanese). ITmedia Gamez. November 5, 2009. November 8, 2009 tarixində arxivləşdirilib. İstifadə tarixi: 15 mart 2013.
  132. Gantayat, Anoop. "The Meaning of Bravely Default". Andriasang. March 3, 2012. April 1, 2012 tarixində orijinalından arxivləşdirilib. İstifadə tarixi: 15 mart 2013.
  133. Romano, Sal. "Famitsu's top 20 list of tear-inducing games". December 29, 2011. March 6, 2012 tarixində arxivləşdirilib. İstifadə tarixi: 15 mart 2013.
  136. "Best PC Video Games for 2015". Metacritic. 2015-08-22 tarixində arxivləşdirilib. İstifadə tarixi: 15 mart 2013.
  137. "Best PlayStation Vita Video Games for 2015". Metacritic. 2015-09-01 tarixində arxivləşdirilib. İstifadə tarixi: 15 mart 2013.
  140. Diehardgamefan. "Review: Steins;Gate (Sony Playstation Vita)" (ingilis). 9 sentyabr 2015. 2015-10-04 tarixində arxivləşdirilib. İstifadə tarixi: 16 mart 2016.
  145. Digitalspy. "Golden Joystick Awards 2015 voting now open to the public" (ingilis). 1 sentyabr 2015. 2016-02-24 tarixində arxivləşdirilib. İstifadə tarixi: 16 mart 2016.
  146. Kevin Mai. "Rockmandash Reviews: Steins;Gate [Anime]". Kotaku. 2020-11-15 tarixində arxivləşdirilib. İstifadə tarixi: 16 mart 2016.
  147. 2011 Total Sales by Volume Arxivləşdirilib 2016-03-04 at the Wayback Machine, Anime DVD/BD Sales in Japan
  148. Amazon. "Steins Gate: Complete Series Classic [Blu-ray]" (ingilis). 2022-09-20 tarixində arxivləşdirilib. İstifadə tarixi: 16 mart 2016.
  149. Santos, Carlo. "Review: Steins;Gate". September 27, 2011. June 11, 2016 tarixində arxivləşdirilib. İstifadə tarixi: 16 mart 2016.
  150. Aiden Foote. "Steins;Gate". THEM Anime Reviews. 2016-04-10 tarixində arxivləşdirilib. İstifadə tarixi: 16 mart 2016.
  151. Mania.com. "Steins; Gate Episode #03" (ingilis). 20 aprel 2011. 2013-01-22 tarixində orijinalından arxivləşdirilib. İstifadə tarixi: 16 mart 2016.
  152. "Lords of Time #6: Doctor Who Vs Steins;Gate". Doctor Who TV. 2020-11-12 tarixində arxivləşdirilib. İstifadə tarixi: 16 mart 2016.
  153. "Lords of Time #10: Doctor Who Vs The Terminator". Doctor Who TV. 2019-11-05 tarixində arxivləşdirilib. İstifadə tarixi: 16 mart 2016.

Həmçinin bax

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.