Sergey Brızqalin

Sergey Brızqalin
Sergey Brızqalin
	rus. Сергей Николаевич Брызгалин
Azərbaycan SSR Nazirlər Soveti Baş Tərəvəz və Meyvə Tədarükü, Emalı və Satışı İdarəsinin rəisi
	16 iyul 1970 – 29 iyul 1975
Əvvəlki	Hacıməmməd Abdullayev
Sonrakı	İnqilab Şəmiyev[lower-alpha 1]
Şəxsi məlumatlar
Doğum tarixi	1917
Doğum yeri	Moskva, Moskva quberniyası[d];
Vəfat tarixi	11 aprel 1977
Vəfat yeri	Moskva, RSFSR, SSRİ;
Dəfn yeri	Vaqankovo qəbiristanlığı;
Təhsili	Voronej Dövlət Universiteti[d];
Hərbi xidmət
Döyüşlər	Böyük Vətən müharibəsi;
Təltifləri	;

Sergey Nikolayeviç Brızqalin (rus. Сергей Николаевич Брызгалин; 1917, Moskva – 11 aprel 1977, Moskva) — Azərbaycan-sovet kənd təsərrüfatı qabaqcılı, Sosialist Əməyi Qəhrəmanı (1966), Azərbaycan SSR Nazirlər Soveti Baş Tərəvəz və Meyvə Tədarükü, Emalı və Satışı İdarəsinin rəisi (1970–1975), Azərbaycan SSR Ali Sovetinin 6–8-ci çağırış deputatı, Azərbaycan SSR Ali Soveti Rəyasət Heyətinin üzvü.

Həyatı

Sergey Nikolayeviç Brızqalin 1917-ci ildə Voronej quberniyasının Voronej şəhərində kəndli ailəsində doğulmuşdur.[1] Orta ixtisas təhsilli olmuşdur.[2] 1938-ci ildən Qırmızı Ordu sıralarında hərbi xidmət keçmiş, Böyük Vətən müharibəsi iştirakçısı olmuşdur. 1942-ci ildə ordudan tərxis edilmişdir.[1]

1943–1955-ci illərdə neft sənayesində işləmiş — SSRİ Neft Sənayesi Nazirliyi Qərb Rayonlarında Baş Tikinti İdarəsinin Bakı şəhərindəki tikinti idarəsində rəis müavini, sənaye müəssisələri tikintisi idarəsinin rəisi olmuşdur.[2] 1955-ci ilin avqust ayında Masallı rayonundakı "1 May" kolxozunun, 1965-ci ilin yanvar ayında isə həmin rayondakı eyniadlı sovxozun sədri seçilmişdir.[3]

Sergey Brızqalin sonralar Voronej Dövlət Universitetini bitirmiş və 1970–1975-ci illərdə Azərbaycan SSR Nazirlər Soveti Baş Tərəvəz və Meyvə Tədarükü, Emalı və Satışı İdarəsinin rəisi vəzifəsində çalışmışdır.[1]

Sergey Brızqalin 1940-cı ildən Sovet İttifaqı Kommunist Partiyasının üzvü olmuşdur. Azərbaycan SSR Ali Sovetinin 6–8-ci çağırış deputatı, eləcə də Azərbaycan SSR Ali Soveti Rəyasət Heyətinin üzvü seçilmişdir. Azərbaycan Kommunist Partiyası Mərkəzi Komitəsinin üzvlüyünə namizəd olmuşdur.[3][4]

Sergey Brızqalin 1977-ci il aprelin 11-də vəfat etmişdir. Moskvadakı Vaqankovo qəbiristanlığında dəfn olunmuşdur.[1]

Təltif və mükafatları

Sosialist Əməyi Qəhrəmanı — 30 aprel 1966 ("Lenin" ordeni və "Oraq və çəkic" medalı təqdim edilməklə)
"Lenin" ordeni — 30 aprel 1966
"Qırmızı əmək bayrağı" ordeni — 12 dekabr 1973
"Şərəf nişanı" ordeni — 25 avqust 1971

Qeydlər

Azərbaycan SSR Nazirlər Soveti Tərəvəz və Meyvə İstehsalı, Tədarükü, Emalı və Satışı Aqrar-Sənaye Birliyinin sədri kimi

İstinadlar

Брызгалин Сергей Николаевич // Герои страны. 2022-12-16 tarixində arxivləşdirilib. İstifadə tarixi: 16 dekabr 2022.
Брызгалин Серҝеј Николајевич // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 71.
Брызгалин Серҝеј Николајевич // Азәрбајҹан ССР Али Советинин депутатлары. Алтынҹы чағырыш. Бакы: Азәрбајҹан ССР Али Советинин нәшри. 1965. С. 63.
Брызгалин Серҝеј Николајевич // Азәрбајҹан ССР Али Советинин депутатлары. Сәккизинҹи чағырыш. Бакы: Азәрбајҹан Дөвләт Нәшријјаты. 1973. С. 73.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Azərbaycan SSR Nazirlər Soveti Tərəvəz və Meyvə İstehsalı, Tədarükü, Emalı və Satışı Aqrar-Sənaye Birliyinin sədri kimi

[warheroes-2] Брызгалин Сергей Николаевич // Герои страны. 2022-12-16 tarixində arxivləşdirilib. İstifadə tarixi: 16 dekabr 2022.

[dep7-3] Брызгалин Серҝеј Николајевич // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 71.

[dep6-4] Брызгалин Серҝеј Николајевич // Азәрбајҹан ССР Али Советинин депутатлары. Алтынҹы чағырыш. Бакы: Азәрбајҹан ССР Али Советинин нәшри. 1965. С. 63.

[dep8-5] Брызгалин Серҝеј Николајевич // Азәрбајҹан ССР Али Советинин депутатлары. Сәккизинҹи чағырыш. Бакы: Азәрбајҹан Дөвләт Нәшријјаты. 1973. С. 73.