Sarvanlar (Ağcabədi)

Sarvanlar — Azərbaycan Respublikasının Ağcabədi rayonunun inzibati ərazi vahidində kənd.

Kənd
Sarvanlar
39°59′48″ şm. e. 47°09′25″ ş. u.
Ölkə  Azərbaycan
Rayon Ağcabədi rayonu
Tarixi və coğrafiyası
Mərkəzin hündürlüyü 118 m
Saat qurşağı UTC+4 , yayda UTC+5
Əhalisi
Əhalisi
  • 556 nəf. (2009)
Milli tərkibi Azərbaycanlılar
Rəsmi dili Azərbaycan dili
Rəqəmsal identifikatorlar
Poçt indeksi AZ0419
Sarvanlar xəritədə
Sarvanlar
Sarvanlar

Tarixi

Sarvanlar kəndi Ağcabədi rayonunda, rayon mərkəzindən 34 km məsafədə, Qarqar çayının sağ sahilində Qarabağ düzündə yerləşir. Sarvanlar kəndinin keçmiş adı Piyada Qurbanlı olub. Bu yaşayış məntəqəsi sarvançılıqla məşğul olmuş qurbanlı nəslinin burada məskunlaşması nəticəsində yarandığına görə belə adlanmışdır. Kəndin ərazisində vaxtilə karvanların və sarvanların düşərgəsi, dayanacaq yeri də olmuşdur. Burada içməli su olduğu üçün gələn karvanlar burada dayanıb dincələ̟rmişlər Sonralar camaat burada evlər tikmiş, kəndi Sarvan düşən adlandırmışlar. Sonralar kənd Sarvanlar adlandırılmışdır. Sarvanlar kəngərlərin bir qoludur. XIX əsrin ortalarına aid olan məlumata görə sarvanlar Şəki qəzasında köçərilik etmiş bir içma olmuşdur. Onlar qışı indiki kəndin yerləşdiyi yerdə ərəbşəki icması ilə bir yerdə keçirmiş, sonralar orada daimi yaşayış məntəqəsi salmışlar. İcmaya sarvanlar adı onların məşğuliyyətinə görə verilmişdir.[1]

Toponimikası

Sarvanlar oykonimi sar, van və lar komponentlərinə ayrılır. İran mənşəlisar sözü "dəvə" mənasındadır. Toponimin tərkibindəki van komponenti "isimlərə əlavə olunan və qoruyan, mühafizə edən" mənası daşıyan şəkilçidir. Sarvan sözü "dəvəçi, dəvə saxlayan", "dəvə mühafizəçiləri","dəvə başı çəkən", "dəvə sürən"mənasındadır. Sarvanlar "dəvəçilər, dəvə mühafizəçisi2 deməkdir. Dəvəçi və Salyan rayonlarında Sarvan adlı kənd vardır. Vaxtilə İrəvan quberniyasının Sürməli qəzasında da Sarvanlar adlanan kənd mövcud idi.[1]

İstinadlar
  1. Nazim Tapdıqoğlu (Vəlişov) Ağcabədi Ensiklopediyası. Bakı-2007.

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.