Sahilə İbrahimova

Sahilə İbrahimova (1985, Sumqayıt) — Azərbaycan yazıçısı. Feminist yazıçı, esseist, "Karusel" ədəbi jurnalının təsisçisi, "Açıq hava kitabxanası" layihəsinin ideya müəllifi, Prezident təqaüdçüsü (2010/11). "Yaya" təxəllüsü ilə əsərlər yazır.[3]

Sahilə İbrahimova
Təxəllüsü Sahilə Yaya
Doğum tarixi 1985
Doğum yeri
Vətəndaşlığı
Milliyyəti Azərbaycanlı
Təhsili
İxtisası Tarixçi, etnoloq-etnopsixoloq
Fəaliyyəti Yazar[1]
Fəaliyyət illəri 2006-cı ildən
Əsərlərinin dili Azərbaycan dili
İlk əsəri "Şirlə Sahilin nağılı" (1993)
Tanınmış əsərləri "Yuxarı və aşağı ətraflar", "Şeyx"[2]
Üzvlüyü
Mükafatları "Yeni adlar" müsabiqəsi (I yer); "İlin Gənci" (2010); "Yusif Səmədoğlu" mükafatı (2013)

Həyatı

Sahilə İbrahimova 1985-ci ildə Sumqayıt şəhərində anadan olub.

2007-ci ildə Bakı Dövlət Universitetinin Tarix fakültəsində tarixçi ixtisası üzrə bakalavr[4], ardınca yenə həmin universitetin həmin fakültəsində etnologiya-etnopsixologiya ixtisası üzrə magistr dərəcəsi alıb.[5]

2006–2008-ci illərdə Gənclər və İdman Nazirliyinin layihəsi olan "Azərbaycan Gənclər Parlamenti"nin üzvü olub.[5]

Ailəlidir, 2 övladı var.

Yaradıcılığı

İlk hekayəsi "Şirlə Sahilin nağılı" əsəri hələ 8 yaşında ikən "168 saat" qəzetində çap olunmuşdur[6]. Eyni zamanda, o ərəfələrdə Qarabağ münaqişəsindən bəhs edən "Yanmış evin nağılı" adlı tamaşada Nigar rolunu oynayıb.[5]

2006-cı ildən peşəkar ədəbi yaradıcılıqla məşğuldur. 2009-cu ildə Azadlıq Radiosunun "Ədəbi Azadlıq" qısa hekayə müsabiqəsində 2 hekayəsi — "Mən deyildim" və "Avqustun iyirmi üçünə üç gün qalmış" hekayələri 130 müəllifin 150 əsəri içərisindən gizli səsvermə nəticəsində[6] ilk onluğa düşmüşdür[4][5].

2010-cu ildə hekayələrdən ibarət "Varlı kişinin portmanatı" adlı ilk kitabı çapdan çıxmışdır[7].

2010–11-ci illərdə Prezident təqaüdü alıb.[8]

2012-ci ildə "Yuxarı və aşağı ətraflar" adlı növbəti kitabı yayımlanıb.[9] Kitab 2013-cü ildə Azərbaycan Yazıçılar Birliyinin keçirdiyi Ədəbiyyat Müsabiqəsinin "Ən yaxşı nəsr əsərinə görə – Yusif Səmədoğlu" mükafatının qalibləri sırasında olub.[10]

Yazıçının "Çevriliş" romanı 2014-cü ildə çapdan çıxıb. Kitab Azərbaycan Yazıçılar Birliyinin "AYB kitab" layihəsi çərçivəsində buraxılmış ilk kitabdır.[11].

"Şeyx" romanı 2018-ci ildə Bakıda[12], 2022-ci ildə isə "Nestor" nəşriyyatı tərəfindən Türkiyədə çap edilib.[13] Əsər Fransada çapa hazırlansa[14] da, pandemiya səbəbindən nəşri gecikib. Əsər "Şeyx Sənan" mövzusundadır.[15]

2018–2019-cu illərdə YouTube-da yayımlanan "Çətir, eynək və s." ədəbi podkastının həm yaradıcısı, həm də aparıcısı olub. Qeyd olunan podkast Azərbaycanın ilk ədəbi podkastlarından biridir.

2020-ci ilin iyulunda Sahilə Yayanın baş redaktorluğu ilə Azərbaycanın ilk instaqram jurnalı Azərbaycan və rus dillərində "Karusel" fəaliyyətə başlayır.[16][17]

Əsərləri

Novellalar
  • Zemi

Romanlar
  • "Məhv edilmiş xilaskarlar"
  • "Yuxarı və Aşağı ətraflar"
  • "Şeyx"[18][19]

Hekayələr
  • Varlı kişinin portmanatı
  • Zırrama
  • Qorxu
  • Elə deyilmiş
  • Təxirəsalınmış nikbinlik planı
  • Qara əlcəyin əhvalatı
  • Avqustun iyirmi üçünə üç gün qalmış
  • Ən uzaq gələcək
  • Mən deyildim
  • Dünyanın qarnı quruldayır
  • Köhnəlmiş sevgilər
  • Torbadakı on min dollar
  • Adamlar üçün darıxan adam
  • Tanış ritm

Esseləri
  • Ən böyük ideya — İdeologiya
  • Şokoladsız Afrika

Mükafatları
  • 2006-cı ildə "Azərbaycanda demokratiyanın inkişaf perspektivləri" adlı esse müsabiqəsində 1-ci yer.[5][6]
  • 2010-cu ildə Mədəniyyət və Turizm Nazirliyi tərəfindən keçirilən "Yeni adlar" müsabiqəsində "Qorxu" adlı hekayəsi ilə birinci yer.[5][6]
  • 2010-cu ildə "Varlı kişinin portmanatı" adlı hekayələr kitabı Milli Kitab Mükafatının uzun siyahısına daxil edilib.[5]
  • 2 fevral 2012 — Gənclər və İdman Nazirliyinin "Gənclər günü" münasibətilə keçirdiyi müsabiqədə 2011-ci ilin nəticələrinə görə ədəbiyyat sahəsi üzrə "İlin Gənci".[20].
  • 2013-cü ildə "Yuxarı və aşağı ətraflar" romanı Azərbaycan Yazıçılar Birliyinin keçirdiyi Ədəbiyyat Müsabiqəsinin "Ən yaxşı nəsr əsərinə görə – Yusif Səmədoğlu" mükafatı.[10]

İstinadlar
  1. «Ulduz» jurnalı. Çapa imzalanıb: 18.04.2016. Sifariş №32. Şəhadətnamə № 238. ISNN 0134-522 səh. 52 Arxivləşdirilib 2023-09-08 at the Wayback Machine
  2. "Yaxın və Orta Şərqin ən məşhur əhvalatı haqqında". 2020-02-26 tarixində arxivləşdirilib. İstifadə tarixi: 2023-09-08.
  3. ""Ədəbiyyat qəzeti"nin sorğusu". 2023-09-08 tarixində arxivləşdirilib. İstifadə tarixi: 2023-09-08.
  4. ""Mən oxunmaq istərdim"". 2010-07-10 tarixində arxivləşdirilib. İstifadə tarixi: 2012-09-10.
  5. ""Yazıçı sırf öz xeyrinə, mənfəətinə görə xalqın faciəsinə göz yumursa, bu, insanlığa xəyanətdir"". 2023-09-08 tarixində arxivləşdirilib. İstifadə tarixi: 2023-09-08.
  6. "Varlı kişinin portmanatı". 2016-03-12 tarixində arxivləşdirilib. İstifadə tarixi: 2012-09-10.
  7. "Müasir oxucular yeni informasiya istəyirlər"
  8. "Əməkdaşımızın gənc yazar Sahilə İbrahimova ilə söhbəti". 2023-09-08 tarixində arxivləşdirilib. İstifadə tarixi: 2023-09-08.
  9. ""Yuxarı və aşağı ətraflar" — Yeni kitab". 2023-09-08 tarixində arxivləşdirilib. İstifadə tarixi: 2023-09-08.
  10. "Ədəbiyyat Müsabiqəsinin ilk mərhələsinin qalibləri açıqlandı SİYAHI". 2023-09-08 tarixində arxivləşdirilib. İstifadə tarixi: 2023-09-08.
  11. "Xanım yazıçı "Çevriliş " etdi — FOTO". 2023-09-08 tarixində arxivləşdirilib. İstifadə tarixi: 2023-09-08.
  12. "Bu dəfə "Şeyx" müzakirə olundu — Kitaba dəstək". 2023-09-08 tarixində arxivləşdirilib. İstifadə tarixi: 2023-09-08.
  13. "Şeyh". 2023-09-08 tarixində arxivləşdirilib. İstifadə tarixi: 2023-09-08.
  14. "Sahilənin "Şeyx" romanı Fransada çap olunacaq". 2023-09-08 tarixində arxivləşdirilib. İstifadə tarixi: 2023-09-08.
  15. "Şərq qissəsinə alternativ baxış". 2023-09-08 tarixində arxivləşdirilib. İstifadə tarixi: 2023-09-08.
  16. "Azərbaycanın ilk instaqram jurnalı – "Karusel"". 2023-09-08 tarixində arxivləşdirilib. İstifadə tarixi: 2023-09-08.
  17. "Bakıda İnstaqram-jurnal fəaliyyətə başladı – İlk dəfə". 2023-09-08 tarixində arxivləşdirilib. İstifadə tarixi: 2023-09-08.
  18. "Sahilənin Sənanı və "Şeyx"i". 2023-09-08 tarixində arxivləşdirilib. İstifadə tarixi: 2023-09-08.
  19. ""Şeyx" romanı haqqında bir neçə abzas — Rəvan Cavid". 2023-09-08 tarixində arxivləşdirilib. İstifadə tarixi: 2023-09-08.
  20. "Bakıda Gənclər Günü qeyd olunub — Foto". 2012-02-20 tarixində arxivləşdirilib. İstifadə tarixi: 2012-09-10.

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.