Səlcuq Xatun

Səlcuq Xatun (1407, Amasya ili – 25 oktyabr 1485, Bursa) — 5. Osmanlı sultanı Çələbi Mehmedin qızı.[1][2][3] Bibi Sultan olaraq anılır.

Səlcuq Xatun
Şəxsi məlumatlar
Doğum tarixi 1407
Doğum yeri
Vəfat tarixi 25 oktyabr 1485(1485-10-25)
Vəfat yeri
Dəfn yeri Yaşıl türbə, Bursa
Atası Çələbi Mehmed
Anası Qumru Xatun
Həyat yoldaşları II İbrahim bəy Candaroğlu
Mahmud bəy
Ailəsi Osmanlı sülaləsi

Həyatı

Səlcuq Xatun 1407-ci ildə Amasyada dünyaya gəldi. Atası Sultan Çələbi Mehmed, anası isə onun kənizlərindən Qumru Xatundur. 1424-cü ildə Candaroğlu İsfəndiyar bəyin oğlu İbrahim bəylə evləndirildi. Ərinin vəfatından sonra 1444-cü ildə Mahmud bəylə evləndi. Bu evlilikdən 2 oğlu və 4 qızı dünyaya gəlsə də, övladlarının adı bilinmir. Ancaq bir il sonra ərinin vəfat etməsinin ardından Bursaya qayıtdı və qalan ömrünü burada keçirdi.

II Bəyazid və Cem Sultan arasında başlayan taxt mübarizəsində Böyük bibi ünvanıyla sülh danışıqları apardı. Cem Sultanın 1481-ci ildə Bursadakı 22 günlük səltənəti əsnasında onun tərəfində durdu. Səlcuq Xatunun köşkü Bursadakı Cem Sultan tərəfdarlarının mərkəzi iqamətgahına çevrilmişdi. II Bəyazidin orduyla Bursaya irəliləməsini eşidən Cem Sultan böyük bibisi Səlcuq Xatunu bir qrup üləma ilə birlikdə qardaşının yanına göndərdi. Səlcuq Xatun qardaşı nəvəsinə qardaş qanı axıtmamasını və ölkə torpaqlarının bölüşdürülməsini məsləhət gördü. Ancaq dövlət adamlarının buna qarşı çıxması nəticəsində Bibi Sultanın bu təklifi rədd edildi.

Ardından Bursaya qayıdan Səlcuq Sultan 2 qardaş arasındakı bu müharibəyə son qoya bilmədi və 1485-ci ildə Bursada vəfat etdi. Cənazəsi Yaşıl türbədə dəfn edilmişdir.

Mənbə
  • Necdet Sakaoğlu, Bu Mülkün Kadın Sultanları, 4. baskı

İstinadlar
  1. Yavuz Bahadıroğlu, Resimli Osmanlı Tarihi, Nesil Yayınları (Ottoman History with Illustrations, Nesil Publications), 15th Ed., 2009, ISBN 978-975-269-299-2 (Hardcover).
  2. Uluçay 2011, p. 50
  3. Beiträge-Institut za istoriju Sarajevo, 1978, p. 80
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.