Rodos
Rodos (yun. Ρόδος) — Yunanıstana məxsus olan və ölkə paytaxtı Afinadan 270 dəniz mili aralıda, Egey dənizində yerləşən ada. Liman şəhərə malik olan adanın ərazisi 1398 km²-dir. Böyüklüyünə görə Rodos adası Yunanıstan adaları arasında 4-cü yeri tutur. Adanın əhalisinin sayı 125 000 nəfərdir. Rodosun iqlimi Aralıq dənizi hövzəsi iqliminə uyğun olaraq mülayimdir. İlin 300 günü günəşli olur. Adanın uzunluğu 78 km, eni isə 38 km-dir. Sahillərini qərbdən Egey dənizinin, şərqdən Aralıq dənizinin suları yuyur. Egey dənizinin yuduğu sahil ərazilərdə bitki örtüyü daha zəngindir. Rodos Yunanıstanın ən əsas turizm mərkəzlərindən biridir.
Rodos (şəhər) ilə səhv salmayın.
| Rodos | |
|---|---|
| yun. Ρόδος | |
 Attaviros dağının və Rodos adasının qərb hissəsinin mənzərəsi | |
| Ümumi məlumatlar | |
| Sahəsi | 1398 km² |
| Uzunluğu | 78km |
| Eni | 38km |
| Hündür nöqtəsi | 1.215 m |
| Əhalisi | 125.000 nəfər |
| Yerləşməsi | |
| 36°11′01″ şm. e. 27°57′50″ ş. u. | |
| Ölkə |
 Yunanıstan |
| Akvatoriya | |
|
|
|
|
|
|
 Vikianbarda əlaqəli mediafayllar | |
Adanın inzibati mərkəzi şimal-şərqdə yerləşən Rodos şəhəridir.
Tarixi
- Adaya xaçpərəstliyi Həvari Pavel gətirib.
- 395-ci ildə Rodos Bizans İmperiyasının tərkibinə daxil olub.
- Müsəlmanlar adanı ilk dəfə 672-ci ildə işğal ediblər.
- İmperator I Aleksey Komnin adanı yenidən Bizans İmperiyasının tərkibinə qatıb.
- 1309-cu ildə ada Malta ordeninin qospitalyerləri tərəfindən işğal edilib.
- 1444-cü ildə misirlilərin, 1480-ci ildə isə II Mehmetin hücumlarına tab gətirib.
- 1522-ci ildə Sultan Süleyman adanı ələ keçirib və Osmanlı İmperiyasının tərkibinə qatıb.
- 1912-ci ilə İtaliya-Osmanlı müharibəsinin nəticəsində İtaliya adanı ələ keçirib.
- 1948-ci ildə ada Yunanıstana birləşdirilib.
Vikianbarda Rodos ilə əlaqəli mediafayllar var.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.