Rio-Antirio körpüsü

Rio-Antirio körpüsü (yun. Γέφυρα Ρίου-Αντιρρίου) – Yunanıstanın Rio və Antirio şəhərlərini birləşdirən, 2880 metr[1] uzunluğunda körpü.

Rio-Antirio körpüsünün sxemi
Rio-Antirio körpüsünün xəritədəki yeri

Körpü rəsmi olaraq Yunanıstanın keçmiş baş naziri Xarilaos Trikupisin (yun. Χαρίλαος Τρικούπης) adını daşıyır. 19-cu əsrdə yaşamış Xarilaos Trikupis Rio və Antirio şəhərləri arasında körpünün tikilməsini təklif edən ilk şəxsdir. Layihənin ümumi dəyəri 630 milyon avro təşkil eləmişdir. Körpünün tikilməsinin 10%-ni özəl şirkətlər, 45%-ni Yunanıstan dövləti, 45%-ni də Avropa İttifaqı maliyyələşdirmişdir[1].

19 iyul, 1998-ci ildə Yunanıstan baş naziri Kostas Simitisin və Yunanıstan prezidenti Kostis Stefanopulos iştirakı ilə Rio – Antirio körpüsünün təməli atıldı. 2004-cü il avqustun 12-də, layihə müddətindən 4 ay tez, eyni zamanda 2004 Yay Olimpiya Oyunları açılış ərəfəsində körpü tamamlandı[2].

İstinadlar
  1. "THE RION-ANTIRION BRIDGE An Engineering Marvel Spanning the Gulf of Corinth, Greece". 2018-01-24 tarixində arxivləşdirilib. İstifadə tarixi: 2011-02-23.
  2. "Gefyra SA. A great dream". 2010-11-24 tarixində orijinalından arxivləşdirilib. İstifadə tarixi: 2011-02-23.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.