Rik və Morti

Rik və Morti (ing. Rick and Morty) – Castin Royland ilə Den Harmon tərəfindən yaradılmış və Cartoon Network telekanalının Adult Swim gecə televiziya blokunda yayımlanan ABŞ elmi fantastika və qara komediya sitkomu. Serial heç nədən çəkinməyən çılğın alim Rik Sançez və onun şıltaq, tez yola gələn nəvəsi Morti Smitin başına gələn macəralardan bəhs edir. Onlar vaxtlarının çoxunu müxtəlif ölçülü dünyalarda keçirirlər. Royland baş qəhrəmanları səsləndirir. Kris Parnell, Spenser Qremmer və Sara Çok ailənin qalan üzvlərini səsləndirirlər. Serialın premyerası 2 dekabr 2013-cü ildə baş tutmuşdur.

Rik və Morti
ing. Rick and Morty
Animasiya serialının posteri.
Animasiya serialının posteri.
Janr animasiya sitkomu
elmi fantastika
qara komediya
Prodüser Den Harmon
Castin Royland
Ceyms A.Fino (I-II mövsüm)
Co Russo II (I-II mövsüm)
C.Maykl Mendel
Kenni Mikka (pilot)
Yaradıcısı Castin Royland
Den Harmon
Rollarda Castin Royland
Kris Parnell
Spenser Qremmer
Sara Çok
Bəstəkar Rayan Elder
İstehsalçı ölkə ABŞ ABŞ
Studiya Justin Roiland's Solo Vanity
Card Productions
Harmonious Claptrap
Starburns Industries (I-II mövsüm)
Williams Street
Dil ingiliscə
Rəng rəngli
Mövsüm sayı 7
Seriya sayı 71 (seriya siyahısı)
Seriya vaxtı 22 dəq.
Davametmə müddəti 2 dekabr 2013 – hazırda
Telekanal Adult Swim
IMDb ID2861424
Format 1080i (16:9 HDTV)
adultswim.com/videos/ric…
Vikianbarın loqosu Vikianbarda əlaqəli mediafayllar

Animasiya serialı Harmonun Channel 101 adlı qısa film festivalı üçün Royland tərəfindən "Gələcəyə qayıdış" filminin qısa parodiya filmi olaraq yaradılmış "Doktor və Martinin real animasiya macəraları"ndan ilhamlanaraq yaradılmışdır. Adult Swim Harmona televiziya verilişi ideyası ilə yanaşanda o və Royland bu qısa parodiya filmindən istifadə etməyə qərar vermişdirlər.

2014-cü ilin yanvarında ikinci mövsümü anons edilmiş və 26 iyul 2015-ci ildə premyerası baş tutmuşdur. 2015-ci ilin avqustunda üçüncü mövsümü açıqlanmış və anons edilmədən (1 aprel zarafatı olaraq) 1 aprel 2017-ci ildə ilk seriyası yayımlanmışdır. Qalan seriyaları isə iyul ayından həftəlik olaraq yayımlanmışdır.[1] 2019 və 2021-ci illərdə dördüncü və beşinci mövsümləri yayımlanmışdır və növbəti illərdə növbəti mövsümlərinin yayımlanması planlaşdırılır.[2] Animasiya serialı orijinallığına, yaradıcılığına və yumoruna görə tənqidçilərin müsbət rəylərini almışdır.

Məzmun

Personajlar

Animasiya serialında hadisələr Smit ailəsinin üzvləri ətrafında cərəyan edir: məktəb, evlilik və sevgi kimi şeylərdən qaçınan qəribə və alkoqolik çılğın alim Rik Sançez; Rikin 14 yaşlı mehriban, amma kövrək nəvəsi Morti Smit; Mortinin 17 yaşlı böyük bacısı, adi yeniyetmə, dostları arasındakı statusunu düzəltməyə çalışan, bəzən Rik və Mortinin macəralarında iştirak edən Sammer Smit; Rikin qızı, evin başçısı, evliliyindən narazı olan və at cərrahı kimi işləyən Bet Smit; Betin əri olan, saf düşüncəli, digərlərinə güvənməyən və Rikin ailəyə pis təsir göstərdiyini düşünən Cerri Smit.

Qurma

Rik və Mortinin macəraları sonsuz sayda reallıqdan ibarət olan multikainatda baş verir. Personajlar portaldan və ya Rikin uçan maşınından istifadə edərək müxtəlif planetlərə və ölçülərə səyahət edirlər. Castin Roylanda görə ailə Vaşinqton ştatının Sietl şəhərinin xaricində yaşayır.[3]

Seriyalar
Mövsümlər Seriyalar Orijinal yayım
İlk yayım Keçmiş yayım
1 11 2 dekabr 2013 (2013-12-02) 14 aprel 2014 (2014-04-14)
2 10 26 iyul 2015 (2015-07-26) 4 oktyabr 2015 (2015-10-04)
3 10 1 aprel 2017 (2017-04-01) 1 oktyabr 2017 (2017-10-01)
4 10 10 noyabr 2019 (2019-11-10) 31 may 2020 (2020-05-31)
5 10 20 iyun 2021 (2021-06-20) 5 sentyabr 2021 (2021-09-05)

İstinadlar
  1. "Rick and Morty Season 3: Everything We Know". Den of Geek (ingilis). 2017-07-29 tarixində orijinalından arxivləşdirilib. İstifadə tarixi: 22 oktyabr 2017.
  2. "Now you can start asking us about season 6. Rick and Morty return for season 5 on Sunday, June 20 at 11 pm ET on Adult Swim". Twitter (ingilis). 2021-03-30 tarixində arxivləşdirilib. İstifadə tarixi: 2021-03-30.
  3. Justin Roiland [JustinRoiland]. "Washington state- outside of Seattle" (Tweet). September 4, 2016. İstifadə tarixi: 24 oktyabr 2017.

Xarici keçidlər
Vikianbarda Rik və Morti ilə əlaqəli mediafayllar var.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.