Red Hot Chili Peppers

Qrup 1983-cü ildə 4 yaxın dost tərəfindən təşkil olunub. Qrupun təşkilatçıları olan 4 yaxın dostun hər biri Fairfax High School ali məktəbində tanış olmuşdular. Hillel Slovak, Entoni Kidis, Fli və Cek Ayrons birlikdə yığışaraq Rhythm Lounge-da olacaq çıxışlarına hazırlaşırdılar. Onlar burda yalnız "Out in L.A." adlı mahnılarını ifa etdilər və bu mahnı onların sonraki canlı konsertlərində açılış mahnısı kimi istifadə olunurdu.

Hillel Slovak 1988-ci ildə vəfat edir. Onun ölümündən sonra Cek Ayrons qrupu tərk edir. Sonradan o, Pearl Jam qrupuna üzv olur. Entoni və Fli qrupun fəaliyyətini davam etdirmək qərarına gəlir və qrup üçün yeni üzvlər axtarırlar. Qrupa 18 yaşlı və çox istedadlı gitarist Con Fruşante və təcrübəli zərbçi Çad Smit qoşulurlar. Və bundan sonra qrup böyük şöhrət qazanır.

1992-ci ildə Con Fruşante qrupu tərk edir, buna səbəb kimi o, qrupun artıq çox populyar olmasını göstərir. Ağır vəziyyətdə olan qrup bir il ərzində bir neçə istedadlı, lakin qrupun stilinə uymayan gitaraçı cəlb edir. Axtarışlardan sonra dəstəyə Deyv Navarro çağırılır və onunla 1995-ci ildə One Hot Minute albomu yazılır. Albom fanat və kritiklər tərəfindən müsbət qarşılansa da, maliyyə cəhətdən uğursuz olmuşdur.

1998-ci ildə Deyv Navarro narkotik asıllığına görə qrupdan uzaqlaşdırılır və onun yerinə yenidən Con Fruşante dəvət edilir. 1999-cu ildə qrupun ən uğurlu albomu olan Californication işıq üzü görür. Albomdakı Californication, Otherside, Scar Tissue, Around The World, Road Trippin` sinqlları isə qruppun vizit-kartına çevrilmişdir.

2002-ci ildə By the Way albomunu satışa çıxarılır.

2006-cı ildə isə Con Fruşante ilə qrup sonuncu və çox uğurlu albomunu, Stadium Arcadium-u yazır.

2008-ci ildə Con Fruşante qrupu tərk edir, səbəb kimi o solo karyerasına daha çox vaxt ayırmağını göstərir. (Əsl səbəb isə onun artıq rok gitaraçısı kimi yox, elektron müsiqiçi kimi karyerasını davam etdirmək istəyidir. 2015-ci ildə "Trickfinger" adlı sinti-pop, acid-house üslublu albomun buraxılışı bunu təsdiq edir.)

2009-cu ildə qrupa, bəzi çıxışlarda ikinci gitara və Fruşante roudisi olan Coş Klinqhoffer gəlir.

2011-ci ildə qrupun indiyədək yazılan sonuncu albomu İ`m with you işıq üzü görür.

Hazırkı üzvlər

• Entoni Kidis — vokal (1983—indiyədək)
• Fli — bas gitara, bek vokal, truba (1983—indiyədək)
• Çad Smit — baraban (1988—indiyədək)
• Coş Klinqhoffer — gitara, klaviş, bek-vokal (2009—indiyədək; 2007-ci il sessiyasında)

Tərk etmiş üzvlər

• Hillel Slovak — gitara (1983, 1985—1988; 1988-ci ildə vədat edib)
• Cek Ayrons — baraban (1983, 1986—1988)
• Kliff Martines — baraban (1983—1986)
• Cek Şerman — gitara (1985—1986)
• Diueyn Maknayt — gitara (1988)
• Di Eyç Peliqro — baraban (1988)
• Con Fruşante — gitara, bek-vokal (1988—1992, 1998—2009)
• Erik Marşall — gitara (1992—1993)
• Cessi Tobias — gitara (1993)
• Deyv Navarro — gitara (1993—1998)

Qrafika

Qrupun indiyə qədər buraxdıqları albomlar:

• Red Hot Chili Peppers – 1984
• Freaky Styley – 1985
• The Uplift Mofo Party Plan – 1987
• Mother's Milk – 1989
• Blood Sugar Sex Magik – 1991
• One Hot Minute – 1995
• Californication – 1999
• By the Way – 2002
• Stadium Arcadium – 2006
• I'm with You – 2011
• The Getaway – 2016
• Unlimited Love – 2022
• Return of the Dream Canteen – 2022

Vikianbarda Red Hot Chili Peppers ilə əlaqəli mediafayllar var.

• Rəsmi saytı
• Chili Peppers Book: Part Scrapbook, Part Love Letter – NPR: All Things Considered audio interview with Flea