Rauf Tağıyev

Rauf Mürsəl oğlu Tağıyev 10 may 1954-cü ildə Qərbi Azərbaycanın Qafan rayonunun, Açağu kəndində anadan olub. 1975-ci ildə Azərbaycan Dövlət Universiteti (indiki Bakı Dövlət Universiteti) Tətbiqi riyaziyyat fakültəsin bitirib.

Ailəlidir, 3 oğlu, 6 nəvəsi var.

• 1975–1978 — Azərbaycan Elmlər Akademiyası, elmi işçi
• 1978–1980 — Azərbaycan Rabitə Nazirliyi Hesablama Mərkəzi, qrup rəhbəri
• 1980–1986 — Azərbaycan Dövlət Universitetinin Hesablama mərkəzi; riyaziyyatçı
• 1986–1992 — Azərbaycan Dövlət Universiteti, Tətbiqi riyaziyyat fakültəsinin Riyazi-fiziki tənlikləri kafedrasında baş müəllim
• 1992–1993 — Azərbaycan Milli İstiqlal partiyası, sədrin köməkçisi – sədr aparatının rəhbəri, təşkilat şöbəsinin müdiri
• 1993–1996 — Bakı Dövlət Universiteti, Mexanika-riyaziyyat fakültəsi, Ali riyaziyyat kafedrası, baş müəllim
• 1996–2013 — Azərbaycan Respublikası Əmək və Əhalinin Sosial müdafiə Nazirliyi, kollegiyanın məsul katibi, məşğulluq siyasəti və demoqrafiya şöbəsinin müdiri, Miqrasiya İdarəsinin rəisi, Dövlət Əmək Müfəttişliyinin rəisinin müavini və rəisi[2]
• 2014–2018 — "Azərsu" ASC, Əməyin mühafizəsi və təhlükəsizlik texnikası şöbəsinin rəisi
• 1997-ci ildən Bakı Dövlət Universiteti, Ali riyaziyyat kafedrası, indiyədək baş müəllim.

• 1976 — SSRİ Elmlər Akademiyasının Mərkəzi İqtisadi Riyaziyyat İnstitutunda tədqiqatçı.
• 1980–1984 — Azərbaycan İnşaat Mühəndisləri İnstitutu (indiki Memarlıq və İnşaat Universiteti) – dissertant.
• 1986-cı ildən Fizika-riyaziyyat üzrə fəlsəfə doktoru
• Azərbaycan Respublikasında yaradılmış bir sıra dövlət və hökumət komissiya və nümayəndə heyətlərinin üzvü
• 2002–2007-ci illərdə Avropa Şurası Miqrasiya Komitəsinin (SDMG) Azərbaycan təmsilçisi
• Azərbaycan Respublikasının bir sıra qanunlarının (o cümlədən, Əmək Məcəlləsinin, Miqrasiya Məcəlləsinin) hazırlanması üzrə işçi qrupun üzvü
• 29 çap olunmuş elmi məqalənin müəllifidir