Ramiz Yediyarov

Ramiz Yediyarov
Ramiz Yediyarov
Gədəbəy Rayon İcra Hakimiyyətinin başçısı
	18 aprel 2012 – 1 iyun 2018
Əvvəlki	Kamran Rzazadə
Sonrakı	Qüdrət Paşayev (i.e.) ; İbrahim Mustafayev
Şəxsi məlumatlar
Doğum tarixi	31 may 1966 (57 yaş)
Doğum yeri	Vedi rayonu, Ermənistan SSR;
Partiya	Yeni Azərbaycan Partiyası;
Fəaliyyəti	siyasətçi
Təltifləri

Ramiz Qəni oğlu Yediyarov (31 may 1966, Vedi rayonu, Ermənistan SSR) — Gədəbəy Rayon İcra Hakimiyyətinin başçısı (2012–2018).[1][2]

Həyatı

Ramiz Yediyarov 1966-cı il mayın 31-də Ermənistan SSR-nin Vedi rayonunda anadan olub. 1983-cü ildə Şəki şəhər orta məktəbini bitirib.

1984-cü ildə D.Bünyadzadə adına Azərbaycan Xalq Təsərrüfatı İnstitutunun Maliyyə-kredit fakültəsinə daxil olub, təhsilini davam etdirmək üçün Ukrayna SSR Poltava Kooperativ İnstitutuna göndərilmişdir. 1984–1986-cı illərdə Kuybuşev şəhərində hərbi xidmətdə olub. 1990-cı ildə Poltava Kooperativ İnstitutunu bitirərək iqtisadçı ixtisasına yiyələnmişdir.

Ailəlidir, 3 övladı vardır.

Fəaliyyəti

Əmək fəaliyyətinə 1990-cı ildə Şəki şəhəri 77 nömrəli Təsərrüfatlararası Mexanikləşdirilmiş Səyyar Dəstə üzrə iqtisadçı kimi başlamış, 1995–1997-ci illərdə Şəki rayonu C.Cabbarlı adına kolxozda mühasib işləmişdir.

Ramiz Yediyarov 1997-ci ildən vergi orqanlarında bir sıra vəzifələrdə çalışmış, habelə 2008–2012-ci illərdə Bakı şəhəri Vergilər Departamentinin 2 saylı filialının rəisi, Bakı şəhəri Vergilər Departamentinin rəis müavini və 14 saylı Ərazi Vergilər İdarəsinin rəisi kimi fəaliyyət göstərmişdir.

2012–2018-ci illərdə Gədəbəy Rayon İcra Hakimiyyətinin başçısı vəzifəsində işləmişdir.

Təltifləri

Azərbaycan Respublikası Prezidentinin 11 fevral 2010-cu il tarixli 738 nömrəli Sərəncamı ilə "Azərbaycan Respublikası Vergilər Nazirliyinin 10 illiyi (2000–2010)" yubiley medalı ilə təltif edilmişdir.[3]

İstinadlar

"R.Q.Yediyarovun Gədəbəy rayonu İcra hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı". president.az (az.). 18 aprel 2012. 2022-02-14 tarixində arxivləşdirilib. İstifadə tarixi: 14 fev 2022.
"R.Q.Yediyarovun Gədəbəy Rayon İcra Hakimiyyətinin başçısı vəzifəsindən azad edilməsi haqqında Azərbaycan Respublikası Prezidentinin Sərəncamı". president.az (az.). 1 iyun 2018. 2022-02-14 tarixində arxivləşdirilib. İstifadə tarixi: 14 fev 2022.
"Azərbaycan Respublikası Vergilər Nazirliyinin 10 illiyi (2000 - 2010)» Azərbaycan Respublikasının yubiley medalı ilə təltif haqqında Azərbaycan Respublikası Prezidentinin Sərəncamı". taxes.gov.az (az.). 11 fevral 2010. 2022-08-07 tarixində arxivləşdirilib. İstifadə tarixi: 14 fev 2022.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] "R.Q.Yediyarovun Gədəbəy rayonu İcra hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı". president.az (az.). 18 aprel 2012. 2022-02-14 tarixində arxivləşdirilib. İstifadə tarixi: 14 fev 2022.

[2] "R.Q.Yediyarovun Gədəbəy Rayon İcra Hakimiyyətinin başçısı vəzifəsindən azad edilməsi haqqında Azərbaycan Respublikası Prezidentinin Sərəncamı". president.az (az.). 1 iyun 2018. 2022-02-14 tarixində arxivləşdirilib. İstifadə tarixi: 14 fev 2022.

[3] "Azərbaycan Respublikası Vergilər Nazirliyinin 10 illiyi (2000 - 2010)» Azərbaycan Respublikasının yubiley medalı ilə təltif haqqında Azərbaycan Respublikası Prezidentinin Sərəncamı". taxes.gov.az (az.). 11 fevral 2010. 2022-08-07 tarixində arxivləşdirilib. İstifadə tarixi: 14 fev 2022.