Ramiz Cəfərov (icra başçısı)

Ramiz Cəfərov
Ramiz Cəfərov
	Cəfərov Ramiz Əli oğlu
Naxçıvan Muxtar Respublikası Kəngərli rayonu İcra Hakimiyyətinin başçısı
	24 may 2004 – 31 avqust 2015
Əvvəlki	vəzifə təsis olunub
Sonrakı	Kamal Ələkbərov
Şəxsi məlumatlar
Doğum tarixi	19 may 1959 (64 yaş)
Doğum yeri	Qarabağlar, Noraşen rayonu, Naxçıvan MSSR, Azərbaycan SSR, SSRİ;

Ramiz Cəfərov (tam adı: Cəfərov Ramiz Əli oğlu; 19 may 1959, Qarabağlar, Noraşen rayonu) — Naxçıvan Muxtar Respublikası Kəngərli rayonu İcra hakimiyyətinin başçısı.[1]

Həyatı

Ramiz Cəfərov 19 may 1959-cu ildə Şərur rayonunun Qarabağlar kəndində anadan olub. 1966–1976-cı illərdə Qarabağlar kənd orta məktəbində orta təhsil alıb. 1977–1979-cu illərdə sovet ordusu sıralarında həqiqi hərbi xidmətdə olub. Naxçıvan Dövlət Universitetində Hüquq və Beynəlxalq münasibətlər və İqtisadiyyat fakültələrində təhsil almışdır. Müxtəlif idarə və təşkilatlarda çalışıb: Qarabağlar İstehlak Cəmiyyətinin sədri, Qıvraq İstehlak Cəmiyyətinin sədri, Şərur rayon "Kəngərli" Şəkər şirkətinin direktoru (1997–2002), 2 saylı Şərur Seçki Dairəsinin sədri (2003–2004), 24 may 2004-cü ildən 31 avqust 2015-ci ilədək Kəngərli rayon İcra Hakimiyyətinin başçısı kimi rəhbər vəzifələrdə işləyib. Hazırda Naxçıvan MR Həmkarlar İttifaqları Şurasında işləyir.

Yeni Azərbaycan Partiyasının II, III, IV və V Qurultaylarının nümayəndəsi, Yeni Azərbaycan Partiyası Naxçıvan MR Təşkilatı Siyasi Şurasının üzvü olub.

Ailəlidir, 4 övladı var.

İcra başçısı

Naxçıvan Muxtar Respublikası Kəngərli rayonu İcra hakimiyyətinin ilk başçısı vəzifəsində işləmişdir[1]. O, bu vəzifəyə 24 may 2004-cü ildə təyin edilmişdir[1]. 31 avqust 2015-ci il tarixində Naxçıvan Muxtar Respublikası Kəngərli rayonu İcra hakimiyyətinin başçısı vəzifəsindən azad edilmişdir[2].

İstinadlar

"R. Ə. Cəfərovun Naxçıvan Muxtar Respublikası Kəngərli rayon İcra Hakimiyyətinin başçısı təyin edilməsi haqqında" Azərbaycan Respublikası Prezidentinin 24 may 2004-cü il tarixli, 1000 nömrəli Sərəncamı. e-qanun.az (az.)
"R. Ə. Cəfərovun Naxçıvan Muxtar Respublikası Kəngərli Rayon İcra Hakimiyyətinin başçısı vəzifəsindən azad edilməsi haqqında" Azərbaycan Respublikası Prezidentinin 31 avqust 2015-ci il tarixli, 1376 nömrəli Sərəncamı. e-qanun.az (az.)

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[e-qanun.az-1] "R. Ə. Cəfərovun Naxçıvan Muxtar Respublikası Kəngərli rayon İcra Hakimiyyətinin başçısı təyin edilməsi haqqında" Azərbaycan Respublikası Prezidentinin 24 may 2004-cü il tarixli, 1000 nömrəli Sərəncamı. e-qanun.az (az.)

[2] "R. Ə. Cəfərovun Naxçıvan Muxtar Respublikası Kəngərli Rayon İcra Hakimiyyətinin başçısı vəzifəsindən azad edilməsi haqqında" Azərbaycan Respublikası Prezidentinin 31 avqust 2015-ci il tarixli, 1376 nömrəli Sərəncamı. e-qanun.az (az.)