Radiologiya

Radiologiya (lat. radius "şüa" + λόγος — "elm") — diaqnostika (radiodiaqnostika) və müalicə (radioterapiya) üçün şüalanma metodlarını öyrənən, həmçinin şüalanmanın insan orqanizminə olan təsirini öyrənən tibb sahəsidir.

Bu elm sahəsi ilə bir çox alimlər məşğul olmuşdurlar: Vilhelm Rentgen, Bekkerel, Mariya Küri və Pyer Küri və s. Küri cütlüyünün əlləri radioaktiv nümunələrlə davamlı təmasda olduğundan yaralarla örtüldü və bu, tibbi praktikada radiumun istifadəsi fikrini stimullaşdırdı. Pyer Küri isə bu həqiqəti 5 iyun 1905-ci ildəki Nobel nitqində vurğuladı.[1]

Başlanğıcda, radiologiya tibbi tədqiqat məqsədli vizual məlumat əldə etmək üçün rentgen maşınları və ya digər oxşar cihazların yaydığı elektromaqnit enerjisindən istifadə imkanlarını araşdıran tibb elminin bir istiqaməti idi. X-şüalarının istifadəsini özündə ehtiva edən radiologiya sahəsi rentgenologiya adlanır. Bu gün tibbi təsvir artıq rentgen şüalarının istifadəsi ilə məhdudlaşmır, həmçinin yüksək tezlikli dalğalar, maqnit sahələri və digər şüalanmadan istifadə edən tədqiqatları da özündə saxlayır.

Radiologiya elminin təsnifatı

Radiologiya

  • Radiodiaqnostika
    • Radioqrafiya
    • Radioizotop diaqnostikası
    • Ultrasəs diaqnostikası
    • Maqnit rezonans tomoqrafiyası
    • Termal görüntüləmə
    • Müdaxilə (diaqnoz və müalicənin birləşməsi)
    • Rentgenodiaqnostika
  • Radioterapiya
    • Neytron tutucu terapiya
    • Braxiterapiya
    • Rentgenoterapiya

İstinadlar
  1. UNESCO. "Beynəlxalq elm və texnologiya sahələrinin nomenklatura standartlarının tələbləri" (PDF). UNESCO/NS/ROU/257 rev.1. 1988. 2016-02-15 tarixində arxivləşdirilib (PDF). İstifadə tarixi: 2019-08-08.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.