Rəşid Məcidov

Rəşid Əsəd oğlu Məcidov (22 iyun 1908, Bakı – 2 iyul 1970, Bakı) — Azərbaycan və Sovet hərbi xadimi, polkovnik, 1945-ci il mayın 2-də Berlinin alınması zamanı, Brandenburq qapısı üzərində Sovet bayrağını dalğalandırmışdır.[1][2]

Rəşid Məcidov
Şəxsi məlumatlar
Doğum tarixi 22 iyun 1908(1908-06-22)
Doğum yeri
Vəfat tarixi 2 iyul 1970(1970-07-02) (62 yaşında)
Vəfat yeri
Dəfn yeri
Hərbi fəaliyyəti
Döyüşlər
Təltifləri "Qırmızı ulduz" ordeni "Qırmızı bayraq" ordeni "Qırmızı bayraq" ordeni 1-ci dərəcəli "Vətən müharibəsi" ordeni 2-ci dərəcəli "Vətən müharibəsi" ordeni

Həyatı

1908-ci ildə Bakı şəhərində anadan olub.[3] Bakı Sənaye və İqtisadiyyat Texnikimunda təhsil almışdır. 8 nömrəli yetimxanada tərbiyəçi və qabaqcıl pioner idi.[3] Zaqafqaziya SFSR illərində Komsomol regional komitəsinin katibi seçildi.[3] 1933-cü ilin noyabrından — Azərbaycan Komsomolunun Mərkəzi Komitəsinin birinci katibi olub.[3] Daha sonra Moskvada Ali Partiya Məktəbində təhsilini davam etdirib.[3] Sonra Qaradağ Rayon Partiyası Komitəsinin birinci katibi, Oktyabr rayon təşkilat komitəsinin birinci katibi və Yayımlama Komitəsinin sədri olub.[3] Böyük Vətən müharibəsi dövründə o, 416-cı atıcı diviziyasının siyasi şöbəsinin rəhbəri idi.[3] Diviziyanın tərkibində Mozdokdan Berlinə qədər yol keçib.[3] 1945-ci il mayın 2-də Berlinin alınması zamanı, Berlinin Brandenburq qapısı üzərində Sovet bayrağını dalğalandırmışdır.[3]

Müharibədən sonra Gürcüstan SSR-də Vazianidə artilleriya alayı heyətinin başçısı təyin olunub.[3] O, daha sonra Azərbaycan Milli Diviziyasının siyasi şöbəsinin rəhbəri idi.[3] Bakının Oktyabr rayon komitəsinin birinci katibi, Azərbaycan Kommunist Partiyası Mərkəzi Komitəsinin inzibati qurumları şöbəsinin müdiri vəzifəsində çalışmışdır.[3] Azərbaycan SSR Ali Sovetinin III çağırışında deputat seçilib.[3]

Leykemiyadan əziyyət çəkən Rəşid Məcidov, 1970-ci ildə vəfat etmişdir.[4] 1970-ci ildə Bakıda yerləşən Fəxri Xiyabanda dəfn edilib.[5]

Şəxsi həyatı

Rəşid Məcidov Mariya İvanova ilə ailə həyatı qurmuş və ömrünün sonuna qədər onunla evli idi.[4] 3 oğlu var. Onlardan ikisi Qarabağ müharibəsində iştirak edib. Böyük oğlu Vladislav xüsusi təyinatlılar qərargahının rəisi, Mikayıl isə Ağdamdakı hərbi sahə xəstəxanasında neyrocərrah idi.

Təltif və mükafatları

İstinadlar
  1. Bokov, F.A. "Весна Победы". Archived from the original on 28 November 2021. İstifadə tarixi: 9 may 2017.
  2. Этот день мы приближали, как могли ... Часть 1. Minsk. 2016. səh. 330. (#accessdate_missing_url)
  3. "1945 год. Как азербайджанцы брали Берлин". news.day.az. news.day.az. 11 July 2017 tarixində arxivləşdirilib. İstifadə tarixi: 19 may 2018.
  4. АБАСКУЛИЕВА, Элеонора. "Отечества достойный сын" (PDF). www.azerizv.az. www.azerizv.az. 30 mart 2008. 13 July 2019 tarixində orijinalından (PDF) arxivləşdirilib. İstifadə tarixi: 19 may 2018.
  5. "FƏXRI XİYABANDA DƏFN EDİLƏNLƏR". 6 November 2017 tarixində orijinalından arxivləşdirilib. İstifadə tarixi: 19 may 2018.

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.