Qırmızı kitab (ümumi anlayış)

Qırmızı kitab ― yoxa çıxmaq təhlükəsi olan nadir heyvan və bitkilər toplusu. Azərbaycan Respublikasının “Qırmızı kitab”ı

Fauna və flora növlərinin mühafizə olunmasının effektiv üsullarından biri “Qırmızı Kitab”ın təsis edilməsidir. Hələ 1977-ci ildə Azərbaycanın flora və faunasının genefondunun mühafizəsi üçün Azərbaycan Respublikası “Qırmızı Kitab”ının təsis edilməsinə dair qərar qəbul edilmişdir.

Mövcud qanunvericiliyə əsasən, ölkə ərazisində təbii şəraitdə yaşayan, nadir və nəsli kəsilmək təhlükəsi qarşısında olan heyvan və bitki növləri xüsusi mühafizə edilir və Azərbaycan Respublikasının “Qırmızı Kitab”ına daxil edilir. Azərbaycan Respublikasının “Qırmızı Kitab”ı rəsmi sənəd olmaq etibarilə, Azərbaycan Respublikasının bütün ərazisində, o cümlədən Xəzər dənizinin (gölünün) Azərbaycan Respublikasına mənsub olan bölməsində heyvan və bitki növlərinin (yarımnöv, populyasiyalar) vəziyyəti, yayılması və mühafizəsi tədbirləri haqqında məlumatları özündə əks etdirir.

Ölkəmizdə bitki və heyvanat aləminin mühafizəsi, həm ölkə qanunvericiliyində, həm də 1989-cu ildə çap edilmiş Azərbaycan SSR-in bitki və heyvanlarının “Qırmızı Kitab”ının I nəşrində təsbit edilmişdir. Bura alimlər tərəfindən Azərbaycan florasında mühafizəsi tələb olunan 140, fauna üzrə isə 108 növ daxil edilmişdir. [1]

Qırmızı kitaba düşmüş bitkilər

  1. Hirkan şümşadı
  2. Dəmirağac
  3. Şabalıdyarpaq palıd
  4. Hirkan ənciri
  5. Hirkan armudu (Pyrus hyrcana)
  6. Xəzər lələyi
  7. İkək akasiyası
  8. Qafqaz xurması
  9. Ürəkyarpaqlı qızılağac
  10. Budaqlı danaya
  11. Hirkan bigəvəri
  12. Eldar şamı
  13. Qafqaz rododendron
  14. Çoban sarmaşığı
  15. Laqodex acıçiçəyi
  16. Təmiz kladoxeta
  17. Qaraçöhrə
  18. Şərg çinarı
  19. Qafqaz xədicəgülü
  20. Məxməri gərməşov
  21. Naxçıvan gəvəni
  22. Araz palıdı
  23. Xəzər zəfəranı
  24. Su zanbağı
  25. Qafqaz dəmirağacı[2]

Həmçinin bax

İstinadlar
  1. "Azərbaycan Respublikasının "Qırmızı kitab"ı". eco.gov.az/. Archived from the original on 3 October 2022.
  2. "Azərbaycan Qırmızı Kitabı". www.azerbaijans.com. Archived from the original on 15 May 2023.

Xarici keçidlər

Azərbaycan Respublikasının qırmızı kitabı

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.