Qırmızı Saqqallar

Qırmızı Saqqallar — Azərbaycan Respublikasının Tərtər rayonunun Borsunlu kənd inzibati ərazi dairəsində kənd.[1] Kənd Goranboy rayonunun Tap Qaraqoyunlu kəndinin bir neçə yüz metrliyində, Talış kəndi ilə Tap Qaraqoyunlu kəndi arasında yerləşir.

Bu məqalə Qazaxlar (Tərtər) məqaləsinə çox yaxındır və hər ikisinin eyni başlıq altında birləşdirilməsi mümkündür.

Kənd
Qırmızı Saqqallar
40°26′37″ şm. e. 46°51′48″ ş. u.
Ölkə  Azərbaycan
Rayon Tərtər rayonu
Tarixi və coğrafiyası
Saat qurşağı
Əhalisi
Əhalisi 0 nəfər
Milli tərkibi azərbaycanlı
Rəsmi dili azərbaycan dili
Rəqəmsal identifikatorlar
Telefon kodu +994
Poçt indeksi AZ5900
Nəqliyyat kodu 59
Qırmızı Saqqallar xəritədə
Qırmızı Saqqallar
Qırmızı Saqqallar

Tarixi

Bu kəndə burada yaşayan tayfaya görə Qazaxlar da deyilir. XX əsrin 60-cı illərinə qədər bu kənddə 40-dan çox ailə yaşayırdı. Qonşuluqda olan Ağdərə rayonunun (keçmiş Dağlıq Qarabağın Mardakert rayonu) Talış kəndində yaşayan ermənilər çoxluqlarından istifadə edərək, bu kəndə həmişə təziqlər göstərmiş, nəticədə hazırda həmin kənddə əhali yaşamır.

Qırmızı Saqqallar kənd inzibati ərazisi 2 aprel 2016-cı il tarixinədək erməni təcavüzkarları tərəfindən işğal altında saxlanılmışdır. Tərtər rayonunun tərkibinə 1992-ci ildə verilib.

Hazırda ermənilərin mövqeyi xalq arasında "Ağuçuq", "Yaltaxıl" adlanan ərazidə yüksəklikdə yerləşdiyinə görə bütün ətraf kəndləri atəş altında saxlayırlar.

5 iyul 2000-ci ildə Borsunlu kəndi Sarov kənd inzibati ərazi vahidi tərkibindən ayrılaraq həmin kənd mərkəz olmaqla Borsunlu kənd inzibati ərazi vahidi yaradılıb. Sarov kənd inzibati ərazi vahidinin Qırmızı Saqqallar kəndi Borsunlu kənd inzibati ərazi vahidinin tərkibinə verilib. 2 aprel 2016-cı ildə Azərbaycan Silahlı Qüvvələrinin nəzarətinə keçib.[2]

Toponimikası

Yaşayış məntəqəsi Qazax mahalından köçüb gəlmiş “qırmızısaqqallar” nəslininin məskunlaşması nəticəsində yaranmışdır. Mənbələrdə Qazaxlar, Qırmızı Qazaxlar adı ilə də qeydə alınmışdır.

Coğrafiyası və iqlimi

Qırmızı-Saqqallar kəndi İncəçay çayının sağ sahilində, Qarabağ düzündə yerləşir. Bu kənd Goranboy rayonunun Tapqaraqoyunlu kəndi ilə (İncəçay çayının sol sahilində) əks istiqamətdə yerləşir.

Bu kəndin coğrafi mövqeyi də ermənilərin daima hücumuna şərait yaratmışdı. Belə ki, bu kəndin ərazisi Ağdərə rayonunun Talış kəndinin ərazisində yerləşir, lakin inzibati tabeçiliyinə görə həmişə Tərtər rayonuna tabe olmuşdur.

İstinadlar
  1. Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı, 2024" (PDF) (az.). stat.gov.az. 2024-02-28. 2024-03-14 tarixində arxivləşdirilib (PDF). İstifadə tarixi: 2024-04-05.
  2. "Azərbaycan Respublikasının bəzi rayonlarının inzibati ərazi bölgüsündə qismən dəyişikliklər edilməsi haqqında". 2022-02-19 tarixində arxivləşdirilib. İstifadə tarixi: 2021-01-04.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.