Oyuncaq (film, 1976)

Oyuncaq
Oyuncaq
	fr. Le Jouet
Janr	komediya filmi
Rejissor	Fransis Veber[1][2];
Prodüser	Alen Puare[d];
Ssenari müəllifi	Fransis Veber;
Baş rollarda	Pyer Rişar[2]; Mişel Buke[2]; Jak Fransua[d][2]; Mişel Omon[d]; Jerar Jünyo[d]; Aliks Maxye[d]; Şarl Jerar[d]; Daniel Sekkaldi[d]; Eva Darlan[d]; Jaklin Noel[d]; Lin Şardonne[d]; Mişel Roben[d]; Mişel Rul[d]; Mişel Sand[d]; Roje Riffar[d]; İv Barsak[d];
Operator	Etyen Beker[d];
Bəstəkar	Vladimir Kosma[d];
İlk baxış tarixi	8 dekabr 1976[3], 7 aprel 1977[3], 12 may 1977[3], 15 sentyabr 1977[3], 23 sentyabr 1977[3], 17 fevral 1978[3], 23 fevral 1979[3], 25 may 1979[3], 3 aprel 1980[3]
Müddət	95 dəq.
Ölkə	Fransa;
Dil	fransız dili
Rəng	rəngli
IMDb	ID0074720

"Oyuncaq" (fr. Le Jouet) — rejissor Fransis Veberin filmi.

Məzmun

Fransua Peren işsiz jurnalistdir. Bir neçə ay sürən gərgin iş axtarışlarından sonra o, "France Hebdo" jurnalında işə düzəlir. Perenin ilk ciddi tapşırığı oyuncaq mağazası haqqında məqalə yazmaq olur. Mağazada Perren həmin jurnalın sahibinin oğlu Eriklə rastlaşır. Bir dəstə adam Eriki oyuncaq mağazasından istədiyi oyuncağı seçmək üçün gətirib. Lakin ərköyün Erik gözlənilmədən Fransua Perreni oyuncaq kimi almağı tələb edir. Perren təbii ki, buna qəti etiraz edir. Amma mağazanın direktoru və Blenak onu milyonçunun evində bir müddət oyuncaq rolunu oynamağa razı salırlar. Bu Perrenin ləyaqətinə toxunsa da Eriklə oynamağa məcbur olur. Eriklə yaxından tanış olan Fransua, bu ərköyün uşağın tərbiyəsi ilə də məşğul olmağa başlayır. Birgə keçən bu günlər ərzində Perren başa düşür ki, Erikin pula, var-dövlətə yox, sadəcə, bir nəvazişə, əzizlənməyə ehtiyacı var. Tezliklə onlar dostlaşır və oğlanın analığına qarşı çıxmağa başlayırlar.

Bir qədər sonra aşkar olur ki, Erikin dərin psixoloji problemləri var. Bu problem əsasən valideynlərinin ayrılması və milyonçu atasının ekssentrik xasiyyəti ilə bağlı yaranmışdır. Perren onunla atasının xasiyyət və əxlaqı haqqında müqayisə aparır. Perren və Erikin növbəti əyləncələrindən biri də satirik qəzet çıxarmaqdır. Getdikcə Erik Fransuaya o qədər öyrəşir ki, atasından çox onu sevməyə başlayır.

Film haqqında

Amerikalı kinorejissor Riçard Donner 1982-ci ildə bu filmin eyniadlı rimeykini çəkmişdir.

Filmin heyəti

Film üzərində işləyənlər

Ssenari müəllifi: Fransis Veber

Rejissor: Fransis Veber

Operator: Etyen Beker

Bəstəkar: Vladimir Kosma

Rollarda

Aktyor	Rol
Pyer Rişar	jurnalist Fransua Perren
Fabris Qreko	Erik Rambal-Koşe
Mişel Buke	milyonçu Pyer Rambal-Koşe
Jak Fransua	qəzet redaktoru Blenak
Daniel Çekkaldi	ev sahibi
Şarl Jerar	qovulmuş fotoqraf
Mişel Omon	oyuncaq mağazasının direktoru
Süzi Dayson	xanım Rambal-Koşe
Mişel Sand	Nikol Perren
İv Barsak	Rober
Jerar Jünyo	qovulmuş işçi
Mişen Roben	majordom

Mənbə

LE JOUET

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[_d45513b04b6e1d79-1] ttp://www.imdb.com/title/tt0074720/.

[_3dabb687214fe1b9-2] ttp://www.allocine.fr/film/fichefilm_gen_cfilm=28331.html.

[_74402d83d6b77da9-3] ttps://www.imdb.com/title/tt0074720/releaseinfo.