Nikolay Dubrovski

Nikolay Aleksandroviç Dubrovski — rus tarixçisi, Azərbaycan Xalq Cümhuriyyəti Hökumətinin təklifi əsasında Bakı Dövlət Universitetinin təsis olunması üçün yaradılmış komissiyanın üzvü.[1][2]

Nikolay Dubrovski
Nikolay Aleksandroviç Dubrovski
Şəxsi məlumatlar
Fəaliyyəti tarixçi

Komissiyanın 1919-cu il mayın 21də keçirilən ilk iclasında universiteti lazımi avadanlıq və vəsaitlə təmin etmək üçün yaradılan kitabxana yarımkomissiyasının sədri, mənzil yarımkomissiyasının isə üzvü seçilmişdi. Dubrovski Bakı Dövlət Universiteti tarix-filologiya fakültəsinin ilk dekanı olmuş[3], universitetin yüksək ixtisaslı professor-müəllim kadrları ilə təmin edilməsində fəal çalışmışdır. Bu məqsədlə sentyabrın sonlarında rektor V. İ. Razumovski ilə birlikdə Rusiyanın cənubundakı universitet şəhərlərinə ezam olunmuşdu. 1919 il noyabrın 15-də — universitetin açılış günü ümumi tarixdən ilk mühazirəni Dubrovski oxumuşdu. O, universitetin ümumi tarix kafedrasının professoru idi. Dubrovski 1922 ilin noyabrınadək tarix-filologiya fakültəsinin dekanı olmuş, 1923 ilin yanvarından Moskva Universitetinə keçməsi ilə əlaqədar olaraq Bakı Dövlət Universitetindən ayrılmışdır.

İstinadlar
  1. "Arxivlənmiş surət" (PDF). 2016-05-10 tarixində arxivləşdirilib (PDF). İstifadə tarixi: 2024-03-14.
  2. "К. Ю. Лаппо-Данилевский. Комментарий: М. С. Альтман. Разговоры с Вячеславом Ивановым". www.v-ivanov.it. 2022-03-14 tarixində arxivləşdirilib. İstifadə tarixi: 2024-03-14.
  3. "Филологический факультет - Бакинский Государственный Университет - STUDENTS.AZ – Education Platform". students.az. 2024-03-14 tarixində arxivləşdirilib. İstifadə tarixi: 2024-03-14.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.