Nazim Cəbrayılov

Nazim İbrahim oğlu Cəbrayılov (2 mart 1949, Ağdam – 18 aprel 1994, Qarabağ) — Azərbaycan Silahlı Qüvvələrinin kapitanı, Birinci Qarabağ müharibəsi şəhidi.

Nazim Cəbrayılov
Nazim İbrahim oğlu Cəbrayılov
Şəxsi məlumatlar
Doğum tarixi
Doğum yeri Ağdam, Azərbaycan SSR
Vəfat tarixi (45 yaşında)
Vəfat yeri Qarabağ Azərbaycan Azərbaycan
Vəfat səbəbi Şəhid
Atası İbrahim Cəbrayılov
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Quru qoşunları
Xidmət illəri 1988-1994
Rütbəsi Kapitan
Döyüşlər Qarabağ müharibəsi
Təltifləri "Azərbaycan Bayrağı" ordeni

Həyatı və fəaliyyəti

Nazim Cəbrayılov 1949-cu il martın 2-də Ağdam şəhərində anadan olub. Ağdam şəhər 1 nömrəli orta məktəbi bitirən Nazim Cəbrayılov 1966-cı ildə Azərbaycan Xalq Təsərrüfatı İnstitutuna daxil olub. Ali təhsilini bitirdikdən sonra təyinatla Türkmənistanın Aşqabad şəhərinə göndərilib. Aşqabad şəhər DİŞ-nin SƏDM bölməsində işləyib.

Daha sonra Kalininqrad Milis Məktəbində oxuyan Nazim Cəbrayılov ikinci ixtisas diplomu alıb. Bir müddət işlədikdən sonra vətənə qayıdıb və 2711 nömrəli hərbi avtomobil dəstəsində hərbi mühəndis vəzifəsində çalışıb.

Hərbi xidməti

1988-ci ilin Ermənistanın Azərbaycan torpaqlarına hücumundan sonra baş leytenant Nazim Cəbrayılov Azərbaycanın ərazi bütövlüyünün müdafiəsi üçün hərbi xidmətə yollanıb. O, Müdafiə Nazirliyinin əmri ilə taqım komandiri təyin edilib.

1994-cü il aprelin 13-də Nazim Cəbrayılov vaxtından əvvəl kapitan rütbəsinə təqdim edilib. 1994-cü ilin 18 aprelində Nazim Cəbrayılov və onun əsgərləri döyüşdə şəhid olublar.[1]

Təltif və mükafatları

Şəxsi şücaət və qəhrəmanlığına görə Azərbaycan Respublikasının Prezidenti Heydər Əliyevin sərəncamı ilə Nazim İbrahim oğlu Cəbrayılov "Azərbaycan Bayrağı" ordeni ilə təltif edilib.[2]

İstinadlar
  1. "Şəhid zabitə niyə Milli Qəhrəman adı verilmir?". 2018-04-13 tarixində orijinalından arxivləşdirilib. İstifadə tarixi: 2018-04-10.
  2. ""ÖLMƏZLİYƏ ABİDƏ" KİTABININ TƏQDİMATI OLMUŞDUR". 2023-08-04 tarixində arxivləşdirilib. İstifadə tarixi: 2018-04-10.

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.