Natiq Əliyev (general-mayor)

Natiq Əliyev (26 avqust 1964, Əmirxeyir, Krasnoselsk rayonu) — General-mayor.

Natiq Əliyev
Doğum tarixi
Doğum yeri Əmirxeyir, Krasnoselo rayonu, Ermənistan SSR, SSRİ
Vətəndaşlığı SSRİ SSRİ→
Azərbaycan Azərbaycan
Uşaqları Türkər Əliyeva, Namiq Əlizadə
Milliyyəti azərbaycanlı
Fəaliyyəti farmakoloq, hərbi qulluqçu

Əczaçılıq elmləri namizədi, Ehtiyatda olan hərbi zabit

Azərbaycan Müdafiə Nazirliyi Tibb baş idarəsinin sabiq rəisi.[1]

Həyatı

Natiq Əliyev 26 avqust 1964-cü ildə Qərbi Azərbaycanın (indiki Ermənistan Respublikası) Krasnoselo rayonunun Əmirxeyir kəndində anadan olub.

Azərbaycan Dövlət Tibb İnstitutunun və Azərbaycan Kooperasiya Universitetinin məzunudur. Karate-do idman növü üzrə 3-cü dan idman dərəcəsinə malikdir.

"Azərbaycan Respublikasında Dopinq nəzarətinin təşkilinin öyrənilməsi" elmi əsərinin müəllifidir. Əczaçılıq elmləri namizədidir. Azərbaycan Milli Olimpiya Komitəsinin İcraiyyə Komitəsinin və AFFA-nın İcraiyyə Komitəsinin üzvüdür. Beynəlxalq Hərbi İdman Şurasında Azərbaycan nümayəndə heyətinin rəhbəridir.

1999–2012-ci illərdə Müdafiə Nazirliyi Mərkəzi Ordu İdman Klubunun rəisi vəzifəsində çalışmışdır.

2012–2020-ci illərdə Azərbaycan Respublikasının Müdafiə Nazirliyinin Tibb Bas Idarəsinin rəisi işləyib. Azərbaycan Respublikası Prezidentinin 25.06.2013-cü il tarixli Sərəncamı ilə Tibb-Xidməti General-mayor hərbi rütbəsi verilmişdir. 2020-ci ilin iyun ayından Azərbaycan Prezidenti İlham Əliyevin müvafiq sərəncamı ilə general-mayor Natiq Əliyev Müdafiə Nazirliyinin Tibb Baş İdarəsinin rəisi vəzifəsindən azad olunaraq ehtiyata buraxılıb.

Mükafatları və fəxri adı
  • 2003-cü ildə "Hərbi xidmətlərə görə" medalı.
  • "Azərbaycan Respublikası Silahlı Qüvvələrinin 10 illiyi (1991–2001)" yubiley medalı.
  • "Qüsursuz xidmətə görə" 3-cü dərəcəli medalı.
  • Beynəlxalq Hərbi İdman Şurasının Ali zabit ordeni.
  • Azərbaycan Respublikası Prezidentinin 25 dekabr 2008-ci il tarixli Sərəncamı ilə "Əməkdar bədən tərbiyəsi və idman xadimi" fəxri adına layiq görülüb.

İstinadlar
  1. "- Müdafiə Nazirliyi general Natiq Əliyevin vəzifəsindən azad edilməsini təsdiqləyib". 2022-02-08 tarixində arxivləşdirilib. İstifadə tarixi: 2022-02-08.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.