Narınc Məlikova
Narınc Murad qızı Məlikova (1917, Abdal, Şuşa qəzası – 22 noyabr 1990, Ağdam) — Azərbaycan teatr aktrisası, Azərbaycan SSR əməkdar artisti (1940).
| Narınc Məlikova | |
|---|---|
 | |
| Doğum tarixi | |
| Doğum yeri | Abdal, Şuşa qəzası |
| Vəfat tarixi | |
| Vəfat yeri | Ağdam, Azərbaycan SSR, SSRİ |
| Vətəndaşlığı |
 AXC→ SSRİ |
| Fəaliyyəti | teatr aktrisası |
| Fəaliyyət illəri | 1936–1989 |
| Təhsili | Bakı Teatr Məktəbi |
| Teatr |
Ağdam Dövlət Dram Teatrı, Füzuli Dövlət Dram Teatrı, İrəvan Dövlət Azərbaycan Dram Teatrı |
| Mükafatları |
 |
Həyatı
Narınc Məlikova 1917-ci ildə Şuşa qəzasının Abdal kəndində (hazırkı Ağdam rayonu) anadan olub. O, səhnə yaradıcılığına həvəskar aktrisa kimi 1931-ci ildə başlayıb. 1932-ci ildə Mirzə Fətəli Axundov adına Bakı Teatr Məktəbinin aktyorluq fakültəsinə qəbul olub. Burada 3-cü kursda təhsil alarkən ailə vəziyyəti ilə bağlı olaraq İrəvan şəhərinə köçüb. Oradakı İrəvan Dövlət Azərbaycan Dram Teatrında çalışıb.[1]
Aktrisa 1936-cı ildə Bakıya gəlib. O, 1936–1939-cu illərdə Səyyar Kolxoz və Sovxoz Teatrının mövsümi truppasında, 1939–1941-ci illərdə Şəmkir Kolxoz və Sovxoz Teatrında işləyib. 1941–1943-cü illərdə Ağdam Kolxoz və Sovxoz Teatrında, 1943–1949 və 1969–1989-cu illərdə Ağdam Dövlət Dram Teatrında fəaliyyət göstərib. 1949-cu ildə Ağdam teatrı bağlananda Narınc Məlikova Füzuli Dövlət Dram Teatrına dəvət alıb və 1952-ci ildə həmin teatr da fəaliyyətini dayandıranadək orada işləyib. Bundan sonra o, Ağdam dram dərnəyində və onun əsasında yaranmış xalq teatrında aktrisalıq edib. 1953-cü ildən 1969-cu ilədək Ağdam mədəniyyət evində bədii rəhbər işləyib.[1]
Narınc Məlikova 1969-cu ildən Azərbaycan Teatr Xadimləri İttifaqının üzvü olub. O, 1990-cı il ilin noyabrında Ağdamda vəfat edib.[2]
Təltif və mükafatları
- "Azərbaycan SSR əməkdar artisti" fəxri adı — 23 aprel 1940
İfa etdiyi əsas rollar
- Ağdam teatrında
| Tamaşa | Müəllif | Rol |
|---|---|---|
| Sevil | Cəfər Cabbarlı | Sevil və Dilbər |
| Yaşar | Cəfər Cabbarlı | Yaqut və Şərəbanu |
| Aydın | Cəfər Cabbarlı | Gültəkin |
| Oqtay Eloğlu | Cəfər Cabbarlı | Firəngiz |
| Almaz | Cəfər Cabbarlı | Almaz |
| Solğun çiçəklər | Cəfər Cabbarlı | Gülnisə |
| Müsyo Jordan və dərviş Məstəlişah | Mirzə Fətəli Axundov | Şərəfnisə |
| Hacı Qara | Mirzə Fətəli Axundov | Tükəz |
| Xırs quldurbasan | Mirzə Fətəli Axundov | Zalxa |
| Pəri cadu | Əbdürrəhim bəy Haqverdiyev | Səlimə |
| Ər və arvad | Üzeyir Hacıbəyov | Minnət xanım |
| Əsli və Kərəm | Üzeyir Hacıbəyov | Əsli |
| Leyli və Məcnun | Üzeyir Hacıbəyov | Leyli |
| Məşədi İbad | Üzeyir Hacıbəyov | Gülnaz |
| Arşın mal alan | Üzeyir Hacıbəyov | Gülçöhrə |
| Laçın yuvası | Süleyman Sani Axundov | Gövhər xanım və Pəricahan |
| Eşq və intiqam | Süleyman Sani Axundov | Həcər xanım |
| Fərhad və Şirin | Səməd Vurğun | Şirin |
| Vaqif | Səməd Vurğun | Xuraman |
| Xoşbəxtlər | Sabit Rəhman | Maral |
| Bahar | Məmmədhüseyn Təhmasib | Bahar |
| Natəvan | Şövkət Məmmədova | Natəvan |
| Həyat | Mirzə İbrahimov | Həyat |
| Qaçaq Nəbi | Süleyman Rüstəm | Həcər |
| Qatır Məmməd | Zeynal Xəlil | Gülcamal |
| Vicdan | Bəxtiyar Vahabzadə | Bahar müəllimə |
| Qaynana | Məcid Şamxalov | Afət |
| Durna | Süleyman Rüstəm və Səid Rüstəmov | Durna |
| Arvadımın əri | Georgi Xuqayev | Mehri |
İstinadlar
- Rəhimli, 2017. səh. 37–38
- Әдәбиjjат вә инҹәсәнәт. № 46, 1990
Ədəbiyyat
- İlham Rəhimli. Azərbaycan Teatr Ensiklopediyası (3 cilddə). 3-cü cild. Bakı: Azərnəşr. 2017. 416 səh. ISBN 5-86874-179-X.
- "Н. М. Мәликова". № 46 (2441). Әдәбиjjат вә инҹәсәнәт. 23 нојабр 1990-ҹы ил: сәһ. 7.