Menzis yalançı tsuqası
Menzis yalançı tsuqası (lat. Pseudotsuga menziesi) — bitkilər aləminin çılpaqtoxumlular şöbəsinin i̇ynəyarpaqlılar sinfinin i̇ynəyarpaqlılar dəstəsinin şamkimilər fəsiləsinin yalançı tsuqa cinsinə aid bitki növü.
| Menzis yalançı tsuqası | ||||||||||
|---|---|---|---|---|---|---|---|---|---|---|
 | ||||||||||
| Elmi təsnifat | ||||||||||
|
Domen: Klad: Ranqsız: Aləm: Klad: Streptophyta Klad: Embryophytes Klad: Polysporangiophytes Klad: Tracheophytes Klad: Klad: Gymnosperms Şöbə: Pinophyta Sinif: Yarımsinif: Dəstə: Fəsilə: Yarımfəsilə: Laricoideae Cins: Növ: Menzis yalançı tsuqası |
||||||||||
| Beynəlxalq elmi adı | ||||||||||
| ||||||||||
Şimali Amerikanın Sakit okean sahillərində yayılmışdır. Uzunluğu 2-3,5 sm, eni 1-1,5 mm, hamar, ensiz-neştərvari, ucu küt və ya biz, üstü parlaq-yaşıl, alt tərəfi açıq, içi göyümtül-ağ zolaqlı yarpaqları budaqlarda qeyri-bərabər, daraqvarı yerləşmişdir. Bu cins tez böyüyəndir, çox miqdarda yüksək keyfiyyətli oduncaq verir. Orta isti və rütubətli iqlimdə yaxşı bitir. Qışda sərt soyuqdan əziyyət çəkir. İşıqsevəndir, ancaq cavan yaşda xüsusilə kölgələnməyə ehtiyacı var. Dərin, yüngül gillicə və ya qumluca torpaqlarda yaxşı böyüyür, quru, qumlu, daşlıq və ya yaş torpaqlarda pis böyüyür. Bu bitki kiçik massivlərdə, qrup, alleya əkinləri və qazonda tək bitki kimi istifadə edilə bilər. Tək halda enli çətiri torpağın səthindən başlayaraq budaqlanır. Cavan yaşda təmiz meşələr yaradır. Təxminən 200 yaşında 50–115 m hündürlüyə və gövdəsinin diametri 120-450 sm-ə çatır. 1000 və daha çox il yaşayır. Bəzən budaqları qışda zədələnir, ancaq sonra yazda bərpa olunur. Böyümə sürətinə görə mülayim iqlimdə bitən bütün iynəyarpaqlı cinslərdən üstündür. Toxumları sentyabrın əvvəllərində yetişir. Azərbaycanda Gəncə, Lənkəran, Bakı şəhərlərinin yaşıllıqlarında təsadüf edilir.
İstinadlar
- Australian Plant Name Index (ing.).