Mattias Şvayqhöfer

Mattias keçmiş ADR-in Anklam şəhərində anadan olmuşdu[1]. O aktyor cütlüyü olan Mixael və Gitta Şvayqhöferin oğludur. Artıq yeniyetməlik yaşında Mattias ciddi şəkildə teatrla maraqlanır; onun arzularından biri də səhnə təcrübəsi toplamaq idi. Xemnitz şəhərində yerləşən Dr.-Wilhelm-André Gimnaziyasından "yetkinlik attestatı" aldıqdan sonra, Mattias "Ernst Buş" adına teatr və mədəniyyət universitetinə qəbul olur, lakin bir ildən sonra Mattias orada təhsilini dayandırır.

1997-ci ildə, Mattias rejissor Andreas Drezenin Raus aus der Haut telefilmində rol alır. Debüt rol ona 2001-ci ildə ekranlaşdırılmış Herz im Kopf filmi gətirdi. 2003-cü ildə Mattias Nora Çirnerlə birgə Solo albom filmində baş rola çəkilir, bu rol ona Almaniyada məşhurluq gətirir. O vaxtdan Şvayqhöfer bir çox alman və beynəlxalq film istehsal edən şirkətlərlə çalışırdı, eləcə də Almaniya teatrlarında yaxşı nüfuza malik idi. O həmçinin ən istedadlı gənc aktyor qismində Qızıl Kamera və Bembi mükafatlarına layiq görülmüşdü.

2009-cu ildə o Yoko Vinterşaydt, moda dizayneri Kilian Kerner və musiqi prodüseri Sebastian Radlmeierlə birgə German Garment adlı Moda leyblını yaratmışdı[2]. 2010-cu ildən Şvayqhöfer artıq həm də rejissor kimi çalışır. Onun rejissor qismində ilk işi komediya janrında çəkilmiş What a Man filmi ilə başlayır; o burada həmçinin həmmüəllif, baş rolların ifaçısı və film şirkəti sayılan Pantaleon Films'də birgə istehsal üzrə əməkdaşı qismində çıxış etmişdi[3]. 2011-ci ilin avqust ayında film Almaniya kinoteatrlarında nümayiş olunur. Ümumilikdə Almaniyada filmi 1,8 milyon insan seyr etmişdi. 2013-cü ilin yanvar ayının 10-da Mattiasın rejissorluğu və baş rolu ilə Ayrılmağa kömək edərik adlı ikinci bədii filmi nümayiş olunur. Film yenə də Pantaleon Films şirkəti tərəfindən ekranlaşdırılır[4].

Mattias 2000-ci ildə Berlin şəhərinə köçür, lakin artıq 2009-cu ildə o sevgilisi ilə birgə Brandenburqda yerləşən "Firzaythof" (alm. Vierseithof‎) fermasında məskunlaşır[5]. Özəl müsahibələrdə o daha çox Berlin dialektində danışmağı üstün tutur[5][6][7]. Mattias 2004-cü ildən 2012-ci ilə qədər rejissor assistenti Anjelika Şrom ilə əlaqədə olub və bu birgə həyatdan cütlüyün bir qızı da var[8]. 2013-cü ilin oktyabr ayında ZDF-Show kanalında yayımlanan "Wetten, dass..?" proqramında Mattias yenidən ata olacağını bildirir. 2012-ci ildən Mattiasın mum fiquru Berlində yerləşən Madam Tüsso muzeyində rəsmən eksponatlar içərisinə daxil olur[9].

• Boyu 180 sm
• Təmiz fransız və ingilis dillərində danışa bilir.
• Fortepiano və skripkada çala bilir.
• Poema yazmağı sevir, onun pərəstiş etdiyi müəllif — Maks Frişdir.
• İdman növlərindən qaçış və üzgüçülüyü çox sevir.

• 2004: Die Lewins — Gita Lehr
• 2005: Meene Kleene — Ariane Grundies
• 2005: Lieb mich — Torsten Feuerstein
• 2005: Baal — Bertolt Brext
• 2006: Der Schatten des Windes — Carlos Ruiz Zafon
• 2007: Schöne Verhältnisse — Edward St Aubyn
• 2008: Slam — Nick Hornby
• 2008: Die Traumnovelle — Arthur Şnitzler

• Matthias Schweighöfer im Gespräch mit Béatrice Ottersbach: Die Seele muss etwas zu erzählen haben. In: Béatrice Ottersbach, Thomas Schadt, Nina Haun: Schauspieler-Bekenntnisse. UVK Verlagsgesellschaft, Konstanz 2007, ISBN 978-3-89669-685-4.

Vikianbarda Mattias Şvayqhöfer ilə əlaqəli mediafayllar var.

• Şvayqhöfer
• Schweighöfer
• - Matthias Schweighöfer
• (Deutsche National Bibliothek alles über Matthias Schweighöfer)
• Porträt mit Interview auf moviesection.de (2010)
• Biografie Arxivləşdirilib 2014-07-28 at the Wayback Machine auf film-zeit.de