Mario Dragi

Mario Dragi (it. Mario Draghi; 3 sentyabr 1947[1][2][…], Roma) — 13 fevral 2021-ci ildən etibarən İtaliya Baş naziri olan italyan iqtisadçı, bankir, akademik və dövlət xadimi.[3]

Mario Dragi
it. Mario Draghi
İtaliya Respublikasının Baş naziri
13 fevral 2021 – h.h
ƏvvəlkiCüzeppe Konte
Avropa Mərkəzi Bankının Prezidenti
1 noyabr 2011 – 31 oktyabr 2019
ƏvvəlkiJan-Klod Trişe
SonrakıKristin Laqard
Maliyyə Sabitliyi Şurasının sədri
2 aprel 2009 – 4 noyabr 2011
Əvvəlkivəzifə təsis edilib
SonrakıMark Kerney
İtaliya Bankının sədri
16 yanvar 2006 – 31 oktyabr 2011
ƏvvəlkiAntonio Fatsio
Sonrakıİnyatsio Visko
Şəxsi məlumatlar
Doğum tarixi
Doğum yeri Roma, İtaliya
Partiya
Təhsili
Fəaliyyəti iqtisadçı, bankir, universitet müəllimi[d], siyasətçi
Həyat yoldaşı Serena Kappello (1973–h.h)
Uşağı 2
Elmi fəaliyyəti
Elm sahəsi iqtisadiyyat
Elmi dərəcəsi
  • iqtisad üzrə fəlsəfə doktoru[d] (1977)
İmzanın şəkli
Vikianbarın loqosu Vikianbarda əlaqəli mediafayllar

İtaliyada akademik iqtisadçı olaraq fəaliyyətdən sonra, Dragi 1980-ci illərdə Vaşinqtonda Dünya Bankında çalışdı və 1991-ci ildə Romaya qayıdaraq İtaliya Xəzinədarlığının baş direktoru oldu. On ildən sonra "Goldman Sachs"-a qoşulmaq üçün bu postu tərk etdi və 2006-cı ildə İtaliya Bankının sədri təyin olunana qədər orada qaldı. Sədr fəaliyyəti 2008-ci il böhranı ilə üst-üstə düşdü və bununla mübarizə aparmaq üçün seçildi. Maliyyə Sabitliyi Forumunu əvəz edən qlobal standart quram olan Maliyyə Sabitliyi Şurasının ilk sədri.

2011-ci ildə Avropa Şurası tərəfindən Avropa Mərkəzi Bankının Prezidenti vəzifəsinə təyin olunandan sonra bu postu tərk etdi. Avrozona böhranı zamanı quruma başçılıq etdi və avronun düşüşünün qarşısını almaq üçün "lazım olan hər şeyi" etməyə hazır olacağını söyləməklə bütün dünya gündəmində məşhurlaşdı. 2014-cü ildə Dragi "Forbes" jurnalı tərəfindən dünyanın ən güclü səkkizinci adamı olaraq siyahıya alındı. 2015-ci ildə "Fortune" jurnalı onu "dünyanın ən böyük ikinci lideri" olaraq sıraladı. "Time 100" illik siyahısında üç dəfə siyahıya alınan yeganə italyandır. 2019-cu ildə Pol Kruqman onu "müasir dövrün ən böyük mərkəzi bankçısı" olaraq xarakterizə etdi. Pul siyasəti sayəsində Avropa borc böhranı dövründə geniş şəkildə "avronun xilaskarı" sayılır. Bəzi media tərəfindən "Super Mario" adlandırılıb, Avropa Mərkəzi Bankının Prezidenti olduğu dövrdə çoxsaylı mənbələr tərəfindən Avrozona böhranı ilə mübarizədə əsas rol oynadığı zaman bu ləqəbi məşhurlaşdı.[4]

Draginin AMB sədrliyi müddəti 2019-da bitdikdən sonra ailəsi ilə daha çox maraqlanacağını bildirdi. 3 fevral 2021-ci ildə, COVID-19 pandemiyası zamanı Cüzeppe Kontenin istefasından sonra İtaliya Prezidenti Serco Mattarella tərəfindən milli birlik hökuməti qurmağa dəvət edildi. "Liqa", "Beş Ulduz hərəkatı", "Demokratik Partiya" və "İrəli İtaliya" da daxil olmaqla partiyalarla uğurlu danışıqlardan sonra COVID-19 iqtisadi stimulunun effektiv tətbiqinə ,

pezzo di merdabnəzarət edəcəyini vəd edərək, 13 fevralda Baş nazir olaraq and içdi.[5]

Həyatı

Mario Dragi 1947-ci ildə Romada tanınmış ailədə anadan olub, Paduada anadan olan atası Karlo 1922-ci ildə İtaliya Bankında işləyib, daha sonra Sənaye Yenidənqurma İnstitutunda və Milli Əmək Bankında çalışıb. Avellino yaxınlığındakı Monteverde şəhərindən olan anası Cilda Mançini əczaçı idi. Üç uşağın ən böyüyüdür: sənətşünas Andreyna və sahibkar Marçello. 15 yaşında ikən 1895-ci ildə doğulan atası və 19 yaşında anası vəfat etdi.[6]

Dragi "Ferrari" sədri Luka Kordero di Montezemolo və televiziya aparıcısı Cankarlo Magallinin qrup yoldaşı olduğu Romadakı yezuit məktəbi olan Massimiliano Massimo İnstitutunda təhsil aldı. 1970-ci ildə Roma Sapientsa Universitetinin İqtisadiyyat fakültəsini fərqlənmə diplomu ilə bitirib, keynesçi iqtisadçı Federiko Kafenin rəhbərliyi altında "İqtisadi inteqrasiya və valyuta məzənnəsi dəyişməsi" adlı dissertasiya işini yazıb. Dragi dissertasiyasında Lüksemburq Baş naziri Pyer Vernerin Avropa pul birliyinin "erkən" olduğunu söyləməsini xüsusilə tənqid etdi. Dragi 1976-cı ildə Massaçusets Texnologiya İnstitutunda İqtisadiyyat üzrə doktorluq dərəcəsi aldı, bu dəfə Franko Modilyani və Robert Solounun rəhbərliyi altında "İqtisadi nəzəriyyə və tətbiqlərə dair esselər" adlı dissertasiya yazdı.[7]

1973-cü ildə Mario Dragi ingilis ədəbiyyatı mütəxəssisi Serena Kappello ilə evləndi, iki övladı var: "Genextra Spa" şirkətinin investisiya direktoru və "Italian Angels for Biotechis"-in idarə heyətinin üzvü Federika və maliyyə analitiki Cakomo. 2017-ci ilə qədər "Morgan Stanley" investisiya bankında faiz dərəcəsi üzrə treyder olaraq çalışdı və hazırda "LMR Partners" hedcinq fondunda çalışır.[8]

Dragi yezuit təhsili almış Roma katolikidir və İqnati Loyola felsefesinin davamçısıdır. Draginin Romanın Parioli rayonunda və Umbriadaki Çitta-della-Pyevedə evi var. Doğulduğu şəhərin futbol komandası olan Roma FK-un və basketbolun həvəskarıdır.[9]

Professor və dövlət məmuru fəaliyyəti

1975–1981-ci illərdə Dragi Trento Universitetində iqtisadi və maliyyə siyasəti professoru, daha sonra Padua Universitetində nakroiqtisadiyyat və daha sonra Venesiya Universitetində riyazi iqtisadiyyat üzrə professor kimi çalışmışdır. 1981-ci ildə Florensiya Universitetində iqtisadiyyat və pul siyasəti professoru olaraq 1994-cü ilə qədər çalışdı. Bu müddət ərzində Vaşinqtonda Dünya Bankında məsləhətçi olaraq da çalışdı. 1983-cü ildə Dragi Xəzinə Naziri Covanni Qorianın müşaviri təyin edildi.[10]

1991-ci ildə Maliyyə Naziri Qvido Karli və İtaliya Bankının sədri Karlo Adzelio Çampi Dragini İtaliya Xəzinədarlığının Baş direktoru təyin etdilər, Dragi 2001-ci ilə qədər dövlət qulluğunda bu vəzifəni tutdu. Xəzinədarlıqda olduğu müddətdə, italyan korporativ və maliyyə qanunvericiliyinə yenidən baxan və İtaliyanın maliyyə bazarlarını idarə etməyə davam edən qanun layihəsini hazırlayan komitəyə başçılıq etdi. Dragi eyni zamanda 1990-cı illərə qədər İtaliya iqtisadiyyatında baş verən bir çox dövlət şirkətinin özəlləşdirilməsinin əsas tərəfdarlarından biri idi. O, qrupun tam islahatını həyata keçirən və "Təmiz Əllər" korrupsiya skandalını araşdıran XTSX idarə komitəsinə də başçılıq etdi. Dragi sonrakı özəlləşdirmədən əvvəl 1998–2001-ci illər arasında XTSX sədrliyinə qayıtdı. Bu illərdə Eni, Sənaye Yenidənqurma İnstitutu, Milli Əmək Bankı və İtalya Mobiliar İnstitutu kimi bir neçə italyan bank və korporasiyasının idarə heyətinin üzvü olub.[11]

2001-ci ildə Harvard Universitetinin Kennedi Məktəbinin Siyasət İnstitutunun üzvü olmaq üçün xəzinədarlığı tərk etdi. Dragi eyni zamanda 2002-ci ildə "Goldman Sachs International"-ın idarə heyətinin sədr müavini və idarəçi direktoru təyin edildi. O, 2005-ci ilə qədər bu vəzifələrin hamısını tutaraq şirkətin idarə komitəsinin üzvü seçildi. "Goldman Sachs"-ın Avropa strategiyasına və Avropanın böyük şirkətləri ilə əlaqələrinə rəhbərlik etdi. "Goldman Sachs" tərəfindən asanlaşdırılan Yunanıstan hökuməti tərəfindən bazardankənar svopların sistematik olaraq istifadə edildiyi ortaya çıxdıqdan sonra, Dragi bu razılaşma haqqında "heç bir şey bilmədiyini" və "bununla heç bir əlaqəsi olmadığını" bildirdi. Bu dövrdə, Dragi eyni zamanda Nyu-Cersi ştatının Prinston şəhərindəki Ətraflı Tədqiqat İnstitutunda qəyyum olaraq və Vaşinqtondakı Brukinqs İnstitutunda məsləhətçi olaraq da çalışdı.[12]

İtaliya Bankının sədri fəaliyyəti
Dragi ABŞ Prezidenti Corc Volker Buş ilə, 2008

2005-ci ilin dekabrında Draginin İtaliya Bankının sədri olacağı açıqlandı. O, rəsmi olaraq 16 yanvar 2006-cı ildə vəzifəyə başladı. 2006-cı ilin aprelində o, Mərkəzi Bank rəhbərləri tərəfindən Maliyyə Sabitliyi Forumunun sədri olmaq üçün seçildi. MSŞ-ın ilk sədri olaraq, Dragi G20 liderlərinə cavabdeh idi və beynəlxalq maliyyə sabitliyini təşviq etmək, bazarların fəaliyyətini yaxşılaşdırmaq və məlumat mübadiləsi və nəzarətçilər arasında beynəlxalq əməkdaşlıq vasitəsilə sistemli riski azaltmaq üçün çalışdı.

İtaliya Bankının sədri olaraq, Dragi eyni zamanda Avropa Mərkəzi Bankının İdarəetmə və Ümumi Şuralarının üzvü və Beynəlxalq Hesablaşmalar Bankının Direktorlar Şurasının üzvü idi. İtaliyanı həm Beynəlxalq Yenidənqurma və İnkişaf Bankında, həm də Asiya İnkişaf Bankında İdarəçilər Şurasında təmsil etmişdir. 5 avqust 2011-ci ildə AMB sədri Jan-Klod Trişe ilə birlikdə İtaliyada Silvio Berluskoni hökumətinə təcili olaraq İtaliyada tətbiq edilməli olan bir sıra iqtisadi tədbirləri tövsiyə etmək üçün məktub yazaraq daxili siyasi müzakirələrə öz töhfəsini verdi.[13]

Avropa Mərkəzi Bankının Prezidenti fəaliyyəti
Dragi (sağda) Dominik Stross-Kan və Jan-Klod Trişe ilə

Dragi illərlə Avropa Mərkəzi Bankının Prezidenti vəzifəsində çalışmış və vəzifə müddəti 2011-ci ilin oktyabr ayında başa çatmalı olan Jan-Klod Trişenin xələfi olaraq ən ideal namizəd olaraq görüldü. 13 fevral 2011-ci ildə "Financial Times"-ın köməkçi redaktoru Volfqanq Myunxau Draginin bu vəzifəyə seçiləcəyini təsdiqlədi. Bir neçə gün sonra "The Economist" yazdı ki, "dünyanın ikinci ən əhəmiyyətli mərkəzi bankının növbəti Prezidenti Mario Dragi olmalıdır". Dragi sonradan bu vəzifəyə görə İtaliyanın Baş naziri Silvio Berluskoninin dəstəyini qazandı və İtalyanın Avropa Birliyi daxilində ən önəmli iqtisadi siyasət qurma rolunu görmək istədiyini bildirdi. 17 may 2011-ci ildə Avropa Birliyi Şurası Draginin AMB prezidentliyinə namizədliyini irəli sürdü. Draginin namizədliyi daha sonra Avropa Parlamenti və AMB-ın özü tərəfindən təsdiq edildi və 24 iyun 2011-də AB liderləri tərəfindən təyin edildi. Namizədlik prosesində Draginin "Goldman Sachs"-da keçmiş iş yerləri ilə əlaqədar bəzi narahatlıqlar ortaya çıxdı. Rockefeller Fondu tərəfindən qurulan Otuzlar Qrupunun üzvü olaraq, "Der Spiegel", "Tagesschau.de" və "Die Welt"-də AMB Prezidenti olaraq maraqlar toqquşmasında günahlandırıldı. Dragi Frankfurta köçdü və Trişenin müddətinin bitməsinin ertəsi günü, 1 noyabr 2011-ci ildə AMB Prezidenti vəzifəsini rəsmi olaraq təhvil aldı.[14]

2011-ci ilin dekabr ayında Dragi AMB-dan AB banklarına 489 milyard avroluq üç illik kredit proqramına vasitəçilik etdi. Dragi Trişenin müddətinin son iki faiz artımını da dərhal ləğv etdi, bunu davam edən Avropa borc böhranının azalacağını söylədi. 2012-ci ilin fevral ayında iqtisadiyyat üzrə Nobel mükafatı laureatı Cozef Stiqlits yaxınlaşan Yunanıstan borcunun yenidən qurulması mövzusunda AMB-ın Yunanıstan hökuməti tərəfindən razılaşdırılmayan defoltun əksinə olaraq "könüllü" olması tələbinin hədiyyə olacağını irəli sürdü. Bu borca ​​görə kredit itkisi sığortası satan maliyyə qurumlarına Stiqlitsin mövqeyi təhlükə olduğunu iddia etdi. 2012-ci ilin mart ayında AB banklarına ikinci daha böyük AMB krediti verildi, bu dəfə Uzunmüddətli Yenidən Maliyyələşdirmə Əməliyyatı adlandırıldı. Şərhçilərdən biri, Metyu Linn AMB-ın ABŞ-nin Federal Ehtiyat Sistemindən və İngiltərə Bankından asılılığın aradan qaldırılması ilə birlikdə, 2011 və 2012-ci illərdə neft qiymətlərinin artımını bəslədiyini gördü.[15]

Dragi Davosda, 2013

2012-ci ilin iyul ayında Avrozonadakı dövlətlər haqqında yenidən panel müzakirəsi keçirildi, o, AMB müşavirəsində "Avronu qorumaq üçün lazım olan hər şeyi etməyə hazıram. İnanın ki, bunu bacaracağıq" söylədi. Bu bəyanat bütün AB və dünyanın maliyyə bazarlarında geniş şəkildə bildirildi və əvvəlcə avrozona ölkələri, xüsusən İspaniya, İtaliya və Fransa üçün istiqraz faizlərinin davamlı azalmasına səbəb oldu. Avrozona böhranının həlli ilə bağlı yavaş siyasi irəliləyişlər nəzərə alınmaqla, Draginin bəyanatı sonradan Avrozonanın taleyində əsas dönüş nöqtəsi olaraq qəbul edildi, çoxsaylı siyasətçilər və şərhçilər bunun davam etməli olduğunu izah etdilər. Dragi o vaxtdan bəri "lazımlı şəxs" ifadəsi ilə yadda qaldı.

2013-cü ildən başlayaraq, çox riskli sövdələşmələr edən Monte dey Paski di Siena Bankı ətrafında baş verən qalmaqallar kontekstində Dragi tənqid edildi.[16]

Dragi Avropa Parlamentinin plenar iiclasında, 2019

2013-cü ilin aprelində Dragi Avrozonanın üzvlüyü ilə bağlı bir suala cavab olaraq dedi: "Bu suallar, avronun avropalılar üçün, avro bölgəsi üçün nə demək olduğunu çox aşağı qiymətləndirən insanlar tərəfindən hazırlanmışdır. Yatırılan siyasi sərmayəni çox aşağı qiymətləndirirlər." 2015-ci ildə Avropa Parlamenti qarşısında çıxış edən Dragi üzv ölkələr bir qədər müstəqillikdən imtina etmədikcə və daha çox Pan-Avropa hökumət qurumları yaratmadıqca Avrozonanın gələcəyinin risk altında olduğunu söylədi. Dragi "Həqiqi pul birliyi mərhələsinə hələ çatmamışıq" dedi. Avrozona ölkələrinin iqtisadiyyatlarını uyğunlaşdıra bilməməsi və daha güclü qurumlar yaratmaması, "əhəmiyyətli bir şokla qarşılaşdıqda pul birliyinin uzunmüddətli müvəffəqiyyətini riskə atacaq" dedi. 2015-ci ildə Dragi siyasi fikirlərinin liberal sosializmə aid olduğunu söylədi.[17]

31 oktyabr 2019-cu ildə AMB Prezidenti vəzifəsi başa çatdı və Beynəlxalq Valyuta Fondunun icraçı direktoru Kristin Laqard onun xələfi təyin edildi.[18]

Baş nazir fəaliyyəti

Hökumətin formalaşması
Dragi Kviniral sarayında Prezident Serco Mattarella ilə

2020-ci ilin dekabrından 2021-ci ilin yanvar ayına qədər İtaliyanın hakim koalisiyası daxilində gərginlik yarandı, Baş nazir Cüzeppe Konte və keçmiş Baş nazir Matteo Renzi İtaliyadakı COVID-19 pandemiyasının idarə edilməsi və dərin iqtisadi nəticələri ilə bağlı əks mövqe tutdu. Yanvarın 13-də Renzi Konte hökumətinin dağılmasına səbəb olan Nazirlər Kabinetinin partiyası "İtaliya Viva"dan istefa verdiyini açıqladı. Yanvarın 26-da siyasi partiyalarla günlərlə nəticələnməyən danışıqlardan sonra, Conte Baş nazir vəzifəsindən istefa verərək Prezident Mattarellaya müraciət etdi.[19]

2 fevral 2021-ci ildə partiyalar arasında namizədin təyin edilməsi üçün uğursuz məsləhətləşmələrdən sonra, Prezident Mattarella texnokratik hökumət qurma niyyəti ilə Dragini Kviniral sarayına çağıracağını bildirdi. Ertəsi günq Dragi yeni hökumət qurmağı qəbul etdi və partiya liderləri ilə məsləhətləşmələrə başladı. Dragi qısa müddətdə mərkəz-sol "Demokrat Partiyası", mərkəzçi "İtaliya Viva", solçu "Azad və Bərabər" və digər kiçik liberal və mərkəzçi partiyaların dəstəyini aldı. İlk gecikmədən sonra sağçı Liqanın lideri Matteo Salvini və sağ-mərkəz "Forza İtaliya" lideri Silvio Berluskoni birlikdə Dragini dəstəkləyəcəklərini açıqladılar. Nəhayət, fevralın 11-də "Beş Ulduz hərəkatı"nın üzvləri partiyanın Dragiyə dəstəyini təsdiqlədi, partiya üzvlərinin 59.3%-i yeni hökumətə qoşulmanın lehinə səs verdi.[20]

Dragi kabinetini elan edir

12 fevralda Dragi yuxarıda göstərilən bütün siyasi partiyaların nümayəndələri, o cümlədən 9 nazir və müstəqil texnokratlardan ibarət Nazirlər Kabinetinin üzvlərini açıqladı. Ertəsi gün Dragi Baş nazir olaraq and içdi. Draginin kabineti elan edildikdən sonra, bir çox xəbər məqalələrində milli birlik hökuməti olaraq təsvir edildi.[21]

17 fevralda Dragi 262 lehinə, 40 əleyhinə və 2 bitərəf səslə Senatda etimad səsi qazandı. Ertəsi gün 535 lehinə, 56 əleyhinə və 5 bitərəf səslə Deputatlar Palatasında bir daha etimad səsi qazandı. İtaliya Parlamentinin hər iki palatasında Baş nazir olaraq ilk çıxışı zamanı Dragi COVID-19 pandemiyasından sonra yaranan İtaliyanın İkinci Dünya Müharibəsindən sonrakı İtaliyaya bənzər yenidənqurma dövründən keçəcəyini və bunun baş verəcəyini söylədi. Hökumətinin güclü avropayönlü mövqe tutacağını vurğuladı və İtaliyanın Avrozonada qalmasının əhəmiyyətini də söylədi.[22]

13 mayda Draginin Baş nazir olduğu müddətdə illik 115.000 avro maaşından imtina edəcəyi açıqlandı.[23]

COVID-19 pandemiyası
Dragi ABŞ Nümayəndələr Palatasının sədri Nensi Pelosi ilə, oktyabr 2021

Baş nazir olduqdan qısa müddət sonra, xalqa müraciət edən Dragi COVID-19 pandemiyasından çıxış yolu planlaşdırmağın hökumətinin prioriteti olacağını ifadə etdi və 27 fevralda ölkənin pandemiyaya qarşı mübarizə bölmələrini yenidən təşkil etməyi vəd etdi. 1 martfat Mülki Müdafiə üzrə ölkə liderləri Ancelo Borrelli, Fabritsio Kurço və COVID-19 üzrə Fövqəladə Komissar Domeniko Arkuri ilə peyvənd kampaniyasını yenidən təşkil etmək və həyata keçirmək üçün görüşdü. Borrelli və Arkurinin hər ikisi keçmiş Baş nazir Cüzeppe Konte ilə yaxın dost idilər.[24]

Avropa Komissiyasının sədri Ursula von der Leyen ilə müzakirələrdən sonra Dragi İtaliyada istehsal olunan peyvəndlərin Avropa Birliyi əhalisinə paylanması üçün prioritet verildiyini təmin etməyi qəbul etdiyini açıqladı. Ertəsi gün Dragi əvvəlcə Avstraliyaya göndərilmək üçün nəzərdə tutulmuş 250.000 "Oxford–AstraZeneca" peyvəndinin qarşısını aldığı üçün beynəlxalq manşetlərə çıxdı. Bu, Avstraliyanın Baş naziri Skot Morison və Birləşmiş Krallığın Baş naziri Boris Conson tərəfindən sərt tənqidlərə səbəb oldu. Draginin qərarı Fransa Prezidenti Emmanüel Makron və digər Avropa liderləri tərəfindən yüksək qiymətləndirildi. Mart ayının ortalarında İtaliya hökuməti müalicə olunan bəzi İtaliya vətəndaşlarında qan laxtalanmasının baş verməsi xəbərlərindən sonra "Oxford–AstraZeneca" peyvəndinin istifadəsini dayandıracağını elan etdi, lakin peyvənd səbəbiylə ölüm hadisəsi bildirilmədi. 16 mart 2021 ci ildə Dragi Fransa Prezidenti Makronla "Astrazeneca" peyvəndinin istehsalının dayandırılması və 18 mart 2021-ci ildə qəti qərar verəcək Avropa Dərman Agentliyinin son qərarları ilə əlaqədar telefon danışığı etdi.[25]

15 mart 2021-ci ildə Dragi 2020-ci il karantin rejimindən fərqli olaraq, COVID-19-un yayılmasına cavab olaraq, əsas olmayan müəssisələrin bağlanması və səyahətlərinin məhdudlaşdırılması ilə İtaliyanı "tam kilidləmə" adlandırılan şərtlər qoydu. Karantin rejimi elan edən Dragi İtaliyanın peyvənd proqramını aprel ayında üç dəfə artırdı və gündəlik 500.000 insana peyvənd vurulduğu söylənildi. Draginin Baş nazir olaraq təsdiqləmə reytinqi rəy sorğularında 63%-lik yeni bir zirvəyə çatdı.[26]

Aprelin 16-da Səhiyyə Naziri Roberto Sperantsa ilə keçirdiyi mətbuat konfransı zamanı Dragi barların və restoranların yenidən açılmasına imkan verən məhdudiyyətlərin 26 apreldən yumşaldılacağını açıqladı və "gələcəyə ehtiyatlı nikbinlik və inamla baxmağın mümkün olduğunu söylədi".[27]

2021-ci ilin iyununda daha yoluxucu "SARS-CoV-2 Delta variantı" İtaliyada sürətlə yayılmağa başladı. Yeni variantların yayılmasının qarşısını almaq üçün hökumət 2021-ci ilin avqustunda "Yaşıl Keçid" olaraq da bilinən AB Rəqəmsal COVID Sertifikatının tələbini idman tədbirlərində və musiqi festivallarında iştirak etmək istəyənlərlə yanaşı, digər qapalı yerlərə getmək istəyən şəxslər üçün də genişləndirdi. 15 oktyabrda İtaliya dövlət və özəl sektorunda çalışan bütün işçi qüvvəsi üçün məcburi COVID-19 peyvəndi sertifikatı tələb edən ilk ölkə oldu.[28]

Daxili siyasəti

İyul və avqust aylarında Dragi işlərin həllinə ayrılan vaxtın miqdarını azaltmaq məqsədi ilə İtaliyanın cinayət və mülki ədalət sistemini yenidən qurma prosesinə rəhbərlik etdi. İslahat paketi İtaliya məhkəmə sistemindəki əksər işlərə tətbiq edilən iki müraciət səviyyəsindən birini ləğv etdi. İslahatlar siyasi sistemin İtaliyaya xarici investisiyanı qoymağa maneə törətdiyini əsas gətirərək uzun müddət bir neçə siyasi partiya tərəfindən müzakirə olundu. 3 Aaqust 2021-ci ildə Dragi səsverməni hökumətinə güvən məsələsi hesab edəcəyini açıqladıqdan sonra islahatlar paketi İtaliya Parlamentinndə qəbul edildi. Dragi məhkəmə islahatının keçilməsinin Avropa Birliyindən pandemiyadan sonrakı stimul fondlarına 200 milyard avro ayrılması ilə əlaqəli olacağını da açıqladı.[29]

Xarici siyasəti
Dragi, dünya liderləri və qonaqları Kornuollda G7 zirvəsində, iyun 2021

Baş nazir postunda çalışdığı ilk dövrlərdə Dragi İtaliyanın yaxın bölgələrdəki təsirini artırmaq üçün Aralıq dənizi, Şimali Afrika və Yaxın Şərqə yönəlmiş fəal xarici siyasət həyata keçirdi. 6 aprel 2021-ci ildə Dragi Baş nazir Əbdül Həmid Dəbibə ilə görüşdüyü ilk beynəlxalq səfərində Liviyanı ziyarət etdi və keçmiş İtaliya koloniyası olan ərəb ölkəsi ilə əlaqələri gücləndirmək istədiyini söylədi. Bu səfər vətəndaş müharibəsindən sonra Türkiyə və Misirin Liviya üzərindəki təsirini azaltmaq cəhdi olaraq izah edildi. Bir neçə gün sonra, Dragi Türkiyə Prezidenti Rəcəb Tayyib Ərdoğanı açıq şəkildə "diktator" adlandırdı və Avropa liderləri Ursula von der Leyen və Şarl Mişel ilə görüşdən sonra davranışına görə sərt şəkildə tənqid etdi. Bəyanat Türkiyə hökumətinin sərt reaksiyalarına səbəb olub. Türkiyənin Xarici İşlər Naziri Mövlud Çavuşoğlu İtaliya səfirini yanına çağıraraq Draginin sözlərini "qəbuledilməz populist ritorika" kimi xarakterizə etdi, Ərdoğan kabinetinin bir çox digər tanınmış üzvləri isə Dragiyə şiddətli mövqeyini bildirdilər. Lakin Dragi Avropa Xalq Partiyasının rəhbəri Manfred Veber də daxil olmaqla bir neçə Avropa lideri tərəfindən dəstəkləndi. 14 apreldə Ərdoğan Dragini "təyin edilmiş və seçilməmiş Baş nazir" olmaqda günahlandırdı və ifadəsini "kobud və sərt" olaraq xarakterizə etdi.[30]

2021-ci ilin iyununda Dragi Birləşmiş Krallığın Kornuoll şəhərində özünün ilk G7 zirvəsinə qatıldı. Görüş zamanı Dragi stimul xərcləmələrinə mənfi bazar reaksiyalarının qarşısını almaq üçün strategiya ilə bağlı müzakirələrə rəhbərlik etdi. Zirvə zamanı Dragi ABŞ Prezidenti Co Bayden ilə ikitərəfli görüş keçirdi. Dragi Avropa Birliyi ilə ABŞ arasındakı əlaqələri yaxşılaşdırdığını söyləyərək Baydenə öz təşəkkürlərini bildirdi.[31]

2021-ci ilin avqustunda Taliban qüvvələrinin Əfqanıstandan NATO qoşunlarını çıxarılmasının ardından İtaliya hökuməti Kabildən təxliyə edilməsində iştirak etdi. "Aquila Omnia" əməliyyatı çərçivəsində 5 minə yaxın əfqan İtaliya Silahlı Qüvvələri tərəfindən təxliyə edilərək İtaliyaya gətirildi.[32]

Nişanları

Milli nişanları

Xarici nişanları

Fəxri dərəcələri
  • İş idarəçiliyində üzrə fəxri usta (BU Triest İdarəetmə Məktəbi, 2004)[37]
  • Statistika üzrə fəxri fərman (Padua Universiteti, 2009)[38]
  • İş idarəçiliyi üzrə fəxri usta (Viçentsa, CUOA Fondu, 2010)[39]
  • Siyasət elmlər üzrə fəxri dərəcə (Qvido Karli Pulsuz Beynəlxalq Sosial Araşdırmalar Universiteti, 2013)[40]
  • Fəxri doktorluq (Təl-Əviv Universiteti, 2017)[41]
  • İqtisadiyyat üzrə fəxri doktor (Müqəddəs Anna Qabaqcıl Araşdırmalar Məktəbi, 2018)[42]
  • Hüquq üzrə fəxri dərəcə (Bolonya Universiteti, 2018)[43]
  • İqtisadiyyat üzrə fəxri dərəcə (Milan Katolik Universiteti, 2019)[44]

İstinadlar
  1. http://www.britannica.com/EBchecked/topic/1798502/Mario-Draghi.
  2. http://www.nndb.com/lists/496/000063307/.
  3. "Arxivlənmiş surət". 2022-03-19 tarixində arxivləşdirilib. İstifadə tarixi: 2021-10-17.
  4. "Arxivlənmiş surət". 2021-10-19 tarixində arxivləşdirilib. İstifadə tarixi: 2021-10-17.
  5. "Arxivlənmiş surət". 2021-02-13 tarixində arxivləşdirilib. İstifadə tarixi: 2021-10-17.
  6. "Arxivlənmiş surət". 2022-04-21 tarixində arxivləşdirilib. İstifadə tarixi: 2021-10-17.
  7. https://web.archive.org/web/20130223223329/http://dspace.mit.edu/bitstream/handle/1721.1/54263/04184143.pdf?sequence=1
  8. "Arxivlənmiş surət". 2021-10-22 tarixində arxivləşdirilib. İstifadə tarixi: 2021-10-20.
  9. "Arxivlənmiş surət". 2021-10-21 tarixində arxivləşdirilib. İstifadə tarixi: 2021-10-20.
  10. "Arxivlənmiş surət". 2021-10-20 tarixində arxivləşdirilib. İstifadə tarixi: 2021-10-17.
  11. "Arxivlənmiş surət". 2022-01-01 tarixində arxivləşdirilib. İstifadə tarixi: 2021-10-17.
  12. "Arxivlənmiş surət". 2021-10-17 tarixində arxivləşdirilib. İstifadə tarixi: 2021-10-17.
  13. "Arxivlənmiş surət". 2020-08-03 tarixində arxivləşdirilib. İstifadə tarixi: 2021-10-17.
  14. "Arxivlənmiş surət". 2011-06-27 tarixində arxivləşdirilib. İstifadə tarixi: 2021-10-19.
  15. "Arxivlənmiş surət". 2012-03-01 tarixində arxivləşdirilib. İstifadə tarixi: 2021-10-19.
  16. "Arxivlənmiş surət". 2014-12-02 tarixində arxivləşdirilib. İstifadə tarixi: 2021-10-19.
  17. "Arxivlənmiş surət". 2021-04-26 tarixində arxivləşdirilib. İstifadə tarixi: 2021-10-19.
  18. "Arxivlənmiş surət". 2019-12-27 tarixində arxivləşdirilib. İstifadə tarixi: 2021-10-19.
  19. "Arxivlənmiş surət". 2021-03-16 tarixində arxivləşdirilib. İstifadə tarixi: 2021-10-20.
  20. "Arxivlənmiş surət". 2021-02-13 tarixində arxivləşdirilib. İstifadə tarixi: 2021-10-20.
  21. "Arxivlənmiş surət". 2021-02-15 tarixində arxivləşdirilib. İstifadə tarixi: 2021-10-20.
  22. "Arxivlənmiş surət". 2021-10-21 tarixində arxivləşdirilib. İstifadə tarixi: 2021-10-20.
  23. "Arxivlənmiş surət". 2021-12-08 tarixində arxivləşdirilib. İstifadə tarixi: 2021-10-20.
  24. "Arxivlənmiş surət". 2021-12-21 tarixində arxivləşdirilib. İstifadə tarixi: 2021-10-20.
  25. "Arxivlənmiş surət". 2021-03-18 tarixində arxivləşdirilib. İstifadə tarixi: 2021-10-20.
  26. "Arxivlənmiş surət". 2021-03-19 tarixində arxivləşdirilib. İstifadə tarixi: 2021-10-20.
  27. "Arxivlənmiş surət". 2021-10-21 tarixində arxivləşdirilib. İstifadə tarixi: 2021-10-20.
  28. "Arxivlənmiş surət". 2022-01-07 tarixində arxivləşdirilib. İstifadə tarixi: 2021-10-20.
  29. "Arxivlənmiş surət". 2021-10-22 tarixində arxivləşdirilib. İstifadə tarixi: 2021-10-20.
  30. "Arxivlənmiş surət". 2021-10-22 tarixində arxivləşdirilib. İstifadə tarixi: 2021-10-20.
  31. "Arxivlənmiş surət". 2021-05-03 tarixində arxivləşdirilib. İstifadə tarixi: 2021-10-20.
  32. "Arxivlənmiş surət". 2021-10-22 tarixində arxivləşdirilib. İstifadə tarixi: 2021-10-20.
  33. "Arxivlənmiş surət". 2016-03-04 tarixində arxivləşdirilib. İstifadə tarixi: 2021-10-20.
  34. "Arxivlənmiş surət". 2012-01-15 tarixində arxivləşdirilib. İstifadə tarixi: 2021-10-20.
  35. "Arxivlənmiş surət". 2011-02-24 tarixində arxivləşdirilib. İstifadə tarixi: 2021-10-20.
  36. "Arxivlənmiş surət". 2021-02-25 tarixində arxivləşdirilib. İstifadə tarixi: 2021-10-20.
  37. "Arxivlənmiş surət". 2021-10-20 tarixində arxivləşdirilib. İstifadə tarixi: 2021-10-20.
  38. https://web.archive.org/web/20110813235147/http://www.bancaditalia.it/media/notizie/181209
  39. https://web.archive.org/web/20120329043705/http://www.cuoa.it/myfactory31/CMS/CMS.aspx?ClientID=wf610014470668080682&SiteID=0&GroupID=104&Language=I
  40. http://sog.luiss.it/news/2013/05/06/laurea-honoris-causa-mario-draghi
  41. "Arxivlənmiş surət". 2019-11-16 tarixində arxivləşdirilib. İstifadə tarixi: 2021-10-20.
  42. "Arxivlənmiş surət". 2019-04-02 tarixində arxivləşdirilib. İstifadə tarixi: 2021-10-20.
  43. "Arxivlənmiş surət". 2019-02-23 tarixində arxivləşdirilib. İstifadə tarixi: 2021-10-20.
  44. "Arxivlənmiş surət". 2019-10-12 tarixində arxivləşdirilib. İstifadə tarixi: 2021-10-20.

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.