Məmməd Abbasov

Məmməd Abbasov
Məmməd Abbasov
Naxçıvan Muxtar Respublikası Baş nazirinin müavini — kənd təsərrüfatı naziri
	2003 – 4 fevral 2013
Baş nazir	Əlövsət Baxşıyev
Naxçıvan Muxtar Respublikası Baş nazirinin birinci müavini
	1991 – 2003
Baş nazir	Şəmsəddin Xanbabayev; Əlövsət Baxşıyev
Azərbaycan Kommunist Partiyası İliç (Şərur) Rayon Komitəsinin birinci katibi
	1988 – 1991
Şəxsi məlumatlar
Doğum tarixi	10 avqust 1950 (73 yaş)
Doğum yeri	Çərçiboğan, Noraşen rayonu, Naxçıvan MSSR, Azərbaycan SSR, SSRİ;
Partiya	Sovet İttifaqı Kommunist Partiyası (–1991);
Təhsili	Azərbaycan Xalq Təsərrüfatı İnstitutu (–1973);
Təltifləri

Məmməd Cəfərqulu oğlu Abbasov (10 avqust 1950, Çərçiboğan, Noraşen rayonu) — Azərbaycan dövlət xadimi, Naxçıvan Muxtar Respublikası Baş nazirinin birinci müavini (1991–2003), Naxçıvan MR Baş nazirinin müavini — kənd təsərrüfatı naziri (2003–2013).

Fəaliyyəti

Məmməd Cəfərqulu oğlu Abbasov 10 avqust 1950-ci ildə hazırkı Naxçıvan Muxtar Respublikası Şərur rayonunun Çərçiboğan kəndində anadan olmuşdur. 1973-cü ildə Azərbaycan Xalq Təsərrüfatı İnstitutunu bitirmişdir. 1979-cu ildən Çərçiboğan kolxozunda baş iqtisadçı, M. Hüseynzadə adına kolxozda sədr, 1981-ci ildən isə Naxçıvan MSSR Nazirlər Sovetində Kənd təsərrüfatı şöbəsinin müdiri işləmişdir.[1]

1982-ci ildə partiya işinə keçərək Azərbaycan Kommunist Partiyası Naxçıvan Vilayət Komitəsində şöbə müdiri, 1985-ci ildən Azərbaycan KP Mərkəzi Komitəsinin Təşkilat-partiya işi şöbəsində inspektor, 1988-ci ildən Azərbaycan KP İliç (Şərur) Rayon Komitəsinin birinci katibi vəzifələrində çalışmışdır. 1991-ci ildə Naxçıvan Muxtar Respublikası Baş nazirinin birinci müavini təyin edilmişdir.[1] Sonralar Naxçıvan MR Baş nazirinin müavini — kənd təsərrüfatı naziri işləmiş, 4 fevral 2013-cü ildə vəzifəsindən azad olunmuşdur.[2]

Məmməd Abbasov XI çağırış Naxçıvan MSSR Ali Sovetinin, XII çağırış Azərbaycan Ali Sovetinin, I çağırış Naxçıvan Muxtar Respublikası Ali Məclisinin deputatı seçilmişdir. 29 avqust 1991-ci ildə və 5 mart 1992-ci ildə Azərbaycan Respublikası Ali Soveti fövqəladə sessiyalarında redaksiya komissiyası tərkibinə daxil edilmişdir.[3][4]

İstinadlar

Abbasov Məmməd Cəfərqulu oğlu // Azərbaycanda kim kimdir? (Ensiklopedik sorğu kitabı). Müəllif və tərtibçi: Tariyel Cahangir. Bakı: "Çıraq" nəşriyyatı. 2004. S. 77.
"M.C.Abbasovun Naxçıvan Muxtar Respublikası Baş nazirinin müavini-kənd təsərrüfatı naziri vəzifəsindən azad edilməsi haqqında Naxçıvan Muxtar Respublikası Ali Məclisi Sədrinin Fərmanı". Şərq qapısı. 2013-02-04. İstifadə tarixi: 2024-02-15.
"Azərbaycan Respublikası Ali Soveti növbədənkənar sessiyasının Redaksiya komissiyasının seçilməsi haqqında". e-qanun.az. 1991-08-29. 2024-02-15 tarixində arxivləşdirilib. İstifadə tarixi: 2024-02-15.
"Azərbaycan Respublikası Ali Soveti fövqəladə sessiyası redaksiya komissiyasının seçilməsi haqqında Azərbaycan Respublikası Ali Sovetinin Qərarı". e-qanun.az. 1992-03-05. 2024-02-15 tarixində arxivləşdirilib. İstifadə tarixi: 2024-02-15.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[akk2004-1] Abbasov Məmməd Cəfərqulu oğlu // Azərbaycanda kim kimdir? (Ensiklopedik sorğu kitabı). Müəllif və tərtibçi: Tariyel Cahangir. Bakı: "Çıraq" nəşriyyatı. 2004. S. 77.

[2] "M.C.Abbasovun Naxçıvan Muxtar Respublikası Baş nazirinin müavini-kənd təsərrüfatı naziri vəzifəsindən azad edilməsi haqqında Naxçıvan Muxtar Respublikası Ali Məclisi Sədrinin Fərmanı". Şərq qapısı. 2013-02-04. İstifadə tarixi: 2024-02-15.

[3] "Azərbaycan Respublikası Ali Soveti növbədənkənar sessiyasının Redaksiya komissiyasının seçilməsi haqqında". e-qanun.az. 1991-08-29. 2024-02-15 tarixində arxivləşdirilib. İstifadə tarixi: 2024-02-15.

[4] "Azərbaycan Respublikası Ali Soveti fövqəladə sessiyası redaksiya komissiyasının seçilməsi haqqında Azərbaycan Respublikası Ali Sovetinin Qərarı". e-qanun.az. 1992-03-05. 2024-02-15 tarixində arxivləşdirilib. İstifadə tarixi: 2024-02-15.