Mədihə Sultan

Mədihə Sultan 1856-cı ildə Dolmabağça sarayında dünyaya gəlmişdir. Atası Sultan Əbdülməcid, anası isə onun xanımlarından Gülüstü xanım idi. Sultan Mehmed Vahidəddinin doğma, Sultan Murad, Sultan Əbdülhəmid və Sultan Mehmed Rəşadın isə ögey bacısı idi. Anasının vəfatından sonra atasının digər xanımı Verdicanan xanım tərəfindən böyüdüldü. Sarayda olduqca dəbdəbəli həyat yaşadı. Avropasayağı geyimiylə hər kəsdən fərqlənirdi. İri qara gözləri və parlaq dərisiylə atası Sultan Əbdülməcidə ən çox bənzəyən övladı idi. Bacısı Səniha Sultan kimi o da, gülərüz və xoş xasiyyət biri idi.

Gənc Mədihə Sultan Əbdürrəhman Sami bəyin oğlu Nəcib bəyi sevsə də, dövrün Osmanlı padşahı Sultan Əbdülhəmid bu nigaha qarşı çıxdı. Səbəb isə Sami bəyin ailəsinin Əli Suavi ilə yaxın olması idi. Bu səbəblə Nəcib bəy dərhal Parisə göndərildi. Ancaq Verdicanan xanımın və Rahimə Pirüstü xanımın vasitəçiliyi ilə Nəcib bəy geri çağırıldı və paşa ünvanı aldı. 22 yanvar 1879-cu ildə nişanlanan cütlüyün toy mərasimi 8 iyun tarixində Ulduz sarayında baş tutdu. Bu evlilikdən, sonralar Sultan Əbdülhəmidin şəxsi yavəri olan Sultanzadə Sami bəy adlı bir oğlu dünyaya gəldi.

Nəcib Paşanın vəfatından sonra 1885-ci ildə Sultan Əbdülhəmid bacısını Fərid Paşa ilə nişanladı. Evlilik 30 aprel 1886-cı ildə baş tutdu. Bu nigahdan övladı olmadı. 1899-cu ildə Almaniya kralı II Vilhelmin arvadı Auqusta Viktoriya ilə görüşdü. Ərinin Milli azadlıq hərəkatına qarşı yürütdüyü siyasət səbəbilə, Böyük hücumun sonunda 21 sentyabr 1922-ci ildə əriylə birlikdə ölkəni tərk etdi və Fransanın Nitsa şəhərində məskunlaşdı. Hər ikisi də burada dəfn olundu.

Mədihə Sultanın ilk nigahından Sami bəy (d. 5 aprel 1880 - ö. 15 avqust 1961) adlı bir oğlu dünyaya gəlmişdir. Sami bəyin şəcərəsi isə aşağıdakı kimidir:

• Peyvəstə Dövlətxan xanım (d. 4 fevral 1886 - ö. 13 mart 1963) — 5 may 1903-cü ildə evləndilər. 6 övladı oldu.
  • Sultanzadə Bahəddin Sami (d. 7 may 1905 - ö. 16 avqust 1997)
  • Sultanzadə Rüknəddin Sami (d. 6 iyul 1906 - ö. 20 fevral 1979)
  • Xədicə Sami xanım Sultan (d. 24 noyabr 1908 - ö. 18 iyul 1967)
  • Sultanzadə Ömər Fəthi Sami (d. 7 fevral 1909) — 5 may 1939-cu ildə Mariya Andrey Süe ilə evləndi və 1 qızı oldu. Nigahı dövrün Osmanlı ailə rəisi olan Əbdülməcid Əfəndi bağlamışdır.
    • Leyla Mədihə Sami (d. 5 oktyabr 1955, London) — 7 yanvar 1983-cü ildə Andrey Paul Beggin ilə evləndi və 1 oğlu oldu.
      • Henri Orxan Sami Beggin (d. 21 sentyabr 1991)
  • Sultanzadə Məhəmməd Xeyri Sami (d. 1910 - ö. 1911)
  • Sultanzadə Kamran Sami (d. 17 yanvar 1912 - ö. 15 mart 1999)
• Firdövs xanım
  • Sultanzadə Sahib Sami (d. 10 sentyabr 1907 - ö. 30 dekabr 1982)
• Nafiyə Dilnigar xanım (d. 1900 - ö. 22 iyun 1940) — 1924-cü ilin noyabrında evləndilər. 1 övladı oldu.
  • Sultanzadə Mahmud Sami (d. 22 iyul 1925, Genuya) — 30 mart 1951-ci ildə Eva Marqarita ilə evləndi və 3 övladı oldu.
    • Mustafa Rəşid Sami (d. 12 noyabr 1952) — 26 mart 1977-ci ildə Suzanna Ray ilə evləndi və 1 övladı oldu.
      • Zoe-Jo Sami (d. 23 aprel 1994)
    • Əkrəm Əbdürrəhman Sami (d. 2 sentyabr 1954) — 22 avqust 1991-ci ildə Suzanna Groves ilə evləndi və 2 övladı oldu.
      • Rebekka Anna Sami (d. 7 dekabr 1982)
      • Ömər Ryan Sami (d. 2 aprel 1993)
    • Katarina Mələk Sami (d. 28 yanvar 1960) — 8 may 1993-cü ildə Riçard Levis ilə evləndi və 2 övladı oldu.
      • İndia Holy Samy-Levis (d. 29 dekabr 1998)
      • Anuçka Sami-Levis (d. 16 iyun 2000)

• Fanny Davis (1986). The Ottoman Lady: A Social History from 1718 to 1918. Greenwood Publishing Group. p. 12. ISBN 978-0-313-24811-5
• The Concubine, the Princess, and the Teacher: Voices from the Ottoman Harem. University of Texas Press. 2010. ISBN 978-0-292-78335-5
• Sakaoğlu, Necdet (2008). Bu mülkün kadın sultanları: Vâlide sultanlar, hâtunlar, hasekiler, kadınefendiler, sultanefendiler. Oğlak Yayıncılık. ISBN 978-9-753-29623-6
• Mustafa Çağatay Uluçay (2011). Padişahların kadınları ve kızları. Ankara, Ötüken