Müsahib Mustafa Paşa

Müsahib Mustafa Paşa (ö. sentyabr 1686) — IV Mehmed səltənətində müxtəlif vəzifələrdə xidmət edən Osmanlı dövlət xadimi, kaptan-ı dəryası.[1]

Müsahib Mustafa Paşa
20 dekabr 1683 – dekabr 1685
ƏvvəlkiYozğadlı Mustafa Paşa
SonrakıMisirli İbrahim Paşa
Şəxsi məlumatlar
Doğum tarixi 1640
Vəfat tarixi
Vəfat yeri
Dəfn yeri
Fəaliyyəti siyasətçi
Atası şair Süleyman ağa
Həyat yoldaşı Xədicə Sultan
Uşaqları Sultanzadə Mehmed bəy
Sultanzadə Həsən bəy
Rütbəsi Admiral

Həyatı

Şair Süleyman ağanın oğludur. Əndəruna alınaraq burada tərbiyə edilmiş, ardından qapı ağası, 1663-cü ildə isə padşah müsahibliyinə gətirilmişdir. 1666-cı ilin avqustunda vəzir rütbəsi alaraq divanın ikinci vəziri oldu.

Bu vəzifədə ikən 1675-ci ildə Sultan Mehmedin qızlarından Xədicə Sultanla nigahlandı. Toy mərasimi kiçik qardaşı Şahzadə Əhmədin sünnət mərasimi ilə birlikdə keçirildi. Ədirnədə 14 gün boyunca davam edən bu toy mərasimi o qədər təntənəli keçmişdi ki, Xədicə Sultanın cehizi 86 qatırla daşınmışdı. 11 il davam edən bu evlilikdən Sultanzadə Mehmed Bəy, 7 yaşında vəfat edən Həsən Bəy və kiçik yaşlarında vəfat edən digər övladları dünyaya gəldi.

1683-cü ilin dekabrında padşah müsahibliyindən alınaraq kaptan-ı dərya təyin edildi. Bu vəzifəylə birlikdə 1684-cü ilin dekabrında Mora sərdarı, 1685-ci ilin dekabrında isə Boğazların mühafizəsi ilə vəzifələndirildi. 1686-cı ilin oktyabrında vəfat etdi. Böyük oğlu Sultanzadə Mehmed bəy də özü kimi Əndərunda tərbiyə almışdır.

Mənbə
  • Mustafa Çağatay Uluçay, Padişahların kadınları ve kızları (5 bas.), 2011 Ankara: Ötüken. ISBN 9789754378405.

İstinadlar
  1. Sicill-i Osmani IV, səh. 177
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.