Maksimoviç doqquzdonu
Maksimoviç doqquzdonu (lat. Lonicera maximowiczii) — bitkilər aləminin fırçaotuçiçəklilər dəstəsinin doqquzdonkimilər fəsiləsinin doqquzdon cinsinə aid bitki növü.
| Maksimoviç doqquzdonu | ||||||||||
|---|---|---|---|---|---|---|---|---|---|---|
 | ||||||||||
| Elmi təsnifat | ||||||||||
|
Domen: Klad: Ranqsız: Aləm: Klad: Streptophyta Klad: Embryophytes Klad: Polysporangiophytes Klad: Tracheophytes Klad: Klad: Klad: Eudicots Klad: Core eudicots Klad: Superasterids Klad: Klad: Campanulids Dəstə: Fəsilə: Yarımfəsilə: Caprifolioideae Cins: Növ: Maksimoviç doqquzdonu |
||||||||||
| Beynəlxalq elmi adı | ||||||||||
| ||||||||||
Təbii yayılması
Uzaq Şərqdə, Koreyada, Çində yayılmışdır. Maksimoviç doqquzdonu növü Rusiya botaniki, Sankt-Peterburqda İmperator Elmlər akademiyasının akademiki, Uzaq Şərq və Yaponiya florasının tədqiqatçısı Karl İvanoviç Maksimoviçin (1827-1891) şərəfinə adlandırılmışdır.
Botaniki təsviri
Hündürlüyü 3 m-dək olan, yarpağı tökülən, şaxələnmiş, çoxbudaqlı koldur. Qoca zoğların qabığı açıq-boz, cavan zoğların qabığı yaşıl və ya bənövşəyi olub, tükcüksüzdür. Yarpaqları ellipsvarı və ya uzunsov-yumurtavarı, uzunluğu 3-7 sm, tünd-yaşıl, qısa saplaqlı, kənarları tükcüklüdür. 4-5 yaşından başlayaraq mayın ikinci yarısından iyunun əvvələrinə qədər çiçəkləyir. Çiçəkləri bənövşəyi-qırmızıdır, 13 mm-dək uzunluqda, yarpaqların qoltuqlarında cüt yerləşir və hər cüt öz yarpağı altında gizlənmişdir. Tez böyüyür. Vegetasiya aprelin birinci yarısından başlayıb, oktyabrın axırlarınadək davam edir. 5-7 yaşından hər il bol meyvə verir. Meyvələri iyulun ikinci yarısında yetişir, yumurtavarı, parlaq qırmızı rəngli bünövrələri ilə cüt birləşmiş olur.
Ekologiyası
Qışadavamlıdır.
Azərbaycanda yayılması
Mədəni şəraitdə Abşeronda, Zaqatalada, Balakəndə, Lənkəranda rast gəlinir. Qoruqlarda mühafizə edilir.
İstifadəsi
Çiçəkləri, meyvələri və parlaq yaşıl yarpaqları çox dekorativdir. Qrup əkinləri, canlı çəpərlər kimi əkilməsi məsləhət görülür.