Lev Əsgərov

Əsgərov Lev Mabudoviç (1 sentyabr 1940 və ya 1 oktyabr 1942, Artyom – 30 aprel 2023[1], Bakı) — nasir, publisist, 2000-ci ildən Azərbaycan Yazıçılar Birliyinin üzvü.[mənbə göstərin]

Lev Əsgərov
Lev Mabudoviç Əsgərov
Doğum tarixi 1 sentyabr 1940(1940-09-01) və ya 1 oktyabr 1942(1942-10-01)
Doğum yeri
Vəfat tarixi 30 aprel 2023(2023-04-30)[1]
Vəfat yeri
Vətəndaşlığı
Təhsili
Fəaliyyəti yazıçı, jurnalist, redaktor
Fəaliyyət illəri 1967-ci ildən
Əsərlərinin dili rus dili
Üzvlüyü

Həyatı

Lev Əsgərov 1942-ci il oktyabrın 1-də Bakı yaxınlığındakı Artyom qəsəbəsində anadan olmuşdur. Burada orta məktəbi bitirdikdən sonra neft sənayesində fəhləlik etmişdir. Ordu sıralarında hərbi xidmətdə olmuşdur (1959–1962). İlk yazıları "Sovetskiy voin" jurnalında və "Za rodinu" qəzetində çıxmışdır. Ordudan tərxis edilib Kazan Dövlət Universitetinin jurnalistika fakültəsində təhsil almışdır (1962–1967). "Bakinskiy raboçiy", "Trud" qəzetlərinin xüsusi müxbiri (1967–1973), Krasnovodski vilayət partiya komitəsinin birinci katibinin köməkçisi (1973–1975), Bakı Radio zavodunun "İmpuls" qəzetinin redaktoru, Ümumittifaq müəllifləri hüquq cəmiyyətinin respublika şöbəsinin rəis müavini (1976–1982), Azərbaycan Respublikası kitabsevərlər cəmiyyətinin məsul katibi (1982–1985), Dostluq Cəmiyyətində "Sovet Azərbaycanı" jurnalının baş redaktoru (1987-ci ildən) olmuşdur. Rus dilində yazıb-yaradır, hekayə, povest və məqalələri dövri mətbuatda dərc olunmuşdur. "Mavi dirəklər" (1973), "Zapiski" (1981), "Xüsusi əlaməti yoxdur" (1986) kitablarında oçerk, hekayə və povestləri toplanmışdır.[2]

Lev Əsgərov 30 aprel 2023-cü ildə dünyasını dəyişmişdir.[3]

Kitabları
  • Голубые вёрсты: Рассказы и очерки. Баку, Гянджлик, 1973
  • Записки чекиста: Повесть. Баку, Язычы, 1981
  • Особых примет не имеют: Повести и рассказы. Баку, Язычы, 1986
  • Возвращение: Док. повесть об Александре Стопани. Казань, 1989
  • Человек с того света: Роман. Баку, Азернешр, 1990
  • Смерть Аттилы: Повести и рассказы. Баку, "Абилов, Зейналов и сыновья", 1998
  • К вопросу вопросов. Баку, "Абилов, Зейналов и сыновья", 1999
  • Месть невидимки: Роман. Баку, 2001
  • Приговорённые: Роман. Баку, "Абилов, Зейналов и сыновья", 2002
  • С миссией в ад: Роман и драма. Баку, "Абилов, Зейналов и сыновья", 2003

İstinadlar
  1. https://news.milli.az/society/1120220.html.
  2. Аскеров, Лев Мабудович // Большая биографическая энциклопедия. 2009.
  3. "Ermənilərin təhdid etdiyi Lev Əsgərov vəfat etdi". 2023-05-04 tarixində arxivləşdirilib. İstifadə tarixi: 2023-05-04.

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.