Lal yuxu (teleserial, 2017)

Əsərdə iki qadın eyni vaxtda doğum evinə gəlir. Xanımlardan birinin doğuş üstə oğlu ölür, amma ikinci xanım əkiz oğlanlar dünyaya gətirir. Birinci xanım dəfələrlə bu faciə ilə üzləşir və bu dəfə bu ağrıya dözməyib öz həkimi baldızı olduğundan istifadə edib uşaqların dəyişməsini tələb edir. Çox tərəddüd etdikdən sonra həkim uşaqları dəyişir.

Yazılmış bu əsər hələ uşaqlıq vaxtlarından atanın zəhmliyindən danışmaq qabiliyyətini itirmiş lal qızın həyatından bəhs edir. Hələ uşaqlıq vaxtlarından rəsm çəkməyə böyük istedada malik olan bu qız təbiətcə çox sakit və fağır olur. Yetkin yaşlarına çatanda, var dövlətə baxmayaraq, Aylin çox sadə geyimə üstünlük verir və kosmetikadan istifadə eləmir. Bir gün yaxın rəfiqəsi Nilufər, Aylini özüylə oxuduğu kollejdəki rəfiqəsinin ad gününə aparır. Orada Ayxan adında bir cavan oğlana ilk baxışdan aşiq olur. Sevdiyi insana və onun sevgisinə inanmış Aylin, daha sonralar onun sevgisini lağa qoymasını anlayıb xəstəliyə duçar olur.

Aylinin anası doguş zamanı dünyasını dəyişir və buna görə də atasının sevgisini qazana bilmir. Atası Süleyman həyatından çox sevdiyi həyat yoldaşının ölümündə Aylini günahkar bilir. Təbiətcə çox yumşaq və rəhimli olmasına baxmayaraq öz insanı keyfiyyətlərini qızına göstərə bilməmişdir. Uzun illər boyu böyük bir iş adamı olduğundan ona dəyərincə zaman ayırmadığına görə, Aylin onu sevmədiyini zənn edir. Lakin zaman hər bir ağır abu havanı aradan qaldırır. Atası, Aylinin ölüm ayağında olduğu məqamda onu nə qədər çox sevdiyini anlayır, sanki dərin bir yuxudan ayılmış olur. Yeganə balasını ölümdən qurtarmaq üçün ona sevdiyini söyləyir. Ancaq ölüm Aylindən vaz keçsə belə, o təkliyə qapanıb və yalnız öz rəsm əsərlərində təskinlik tapır. Onu uşaqlıqdan tərbiyyə edən dayəsi, təbii ki, anasını əvəz etməsə də, onu bir qızı kimi çox istəyir və nakam məhəbbət yaşadığına görə ona dayaq olmağa çalışır. Bir müddət keçdikdən sonra atası Aylini depressiyadan çıxartmaq üçün onu dayəsi ilə birlikdə Almaniyada yaşayan Tamerlan adlı uşaqlıq dostunun yanına göndərir. Tamerlan baş həkim olduğu xəstəxanada Aylin müayinə olunur və onun oğlu Amirlə tanış olur. Bir müddət sonra Amir ona ilk baxışdan vurulduğunu söyləyir və evlənmək təklifi edir. Aylin qüsurlu olduğuna görə onun sevgisini rədd edir, lakin Amir onun sevgisini qazanmaq üçün səbirlə onunla davranır. Amirin kiçik bacısı Ayan Aylinə bu zamanlar çox böyük dəstək olur. Stilist və modelyer kimi fəaliyyət göstərən Ayan Aylinin görkəmini tam dəyişir. Onun üzərində çalışır və ona ən son dəbdə olan geyimlər tikir. Zaman keçdikcə Aylin də Amiri sevməyə başlayır, amma ona öz ürəyini açmır. Amir isə sevildiyini hiss edir. Günlərin bir günü gözlənilməz bir hadisə baş verir. Bunun səbəbkarı isə Amir olur. Qorxunu yalnız qorxu ilə çıxaracağını hələ uşaqlıq vaxtlarında atasından bir örnək kimi yadda saxlayır və bu üsulu Aylinin üzərində keçirir. Ona özünü hündür bir körpünün üstündən atacağını söylədiyi an Aylinin qorxudan dili açılır. Əsər boyu Aylini eyni yuxu tərk etmir. Yuxularında həmişə Amirin simasını görür və hər zaman onunla olduğunu, onu tərk etməyəcəyini deyir. Aylini bu yuxu narahat etməyə başlayır, amma yuxunu Amirə hər danışdığında, Amir onu sakit etməyə çalışır.Buna baxmayaraq Aylin sakit ola bilmir. Bir müddət keçdikdən sonra onlar birlikdə Bakiya qayıdır. Aylin qayıtdıqdan sonra təsadüfən Ayxanla rastlaşır. Ayxan onu təbii ki, tanımır və onunla tanış olmağa cəhd göstərir. Ona həqiqətən də aşiq olur. Ayxan Aylinlə görüşməyə can atır. Onu sevdiyini söyləyir. Aylinin qəlbində hələ də keçmiş sevginin yarası ona rahatlıq vermir və Ayxandan qisasını almaq qərarına gəlir, amma nəticəni sonadək əldə edə bilmir. Bir müddət keçdikdən sonra Ayxan Aylinin əslində kim olduğunu öyrənir. Bir gün Ayxan Aylini Amirlə görür və onunla nişanlanmağa hazırlaşdığını öyrənir və ilan zəhərini buraxdığı kimi öz zəhərini buraxıb Amirdən onu ayırmağa çalışır. Ancaq fələyin küləyi Aylinin başında bu dəfə amansızcasına əsəcəyini heç ağlına belə gətirmir.

Aylinin bu sevgisi çox çəkmir. Sanki fələk fərman vermiş onun acı taleyinə. Amirin vaxtsız ölümü onu əsəb və ruhi posulmasına düçar olmağa vadar edir. Əvvəldə bəhz etdiyimiz əkiz qardaşların biri elə Amir olur. Lakin əkiz tayı Aylinin taleyində nə kimi rol oynayacağını kimsə bilmir.

• Oksana Rəsulova
• Şəhriyar Əbilov
• Vidadi Həsənov
• Türkay Cəfərli
• Emil Bədəlov
• Təranə Əliyeva
• Xumar Səlimova
• Dilarə Nəzərova
• Mehriban Xanlarova
• Mirzəağa Mirzəyev
• Rüstəm Rüstəmov
• Almaz Amanova
• Əjdər Zeynalov
• İlyas Əhməd
• İlhan Özbay
• Vüsalə Tağıyeva
• Sevinc Əliyeva
• Əliqulu Səmədov
• Namiq Ağayev
• Rəna Jiqkayeva
• Əbdülqəni Əliyev
• Gülnarə Abdullayeva
• Gülər Nəbiyeva
• Leyli Vəliyeva
• Cavid Sarıbalayev
• Aysel Hümbətova
• Pərvin Həsənli
• Vüqar Nəcəfov
• Ramil Əliyev
• Safiq Məmmədov
• Şahin Mehbalıyev
• Aytən Musayeva
• Xanış Məmmədov
• Gülyaz Məmmədova
• Cahan Nuriyeva
• Heyran Abdullayeva
• Nura Babayeva
• Zaur Kərimoğlu
• Vüqar Məmmədəliyev
• Türkan Sadıqzadə
• Günay Bəndəliyeva
• İsmayıl Bağırov
• Kənan Əliyev
• Yuriy Omelçenko
• Rüfət Şafiulov
• Onur Efe
• Abdulla Kandırmaz
• Faiq Rüstəmov
• İrfan Özdəmir
• Xanım Abbasova
• Aytən Nəsirova
• Əlvanə Səfərova
• İlkər Ərsan
• Nizər Məmmədov
• Faruk Özmən

• Daxili İşlər Nazirliyi
• Səhiyyə Nazirliyi
• Mədəniyyət və Turizm Nazirliyi
• Bakı şəhər Baş Polis İdarəsi
• Mərkəzi Dəmiryol Xəstəxanası
• Azərbaycan Hava Yolları
• Azərbaycan Dövlət Rəssamlıq Akademiyası
• Mərkəzi Nəbatat Bağı
• 3 saylı Respublika Xüsusi İnternat Məktəbi