Kristina Bauer

Voleybolçunun həvəskar karyerası Fransanın iki fəqli klubunda keçmişdir. 2004-cü ildə (16 yaşında) ASPTT Mulhouse komandası ilə peşəkar karyerasında ilk addımını atan Kristina bu klubda ulduzlaşmağa başlamışdı. Öz şəxsi irəliləyişinə baxmayaraq voleybolçu bu klubda altı il boyunca Fransa çempionatını qazana bilməmişdi. Bunun səbəbkarı isə Kann komandası idi. Belə ki, bu klub Fransa voleybolunda böyük hegomoniyaya sahibdir.

2007-ci ildə Fransa komandası ilə birlikdə Voleybol üzrə qadınlararası Avropa çempionatına aparılan heyətdə yer almışdı. 2010-cu ildə nəhayət Milhauzu tərk edərək İtaliyaya getmişdi. Burada yerli Yamamay Busto Arsizio komandası ilə anlaşaraq karyerasındakı ən güclü liqada iştirak edə bilmişdi. Söhbət İtaliya Qadınlar Voleybol Çempionatından gedir. 2011-ci ildə bu turnirdə qalib olaraq ilk kubokunu qaznamışdı. Həmin il İtaliya Kubokunu da qazanan Yamamayın əsas oyunçularından biri də Kristina Bauer idi. Bauer mövsümün sonunda İtaliya superkubokunda da qızıl medalı boynundan asmışdı.

2013-cü ildə Fənərbaxça ilə razılıq əldə edən voleybolçu burada klubla bir illik müqavilə imzalamışdı.[1] O, İstanbul komandası ilə birlikdə 2013-14 mövsümünün sonunda CEV Kubokunu qaldırmışdı.[2] Bu voleybolçunun ikinci belə uğuru idi. Belə ki, o, daha öncə Yamamayla da bu uğuru qazanmışdı. 2014-cü ildə Fənərbaxça ilə yaşadığı uğurlu mövsümü nəzərə alaraq klub olan müqaviləsini 2015-ci ilə qədər uzatmışdır.[3]

1. SARI MELEKLER’E YENİ TRANSFER Arxivləşdirilib 2016-03-04 at the Wayback Machine  (türk.)
2. F.BAHÇE'DEN 1 GÜNDE 2 AVRUPA ŞAMPİYONLUĞU! Arxivləşdirilib 2016-03-04 at the Wayback Machine  (türk.)
3. Christina Bauer 1 yıl daha Fenerbahçe’de Arxivləşdirilib 2016-03-05 at the Wayback Machine  (türk.)