Kosovo Futbol Federasiyası

Kosovo Futbol Federasiyası (alb. Federata e Futbollit e Kosovës, serb. Fudbalski savez Kosova (FSK) / Фудбалски савез Косова (ФСК)) və ya qısaca KFF — Kosovoda futbola nəzarət edən rəsmi qurum. Baş ofisi paytaxtda – Priştina şəhərində yerləşir. Federasiyaya Fadil Vokri rəhbərlik edirdi.

Kosovo Futbol Federasiyası
UEFA
Yarannma tarixi 1946
UEFA üzvlüyü 3 may 2016
Vebsayt ffk-kosova.com

Tarixi

Kosovo Futbol Federasiyasının yaranma tarixi 1946-cı ildən başlayır.

UEFA-ya üzvlük

2016-cı il may ayının 3-də Macarıstanın paytaxtı Budapeştdə quruma üzv olan bütün milli assosiasiyaların iştirakı ilə keçirilmiş UEFA-nın 40-cı Növbəti Konqresində Kosovonun UEFA-ya üzvlüyü müzakirə edilib. Səsvermədə 54 səsdən Kosovonun üzvlüyü lehinə 28, əleyhinə 24 səs verilib; 2 bülleten isə etibarsız sayılıb[1]. Səsvermdən sonra Kosovo UEFA-ya daxil olan 55-ci ölkə kimi tanınmışdır.[2][3]

FİFA-ya üzvlük

UEFA-dan sonra FİFA da bu ölkənin üzvlüyü məsələsinə baxılmışdır[4]. 2016-cı ilin mayın 11-13-ü tarixlərində Meksikanın paytaxtı Mexikoda keçirilmiş FİFA-nın 66-cı konqresində bununla bağlı səsvermə keçirilmişdir[4]. Səsvermənin nəticələrinə əsasən, 141 federasiya Kosovonın FİFA üzvü seçilməsinin lehinə, 23 federasiya isə əleyhinə səs vermişdir[4]. Nəticədə dünya futbol ailəsinə qəbul edilən Kosovo FİFA-nn 210-cu üzvü olmuşdur[4].

Beləliklə, Kosovo milli komandası DÇ-2018-in seçmə mərhələsində iştirak etmək hüququ əldə etmişdir[4].

Yarışlar

Kosovo Futbol Federasiyası 8 müsabiqənin təşkilatçısıdır[5]. Həmin yarışlar bunlardır:

  • Superliqa – 12 klubdan ibarətdir.
  • Liqa e Pare (Birinci liqa) – 16 klubdan ibarətdir.
  • Liqa e Dite (İkinci liqa) – 2 qrupdan ibarətdir:
    • Liqa e Dite Grupi i Veriut (İkinci liqanın Şimal qrupu)
    • Liqa e Dite Grupi i Juqut (İkinci liqanın Cənub qrupu)
  • Superliqa - Femra
  • Superliqa - Junioret
  • Liqa e Pare - Junioret
  • Futzal
  • Futbol üzrə Kosovo Kuboku

Milli komandalar

Kosovo Futbol Federasiyası bu milli komandaların fəaliyyətini təşkil edir:

İstinadlar
  1. UEFA-nın 55-ci üzvü Kosova oldu Arxivləşdirilib 2023-07-25 at the Wayback Machine. fanat.az, 03.05.2016  (az.)
  2. Kosova UEFA-ya üzv qəbul olundu Arxivləşdirilib 2023-07-25 at the Wayback Machine. qafqazinfo.az, 03.05.2016  (az.)
  3. "Kosovo in UEFA (In Bosnian)". klix.ba. 7 August 2016 tarixində arxivləşdirilib. İstifadə tarixi: 3 May 2016.
  4. Kosovo və Cəbəllütariq FİFA-ya üzv qəbul olunublar. apa.az, 14.05.2016
  5. New competition system approved by FFK Arxivləşdirilib 2011-07-10 at the Wayback Machine (FFK) (May 18, 2009)

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.