Katalin Novak

Katalin Novak (mac. Veresné Novák Katalin Éva; 6 sentyabr 1977[1], Seqed[1]) — Macarıstan siyasətçisi və dövlət xadimi, 10 mart 2022-ci ildə Macarıstanın prezidenti.

Katalin Novak
mac. Veresné Novák Katalin Éva
dövlət katibi[d] ()
15 iyun 2014 – 17 may 2018
dövlət katibi[d] ()
22 may 2018 – 30 sentyabr 2020
Şəxsi məlumatlar
Doğum adı Novák Katalin Éva
Doğum tarixi 6 sentyabr 1977(1977-09-06)[1] (46 yaş)
Doğum yeri
Təhsili
Fəaliyyəti siyasətçi, hüquqşünas, iqtisadçı
Uşağı 3[1]
Dini Kalvinizm[2]
Elmi fəaliyyəti
Elm sahəsi siyasət[3]
Təltifləri "Fəxri legion" ordeni kavaleri Grand Cross with Chain of the Order of Merit of the Republic of Hungary (civil) "Xidmətlərə görə" ordeni komandoru Grand Collar of the Order of Prince Henry Hungarian Order of Saint Stephen
Vikianbarın loqosu Vikianbarda əlaqəli mediafayllar

Katalin Novak Fides partiyasının, 2018-ci ildən Macarıstan Milli Assambleyasının üzvüdür. Keçmişdə — Ailə və Gənclər Məsələləri üzrə Dövlət Katibi (2014–2020), Ailə İşləri üzrə Nazir (2020–2021) olmuşdur. Fəxri Legion Ordeninin Cəngavəri (2019), Polşa Respublikasına xidmətlərinə görə ordeninin komandiri (2019) kimi fəxri adlara sahibdir.

Bioqrafiya

6 sentyabr 1977-ci ildə Macarıstan Xalq Respublikasının Seqed şəhərində anadan olmuşdur.

1996–2001-ci illərdə Korvina Universitetinin İqtisadiyyat fakültəsində oxumuş, iqtisadiyyat üzrə bakalavr dərəcəsi almışdır. 2001–2004-cü illərdə Seqed Universitetinin Hüquq fakültəsində və Paris West-Nanterre-la-Defence Universitetində hüquq təhsili alıb. O, həmçinin Parisdə Siyasi Araşdırmalar İnstitutunda təhsilini davam etdirir.

2001–2003-cü illərdə Xarici İşlər Nazirliyinin müxtəlif idarələrində çalışır. 2003-cü ildən yeddi il evdar qadın olmuş, uşaqlara qulluq etmişdir. 2010–2012-ci illərdə xarici işlər nazirinin müşaviri olmuşdur. 2012–2014-cü illərdə o, Macarıstan İnsan Resursları Nazirliyinin əməkdaşlarına rəhbərlik edib. 2013–2014-cü illərdə Frankofoniya məsələləri üzrə dövlət naziri vəzifəsində çalışır. 2014–2020-ci illərdə o, Zoltan Baloqhunun başçılıq etdiyi Macarıstanın İnsan Resursları Nazirliyində Ailə və Gənclik İşləri üzrə Dövlət Katibi, daha sonra isə Miklos Kaslerin sərəncamıçda işləyir. 2016–2017-ci illərdə o, eyni zamanda İnsan resursları Nazirliyində Beynəlxalq Əlaqələr üzrə Dövlət Katibi olub. 1 oktyabr 2020-ci ildən 31 dekabr 2021-ci ilə qədər o, Ailə İşləri üzrə nazir vəzifəsində çalışır. Onun təşəbbüsü ilə 2018-ci il Macarıstanda Ailə ili elan edildir.

2017–2021-ci illərdə o, Viktor Orbanın rəhbərlik etdiyi Fides partiyasının sədr müavini olub.

8 aprel 2018-ci il parlament seçkilərinin nəticələrinə əsasən, Macarıstan Milli Assambleyasına deputat seçilib[4][5].

21 dekabr 2021-ci ildə prezident seçkilərində hakim partiyadan namizəd kimi irəli sürülüb. 10 mart 2022-ci ildə Macarıstan Milli Məclisi Katalin Novakı Macarıstanın prezidenti seçir[6]. O, deputatların 193 səsindən 137-nin səsini toplayır. O, tarixdə Macarıstan prezidenti vəzifəsini tutan ilk qadın olur. 2022-ci ilin 10 may tarixində o, vəzifəsinin icrasına başlayacaq və Ader Yanosu əvəz edəcək[5].

O, The Family-Friendly Turn (2010–2018) və Family-Friendly Decade (2010–2020) jurnallarının redaktoru olmuşdur. Ailə haqqında 50-dən çox məqalənin müəllifidir[5][7].

O, üzvləri ənənəvi ailə dəyərlərinin təbliğini müdafiə edən Ümumdünya Ailələr Konqresinin daimi iştirakçısıdır.

İngilis, fransız, alman və ispan dillərində danışır.

Şəxsi həyat

Macarıstan Milli Bankının əməkdaşı İştvan Veres (mac. Veres İştván Attila) ilə evlidir. Onların, üç övladı var: qızı Kata (2008) və oğulları Adam (2004) və Tamas (2006).

İstinadlar
  1. Kormányzat - Emberi Erőforrások Minisztériuma - Család- és Ifjúságügyért Felelős Államtitkárság - Novák Katalin. Ministry of Human Capacities.
  2. https://www.swissinfo.ch/spa/hungr%C3%ADa-presidencia_katalin-nov%C3%A1k--la-primera-presidente-en-hungr%C3%ADa--conservadora-y-leal-a-orb%C3%A1n/47419952.
  3. Çex Milli Hakimiyyət Məlumat bazası.
  4. "Novák, Katalin (Fidesz)" (ingilis). Hungarian National Assembly. 2020. 2021-04-26 tarixində arxivləşdirilib. İstifadə tarixi: 2020-05-24.
  5. "Что известно о первой женщине, занявшей пост президента Венгрии". ТАСС. 2022-03-10. 2022-03-10 tarixində arxivləşdirilib. İstifadə tarixi: 2022-03-10.
  6. "Президентом Венгрии впервые стала женщина" (rus). РИА Новости. 2022-03-10. 2022-03-10 tarixində arxivləşdirilib. İstifadə tarixi: 2022-03-10.
  7. "Биография Каталин Новак". РИА Новости. 2022-03-10. 2022-03-10 tarixində arxivləşdirilib. İstifadə tarixi: 2022-03-10.

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.