Kamil Eynullayev

Kamil Eynullayev
Kamil Eynullayev
Ümumi məlumatlar
Doğum tarixi	12 dekabr 1932
Doğum yeri	Bakı, Azərbaycan SSR, ZSFSR, SSRİ;
Vəfat tarixi	1 may 1988 (55 yaşında)
Vəfat yeri	Bakı, Azərbaycan SSR, SSRİ;
Vətəndaşlığı	SSRİ
Mövqeyi	hücumçu
Karyerası
Gənclik karyerası
	Neftyanik
Klub karyerası[* 1]
	Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.;

Kamil Müzəffər oğlu Eynullayev (12 dekabr 1932, Bakı – 1 may 1988, Bakı) — hücumçu mövqeyində çıxış etmiş sovet futbolçusu.

Həyatı

Kamil Eynullayev 12 dekabr 1932-ci ildə Bakı şəhərində 6 uşaqlı ailədə anadan olmuşdur. Onu "Neftyanik"də köməkçi məşqçi işləyən İsay Abramaşvili kəşf edib.[1]

Yüksək sürətə və yaxşı zərbələrə sahib olan Kamil, 1957-ci ildə "Neftyanik"in əsas heyətinə götürülüb. Həmin mövsüm çempionatın B qrupunda 24 oyun keçirib, 4 qol vurub. Növbəti mövsümü Moskvanın "Lokomotiv" komandasında keçirən futbolçu, A qrupunda 6 oyun, SSRi Kubokunda isə 2 oyun keçirib. 1959-cu ildə, bir illik aradan sonra yenidən "Neftyanik"ə qayıdıb. 1959-1962-ci illər aralığında Bakı təmsilçisinin heyətində 90 oyun keçirib, 9 qol vurub.

Kamil futbolçu karyerasını 1964-cü ildə Riqanın "Dauqava RVZ" komandasında başa vurub.

Şəkər xəstəliyindən əziyyət çəkən Kamil Eynullayev, 1 may 1988-ci ildə Bakı şəhərində dünyasını dəyişib. Futbolçu köhnə Çəmbərəkənd qəbiristanlığında dəfn olunub.[1]

Şəxsi həyatı

Kamil Eynullayev azərbaycanlı aktrisa Sürəyya Qasımova ilə ailəli olub. Cütlüyün bir övladı olub.[2]

Kamil Eynullayev futbolçu Nadir Eynullayevin qardaşı, şahmatçı Tatyana Zatulovskayanın isə bibisi oğludur.[3]

İstinadlar

""Qalatasaray"a üç qol vurmuş azərbaycanlının acı taleyi: "Dabanını qaşıyıb qan çıxartdığı üçün öldü" // Oxu.az//". 2021-06-24 tarixində arxivləşdirilib. İstifadə tarixi: 2022-10-16.
"Anasından gizli filmə çəkildi, məşhur futbolçu ilə ailə qurdu, səssiz-küysüz dünyasını dəyişdi – Kinomuzun Gülpərisindən maraqlı faktlar". 2021-06-14 tarixində arxivləşdirilib. İstifadə tarixi: 2021-03-26.
"«Бакинский „Нефтяник" все любили за необыкновенно красивую игру»". 2022-02-03 tarixində arxivləşdirilib. İstifadə tarixi: 2022-10-17.

Xarici keçidlər

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[club-1] Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.

[oxu-2] ""Qalatasaray"a üç qol vurmuş azərbaycanlının acı taleyi: "Dabanını qaşıyıb qan çıxartdığı üçün öldü" // Oxu.az//". 2021-06-24 tarixində arxivləşdirilib. İstifadə tarixi: 2022-10-16.

[3] "Anasından gizli filmə çəkildi, məşhur futbolçu ilə ailə qurdu, səssiz-küysüz dünyasını dəyişdi – Kinomuzun Gülpərisindən maraqlı faktlar". 2021-06-14 tarixində arxivləşdirilib. İstifadə tarixi: 2021-03-26.

[4] "«Бакинский „Нефтяник" все любили за необыкновенно красивую игру»". 2022-02-03 tarixində arxivləşdirilib. İstifadə tarixi: 2022-10-17.