Kamal Ünsizadə

Kamal Əbdürrəhman əfəndi oğlu Ünsizadə (1857[1][2], Şamaxı, Şamaxı qəzası, Şamaxı quberniyası, Rusiya imperiyası – bilinmir) — Azərbaycan maarifçi publisisti, naşir, şəriət müəllimi, "Məzhər" qəzetinin naşiri və redaktoru (fasilə ilə 1908–1917[3]).[4][5]

Kamal Ünsizadə
Doğum tarixi 1857[1][2]
Doğum yeri
Vəfat tarixi bilinmir
Vətəndaşlığı
Atası Əbdürrəhman əfəndi Ünsi
Fəaliyyəti jurnalist, redaktor[d]

Həyatı

"Kəşkül" qəzetində əməkdaşlıq etmiş, onun mətbəəsində işləmişdir. 1891-ci ilin sonlarında, qardaşı Cəlal Ünsizadənin redaktorluğu ilə çıxan və XIX əsr milli mətbuatımızın ən uzun (1883–1891-ci illər) ömürlü nümunəsi sayılan "Kəşkül" nəşrini dayandırandan iki ay sonra Kamal Ünsizadə Qafqaz Senzura Komitəsinə "Azərbaycan" adlı həftədə iki dəfə çıxacaq ictimai-siyasi, ədəbi-mədəni və iqtisadi qəzetin çapına icazə verilməsi xahişi ilə bağlı müraciət etmiş və ərizəsinə gələcək nəşrin, yanılmıramsa 8 bənddən ibarət izahlı proqramını da əlavə etmişdi.[6][7]

Daha sonra Azərbaycan və rus dillərində "Uçan yarpaq" (rus. "Летучий листок"; 1896) (Q.Klimovski ilə), "Danış" (1896), "Yerli elanlar" (1900) qəzetlərinin nəşrinə təşəbbüs göstərmiş, lakin icazə ala bilməmişdir. 1908-ci ildə "Məzhər" qəzetinin nəşrinə icazə almış, 1917-ci ilədək cəmi 31 nömrəsini[3][8] buraxa bilmişdir.[5]

İstinadlar
  1. https://shamakhi-encyclopedia.az/unsizad%d3%99-kamal-%d3%99bdulr%d3%99hman-oglu/.
  2. Азәрбајҹан Совет Енсиклопедијасы: [10 ҹилддə]. Бакы: Azərbaycan Milli Ensiklopediyası Elmi Mərkəzi, 1976. C. 9. S. 495. 6265 s.
  3. Məzhər. Cəlil Məmmədquluzadə ensiklopediyası. Bakı: Şərq-Qərb. 2008. səh. 191. ISBN 978-9952-448-26-9. 2023-07-29 tarixində arxivləşdirilib. İstifadə tarixi: 2023-07-29.
  4. Камал Әбдүлрәман оғлу Үнсизадә // Азәрбајҹан Совет Енсиклопедијасы: [10 ҹилддә]. IX ҹилд: Спутник—Фронтон. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1986. С. 495.
  5. Ünsizadə Kamal Əbdülrəhman oğlu. Cəlil Məmmədquluzadə ensiklopediyası. Bakı: Şərq-Qərb. 2008. səh. 289. ISBN 978-9952-448-26-9.
  6. Vilayət Quliyev. "Yüz il əvvəlki proqram üzərində düşüncələr". "Azərbaycan" qəzeti. 5 noyabr 1989.
  7. Quliyev, Vilayət. "Ünsizadə qardaşları ilə bağlı bir neçə ip ucu". 525-ci qəzet. 2017-06-12.
  8. Axundov, Nazim. Azərbaycan dövri mətbuatı 1832-1920. Biblioqrafiya. Bakı. 1987. səh. 95.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.