Kafkaokur

"Kafkaokur" — Türkiyədə nəşr olunan aylıq ədəbi jurnal. Qurucusu və baş redaktoru Gökhan Dəmirdir. Jurnalın 17-ci buraxılışı 72.000 nüsxə satılaraq 2016–2017-ci illərdə Türkiyədə ən çox oxunan ədəbi jurnalı olmuşdur[1]. Jurnalın əsas məqsədi həvəskar yazıçı və rəssamlara istiqamət vermək, eləcə də, dünya ədəbiyyatı haqqında xəbərlər verməkdir.

Kafkaokur
Jurnalın 4-cü buraxılışının (2 mart 2015) üzlüyü. Şəxs: Frida Kalo.
Jurnalın 4-cü buraxılışının (2 mart 2015) üzlüyü. Şəxs: Frida Kalo.
Baş redaktor Gökhan Dəmir
Növ ədəbiyyat
Dövrilik aylıq
Təsisçi Gökhan Dəmir
Təsis tarixi avqust 2014
İlk buraxılışı sentyabr 2014
Ölkə Türkiyə Türkiyə
Dil türkcə
kafkaokur.com

Tarix

2010-cu ildə Gökhan Dəmir tərəfindən bloq şəklində qurulan "Kafkaokur"un məzmununu Frans Kafkaya dair yazı, məqalə, esse, araşdırma və tənqidlərdən ibarət idi. Bloqda daha sonra dünya ədəbiyyatına aid yazılara da yer verilməyə başlandı və bu istiqamətdə inkişaf etdi. Məzmunun artıq bloq şəklində qalmamasının lazım olduğunu düşünən Gökhan Dəmir 2014-cü ilin avqustunda jurnalı təsis etdi. Jurnalın ilk buraxılışı "… mən ədəbiyyatdan ibarətəm" şüarı ilə 2014-cü ilin sentyabrında buraxılmışdır. Jurnal ilk müddətdə iki aydan bir buraxılırdı. Jurnal 2017-ci ilin sentyabrından aylıq şəkildə buraxılmağa başlamışdır.[2]

Heyət

Jurnalın baş redaktoru Gökhan Dəmir, üzlük dizayneri Tülay Palaz, redaktoru Merve Özdolab, nəşr məsləhətçisi Baran Gözəl, korrektoru Fatih Cərrahoğlu ve art-direktoru Rabia Gençərdir.[3]

Yazıçı heyəti: Ece Təməlkuran, Kamal Varol, İsahaq Uygar Əskiciyan, Eray Yasin İşıq, Əzgi Ayvalı, Merve Özdolab, Mustafa Silici, Əsra Pulak, Cansu Cindoruk, Sumru Uzun, Baran Gözəl, Atılay Aşkaroğlu, Bahri Butimar, Nazlı Başaran.[3]

Rəssam heyəti: Tülay Palaz, Rabia Gençər, Gökçə Kocaman, Eren Caner Polad, Ərişcan Türk, Esin Bayhan, Onur Şahinoğlu, Ayşenur Maden, Şeyma Türk, Osman Ərtürk, Tayfun Yağcı.[3]

Mükafatlar
Mükafatlar
Mükafat Tarix Kateqoriya Təqdim edən qurum Nəticə İst.
Bumeranq mükafatı 2013 Ən tərz bloq "Hürriyet" qəzeti Qazandı [4]
Kamal Sunal mükafatı 2016 Ən yaxşı mədəniyyət-incəsənət jurnalı Vəfa liseyi Qazandı [4]
EMÖS mükafatı 2017 İlin ən uğurlu ədəbi jurnalı İstanbul Texniki Universiteti Qazandı [4]
Media mükafatı 2017 Ən bəyənilən jurnalı Akdəniz Universiteti Qazandı [4]

İstinadlar
  1. "Ana Sayfa". Kafkaokur (türkcə). 2018-01-01 tarixində arxivləşdirilib. İstifadə tarixi: 1 yanvar 2018.
  2. "Hakkımızda". Kafkaokur (türkcə). 2018-01-01 tarixində arxivləşdirilib. İstifadə tarixi: 1 yanvar 2018.
  3. "Yazar-Çizer". Kafkaokur (türkcə). 2018-01-01 tarixində arxivləşdirilib. İstifadə tarixi: 1 yanvar 2018.
  4. "Kilometre Taşı". Kafkaokur (türkcə). 2018-01-01 tarixində arxivləşdirilib. İstifadə tarixi: 1 yanvar 2018.

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.