Kadomatsu

Kadomatsu (門松, "darvaza şamı") – Yaponiyada yeni il ərəfəsində darvazaya qoyulan ənənəvi dekorasiya. Məqsəd ulu ruhları və ya bərəkət kamilərini qarşılamaqdır.[1] Kadomatsu Milad bayramından 5 yanvara qədər (Edo dövründə 7 yanvara) yerləşdirilir və kamilər üçün müvəqqəti ev hesab olunur. Kadomatsunun dizaynı regionlara görə dəyişir, lakin adətən şam, bambuk və ya umedən hazırlanır. Bu bitkilər, uyğun olaraq, uzunömürlülüyü, çiçəklənməni və mətanəti simvolizə edirlər.[2] Yeni il mərasimlərinin fundamental funksiyası bərəkət gətirən və hər kəsə əcdadların hifzini bəxş edən toşiqamini şərəfləndirmək və qarşılamaqdır. 15 yanvardan sonra (və ya 19 yanvardan) kadomatsu yandırılır və kamilərin getməsinə şərait yaradılır. Kadomatsunun Unicode sistemində simvolu da var.[3]

Şinto məbədində kadomatsu.

İstifadəsi

Kadomatsunun mərkəzi hissəsi üç böyük bambuk çubuğundan ibarətdir. Lakin plastik kadomatsular da satılır. İkebanın oxşar ənənələrinə uyğun olaraq bambuklar müxtəlif hündürlüklərdə yerləşdirilirlər və cənnət, bəşəriyyət və yeri simvolizə edirlər. Cənnəti simvolizə edən ən yüksəkdə, yeri simvolizə edən ən aşağıda olur. Bəzi kadomatsularda yer ilə bəşəriyyəti simvolizə edən çubuqlar eyni hündürlükdə olur. Kadomatsunun əsas elementləri bir araya gətirildikdən sonra həsirlə və yenicə toxunmuş kəndirlə bağlanır. Kadomatsu darvazanın hər iki tərəfinə qoyulur: biri kişini, biri qadını simvolizə edir.

Qalereya
  • Kanto regionunda kadomatsu.
    Kanto regionunda kadomatsu.
  • Kansay regionunda.
    Kansay regionunda.
  • Hər biri 700 yenə satılan 3 miniatür kadomatsu.
    Hər biri 700 yenə satılan 3 miniatür kadomatsu.
  • Mağazada satılan kadomatsu.
    Mağazada satılan kadomatsu.
  • Kioto stilində kadomatsu.
    Kioto stilində kadomatsu.
  • Edo stilində kadomatsu.
    Edo stilində kadomatsu.

Həmçinin bax

İstinadlar
  1. "Arxivlənmiş surət". 2016-12-10 tarixində arxivləşdirilib. İstifadə tarixi: 2018-12-16.
  2. "Lucky food, charming decorations, visiting deities: welcoming the new year with history, tradition | The Japan Times". The Japan Times (ingilis). 2019-05-20 tarixində arxivləşdirilib. İstifadə tarixi: 2016-05-16.
  3. "Pine Decoration Emoji". Emojipedia. 2018-03-31 tarixində arxivləşdirilib. İstifadə tarixi: 2018-12-16.

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.