Kəramət Böyükçöl

Kəramət Böyükçöl gənclik illərində, 2009 (sağdan ikinci əyləşən).

Kəramət Böyükçöl 17 oktyabr[2] 1987-ci ildə İmişli rayonunun Əliqulular kəndində anadan olub.[3] Səbail rayonu 51 saylı orta məktəbini bitirib. 2007–2011-ci illərdə Bakı Dövlət Universitetinin Filologiya fakültəsini bitirib.[4]

Azərbaycan ictimaiyyəti onu ANS TV-də qonaq olduğu bir verilişdə dediyi erotik şeirlə tanıdı.[5]

2010-cu ildə Azərbaycan Yazıçılar Birliyinə üzv olmuşdur. 11 noyabr 2015-ci ildə sərt tənqidləri və çıxışları səbəbilə Azərbaycan Yazıçılar Birliyinin üzvlüyündən kənarlaşdırılıb.[6][7]

Böyükçöl 18 avqust 2020-ci ildə kirayə qaldığı bir evdə sərxoş halda Facebook hesabından açdığı canlı yayımda hökuməti tənqid edərkən[8] polis tərəfindən basılmış və zor tətbiq edilərək saxlanılmışdır.[9][10] O, canlı yayımda ölkənin digər bəzi məşhurlarına qarşı təhqirlər də etmişdir.[11] Polis verdiyi açıqlamada qonşuların bu vəziyyətdən rahatsız olduğunu və şikayət etdiklərini bildirmişdir.[12][13][14] Həmçinin vəziyyətdən rahatsız olduğunu deməyə gələn qonşusunu da təhqir etmiş və onunla dava etmişdir.[15] Həmçinin polis yazıçının pis vəziyyətdə olduğunu və intihar edəcəyindən şübhələndiklərini bildirmişdir.[16][17] Böyükçöl bir gün sonra sərbəst buraxılmış[18][16][13] və yazıçının xəstəxanada məcburi müalicəsinə başlanılmışdır.[19][20]

YouTube kanalında Kəramətinə şükür adlı həftəlik proqram hazırlamış və bu proqramda siyasi mövzular müzakirə edilmişdir.[21]

7 oktyabr 2021-ci ildə sağlamlıq problemləri ilə əlaqədar olaraq təkrar məcburi müalicə üçün Bakı Şəhər Narkoloji Dispanserə yerləşdirilmiş,[22] və 3 həftə sonra, 26 oktyabr 2021-ci ildə müalicəsini tamamlayaraq buraxılmışdır.[23][24]

2023-cü ildə Elçibəyin sirri adlı kitabını oxucularına təqdim etmişdir.[25]

Uzun müddət fəaliyyətini səyyar kitab satıcısı kimi davam etdirən Böyükçöl[26] 31 yanvar 2024-cü ildə Kerazon adlı kitab mağazasının açılışını etmişdir.[27]

Böyükçöl davamlı olaraq Azərbaycan Yazıçılar Birliyini və onun üzvlərini tənqid etməkdədir.[28]

Böyükçöl sazı "cahillik aləti" adlandırıb və "meyxana kimi bir şey" olduğunu bildirib.[29]

2 dəfə evlənmiş, ilk evliliyindən bir qızı, ikinci evliliyindən bir oğlu olmuşdur.[30]

Azərbaycan şairi və publisist Qəşəm Nəcəfzadənin oğludur.[31]

1 bacısı və 1 qardaşı var.

• Çöl, Bakı, 2010.[32]
• Səkkizinci gün, Bakı, Qanun, 240 səh.[33]
• Məni kim tapa bilər?, Bakı, Mücrü nəşriyyatı, 2020. 128 səh.[34]
• Əlqəmə, 2021[35]
• Elçibəyin sirri. Bakı, 2023, 260 səh.[36]
• Səs, 2023.