Kələxan

Kələxan — Azərbaycan Respublikasının Lerik rayonunun inzibati ərazi vahidində kənd. Azərbaycan Respublikası Milli Məclisinin 15 mart 2002-ci il tarixli, 273-IIQ saylı Qərarı ilə Lerik rayonunun Kələxan kəndi Qosmalyan kənd inzibati ərazi dairəsi tərkibindən ayrılaraq, bu kənd mərkəz olmaqla Kələxan kənd inzibati ərazi dairəsi yaradılmışdır.[1]

Kələxan
38°39′00″ şm. e. 48°20′56″ ş. u.
Ölkə
Tarixi və coğrafiyası
Mərkəzin hündürlüyü 1.532 m
Saat qurşağı
Əhalisi
Əhalisi
  • 942 nəf.
Kələxan xəritədə
Kələxan
Kələxan

Toponimiyası

"Kələxan" sözü "Qalaxan" sözündən götürülüb (Lənkəran qəzasının sosial-iqtisadi vəziyyəti. 19-cu əsrin sonları-20-ci əsrin əvvəlləri. Leyla Məcidova. Səh.98-99), mənası "Xan qalası" deməkdir. Kənd əhalisi "Qala" sözünü ləhcə ilə "Qələ" kimi səsləndirir. Bunu ərazidə mövcud olan "Kələ, Qələ, Kəl və s." sözləri ilə başlayan toponimlərdə də görmək olur (Qələvər, Kələkli, "Qala" və s.). Qala dağında dağıdılmış qalanın qalıqları var.

Əhalisi

Kələxan kəndinin əhalisi türk tayfalarıdır. Əhalisinin sayı 483 nəfərdir.[2] 1951-1952-ci ildə məşhur "köçürülmə" siyasətinə məruz qalan yerli xalq 1956-cı ildə Muğandan (Salyan, Neftçala, Biləsuvar, Cəlilabad) təkrarən geri, doğma torpağa qayıtmışdır. Lakin Lənkəran, Lerik və Respublikamızın digər şəhərlərinə köçənlər isə geri qayıtmamış, yaşadıqları yerlərin ictimai, siyasi və iqtisadi inkişafında mühüm töhfələr vermişlər. Danışıq ləhcəsi Ərdəbil ləhcəsi ilə eynidir. Kənddə Pirili, Kərəmbabalı, Muradxanlı və Əlyarlı tayfaları yaşayır.Kənd əhalisinin böyük əksəriyyəti ziyalıdır və dövlət orqanlarında çalışırlar. Yay aylarında unikal görünüşə malik Qala dağını çoxlu turist ziyarət etməyə gəlir. Zuvand mahalının mərkəzindədir və ən böyük kəndlərindən biridir.

İstinadlar
  1. "Azərbaycan Respublikasının bəzi rayonlarının inzibati ərazi bölgüsündə qismən dəyişikliklərin edilməsi haqqında Azərbaycan Respublikası Milli Məclisinin 15 mart 2002-ci il tarixli, 273-IIQ saylı Qərarı". 2022-08-26 tarixində arxivləşdirilib. İstifadə tarixi: 2022-08-26.
  2. Azərbaycan Respublikası əhalisinin siyahıyaalınması 2009-cu il. I cild. Bakı - 2010.

Xarici keçidlər


Həmçinin bax
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.