Kınalıada

Ada Mərmərə dənizində yerləşmiş olub Şəhdazə adalarının bir hissəsidir. İstanbul şəhərinə ən yaxın adadır. İstanbulda yerləşən liman arasında məsafə 6,5 km təşkil edir. İstanbulun Anadolu hissəsinə olan məsafə isə 3,5 km-dir. Adanın torpaq örtüyü qlrmızımtıl rəngə çalması vaxtı ilə onun ərazisindən dəmir və mis çıxarılması ilə əlaqədar olmuşdur. Bu rənginə görə adanı "xınalı ada" adlandırmışlar. Adalar qrupuna daxil olan digər adalardan fərqli olaraq meşə örtüyü azdır.

Kınalıada 1,5 km uzunluğa, 1,1 km enə malikdir. Bu Şahzadə adaları qrupunun sahəsinə görə dördüncü adasıdır. Adada üç təpə vardır:Çinar, Təşvikiyə (115 m) və İsa (93 m). İsa təpəsində monastır vardır.

Bizans imperiyası dönəmində ada hakim ailənin üzvlərinin bir növ sürgün olunduğu ərazi kimi tanınırdı: İrina (752–803) — Bizans imperatriçası; Mixail I Ranqave (770–844) — Bizans imperatoru; Roman I Lakapin (870–948) — Bizans imperatoru; Onun oğulları Stefan və Konstantin; Feofona (yun. Θεοφανώ, X əsr) — Bizans imperatriçası; Roman IV Diogen keçmiş imperator 1071.

Adaya İstanbuldan bərələrlə getmək olur. Katerlə 25, bərə ilə isə 40 dəqiqəlik zaman kəsiyində adaya gedilir.

• Kınalıada Arxivləşdirilib 2010-07-18 at the Wayback Machine
• Uzaydan Kınalıada