I Baldvin (Qüds kralı)

I Baldvin (fr. Baudouin Ier) və ya Bulonlu Baldvin (fr. Baudouin de Boulogne) (1 yanvar 1058 – 2 aprel 1118[1][2][…]) — ilk Edessa qrafı və Qüds kralı.[3][4] Bulon qrafı II Evstaxın oğludur. Böyük qardaşı olan Bulonlu Qodfreylə birlikdə Birinci Səlib yürüşünə qatıldı və qısa zamanda ən uğurlu komandirlərindən birinə çevrildi.

I Baldvin
1100 – 1118
ƏvvəlkiBulonlu Qodfrey
SonrakıII Baldvin
1098 – 1100
Əvvəlki-
SonrakıII Baldvin
Şəxsi məlumatlar
Doğum tarixi 1 yanvar 1058
Vəfat tarixi 2 aprel 1118[1][2][…] (60 yaşında)
Vəfat səbəbi Qida zəhərlənməsi
Dəfn yeri
Fəaliyyəti siyasətçi
Dini katolisizm
Hərbi xidmət
Döyüşlər
Vikianbarın loqosu Vikianbarda əlaqəli mediafayllar

1098-ci ildə Bulonlu Baldvin Qüdsü və Antakyanı hədəf seçən əsas səlibçi qüvvələrindən ayrılaraq öncə Kilikiyaya, ardından Edessaya gəldi. Bölgənin Bizans imperatoruna tabe olan erməni əsilli hakimi Torosla yaxın münasibət quran Baldvin onun qızıyla evləndi və özünü onun yeganə varisi elan etdi. Edessalı Toros əslən erməni olsa da, Yunan Provaslov dininə mənsub idi və bu səbəblə, yerli ermənilər tərəfindən sevilmirdi. Bu da onun 1098-ci ilin martında ermənilər tərəfindən sui-qəsdlə öldürülməsinə səbəb oldu. Bu sui-qəsddə nə qədər rolu olduğu bilinməsə də, Bulonlu Baldvin hadisənin ardından dərhal hakimiyyəti ələ aldı və özünü müstəqil Edessa qrafı elan etdi.

Səlibçilərin Qüdsdəki ilk kralı olan qardaşı Bulonlu Qodfreyin ölümündən sonra 1100-cü ildə Baldvin Qüdsə dəvət edildi və Qüds kralı elan olundu. Edessa qraflığı isə onun qohumu (xalası nəvəsi idi) olan Burklu Baldvinə təhvil verildi. 25 dekabrda Beytləhmdə keçirilən tacqoyma mərasimiylə Qüds kralı elan olundu. Genuya və Venesiya donanmasının yardımıyla, 1104-cü ildə Əkkanı, 1110-cu ildə Beyrutu və 1111-ci ildə Saydanı ələ keçirdi. Sur və Aşkelon bölgələrinə olan hücumları isə uğursuzluqla nəticələndi. 1105-ci ildə Üçüncü Ramla döyüşündəki qələbəsinin ardından Misirlilərin bölgəyə olan irimiqyaslı səfəri təxirə düşdü. Mirisə qarşı səfər hazırlığında olan I Baldvin 1118-ci ildə vəfat etdi.

Mənbə
  • Sebag Montefiore, Simon, 1965– (2011). Jerusalem : the biography (1st American ed.). New York: Alfred A. Knopf. ISBN 9780307594488
  • Asbridge, Thomas (2004). The First Crusade: A New History: The Roots of Conflict between Christianity and Islam. Oxford University Press. ISBN 978-0-19-517823-4
  • Jaspert, Nikolas (2006). The Crusades. Routledge. ISBN 978-0-415-35967-2
  • Hillenbrand, Carole (2000). The Crusades: Islamic Perspectives. Routledge. ISBN 978-0-415-92914-1

İstinadlar
  1. Baldwin I // Encyclopædia Britannica (ing.).
  2. DE JÉRUSALEM BAUDOUIN // Dictionnaire des Wallons (fr.). Fédération Wallonie-Bruxelles, Institut Jules-Destrée.
  3. Albert d'Aix-la-Chapelle; Edgington, Susan B. Historia Ierosolimitana. Oxford medieval texts. Oxford: Clarendon press. 2007. ISBN 978-0-19-920486-1.
  4. Sebag Montefiore, Simon, 1965– (2011). Jerusalem : the biography (1st American ed.). New York: Alfred A. Knopf. ISBN 9780307594488
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.