II Kristian (Danimarka kralı)

II Xristian (ing. Christian II of Denmark) (d. 1 iyul 1481 – ö. 25 yanvar 1559) — Danimarka, Norveç və İsveçi özündə birləşdirən Kalmar birliyinin kralı. 1513–1523-cü illərdə əmisi Fridrixlə birlikdə Şlezviq-Holşteyn hersoqu ünvanını daşıdı.

II Xristian
Danimarka və Norveç kralı
Əvvəlki	I Con
Sonrakı	I Fridrix
İsveç kralı
Əvvəlki	I Con
Sonrakı	I Qustav
Şəxsi məlumatlar
Doğum tarixi	1 iyul 1481
Vəfat tarixi	25 yanvar 1559 (77 yaşında)
Fəaliyyəti	monarx
Atası	I Con
Anası	Saksoniyalı Kristina
Həyat yoldaşı	Avstriyalı İzabella
Uşaqları	Danimarkalı Doroteya Danimarkalı Kristina
Ailəsi	Oldenburqlar
Dini	Roma-Katolik kilsəsi
Vikianbarda əlaqəli mediafayllar

Kalmar birliyini ayaqda tutma cəhdi onu 1518–1523-cü illərdə İsveçlə müharibəyə sürüklədi. 1520-ci ildə ölkəni ələ keçirsə də, öndə gələn İsveç zadəganlarının, din xadimlərinin və bəzi mühüm şəxslərin qətlə yetirilməsi onun bölgədəki nüfuzunu sınıdrdı və yerli əhali onu burda istəmədi. İsveç əsilzadələrindən Qustav Vasanın rəhbərliyindəki üsyan nəticəsində İsveç taxtından endirildi. 1521–1522-ci illərdə Danimarkada əsilzadə və din adamlarının etirazlarına baxmayaraq kəndlilərin xeyrinə bəzi reformasiyalar apardı. Nəticədə əsilzadələr tərəfindən Danimarkadan da qovuldu və taxtı əmisi Fridrixə təhvil verərək Hollandiyaya sürgün edildi. 1531-ci ildə səltənətini geri almaq üçün cəhd etsə də, həbs edildi və qalan ömrünü Kalundborq qalasında məhkum olaraq keçirdi. 1559-cu ildə burada vəfat etdi.

II Xristian 1515-ci ildə Kastiliya kraliçası Yuannanın qızı, eləcə də Müqəddəs Roma imperatoru I Maksimilyanın nəvəsi Avstriyalı İzabella ilə evləndi. Cütlüyün 3 övladı olsa da, İzabellanın 1526-cı ildə vəfatının ardından ailəsi uşaqları geri aldı. II Xristianın birlikdə olduğu məşuqəsi Divek Siqbrisdater isə kralı fəlakətə aparırdı. Belə ki, Divekin anası məclisin mühüm iştirakçılarından biri idi və kralın sürgünə göndərilməsində önəmli rol oynadı.