Hadera

Hadera (ivr. ‏חֲדֵרָה‏‎ Ḥadera ; ərəb. الخضيرة‎ al-Ḫuḍayrah ) İsrailin Hayfa dairəsində yerləşən şəhərdir. Şaron bölgəsinin şimalında, ölkənin əsas şəhərləri olan Tel-Əviv və Hayfa şəhərlərindən təqribən 45 km məsafədə yerləşir. Şəhər Aralıq dənizi boyunca 7 km uzunluğunda sahilə sahibdir. 2016-cı il hesablamalarına əsasən şəhər əhalisi 91,707 nəfər təşkil edir. 1990-cı ildən bəri Efiopiya və keçmiş SSRİ-dən gələn immiqrantların hesabına əhalinin artım tempi yüksəlmişdir.[1]

Şəhər
Hadera
ivr. ‏חֲדֵרָה‏‎
ərəb. الخضيرة‎
Gerb
Gerb
32°27′ şm. e. 34°55′ ş. u.
Ölkə  İsrail
Dairə [[Hayfa dairəsi]]
Mer Zvika Gendelman
Tarixi və coğrafiyası
Əsası qoyulub 1891
Yaşayış məntəqəsi statuslu 1952
Sahəsi 53 km²
Mərkəzin hündürlüyü 42 m
Saat qurşağı UTC+2 , yayda UTC+3
Əhalisi
Əhalisi 91 707 nəfər (2016)
Milli tərkibi yəhudilər
Digər
hadera.muni.il
Hadera xəritədə
Hadera
Hadera
Vikianbarın loqosu Vikianbarda əlaqəli mediafayllar

Hadera şəhəri Rusiya İmperiyası dövründə 1891-ci ildə Litva və Latviyadan gəlmiş Hovevey Zion qruplaşmasının üzvləri tərəfindən inşa olunmuşdur. 1948-ci ildən etibarən 11,800 nəfər əhalisi ilə regional mərkəz rolu oynamağa başlamışdır. Hadera 1952-ci ildə şəhər statusu almışdır.

Demoqrafiya

İsrail Mərkəzi Statistika Bürosunun 2013-cü ilin oktyabr ayına olan məlumatına əsasən Hadera şəhərinin əhalisi 91,634 nəfər təşkil etmişdi.[2] Üç ildən sonra 2016-cı ildə isə bu rəqəm artıq 91,707 nəfərə çatmışdır. 2013-cü ildə aparılmış hesablamalara görə, əhalinin 23,407 nəfəri Efiopiyadan buraya köç etmiş immiqrantlardan ibarət olmuşdur.

1922-ci ildə Fələstindəki Britaniya mandatlığının rəhbərliyi tərəfindən keçirilmiş siyahıya almaya əsasən Haderanın əhalisi 540 nəfər hesablanmışdır ki, bunun da 450 nəfərini yəhudilər, 89 nəfərini müsəlmanlar, 1 nəfərini isə xristian əhalisi təşkil edirdi.[3] Şəhər əhalisi 1948-ci ildən sonra stabil olaraq artmağa başlamışdır. 1955-ci ildə əhali iki dəfəyə yaxın artaraq 22,500 nəfərə çatmışdır. Əhali 1961-ci ildə 25,600, 1972-ci ildə 32,200 və 1983-cü ildə 38,700 nəfər təşkil etmişdir.

Haderada əhalinin ortalama yaşı 32.8 ildir.[4] 2007-ci il hesablamalarına görə şəhər əhalisinin 37,500 nəfəri kişilərdən, 39,200 nəfəri isə qadınlardan ibarət olmuşdur.

Əhalinin 99,2%-ni yəhudilər və qeyri-ərəblər təşkil edir. Ərəb əhalisi çox az saydadır.

Təhsil

Şəhərdə ümumilikdə 42 məktəb yerləşir və bunların hər birində ümumilikdə 15,622 nəfər təhsil alır.

İsraildə öz növünə görə ilklərdən biri olan Hadera Demokratik Məktəbi 1987-ci ildə açılmışdır. Şəhərdə yerləşən "Technoda" elm və təhsil mərkəzi ən son model teleskop və planetarium da daxil olmaqla müxtəlif növ texnologiya ilə təchiz olunmuşdur.[5]

Qardaş şəhərlər

Hadera aşağıdakı şəhərlərlə qardaşlaşmış şəhər statusuna sahibdir:

Həmçinin bax

İstinadlar
  1. "Hadera". Jewish Virtual Library. 2016-08-14 tarixində arxivləşdirilib. İstifadə tarixi: 16 noyabr 2017.
  2. "Table 3 - Population of Localities Numbering Above 2,000 Residents" (PDF). Israel Central Bureau of Statistics. 30 iyun 2010. 2010-11-21 tarixində arxivləşdirilib (PDF). İstifadə tarixi: 16 noyabr 2017.
  4. "Statistical Abstract of Israel 2008". Israel Central Bureau of Statistics. 18 dekabr 2008 tarixində orijinalından arxivləşdirilib. İstifadə tarixi: 16 noyabr 2017.
  5. "NJ Jewish News on-line - Reach for the stars". njjewishnews.com. 2012-12-23 tarixində orijinalından arxivləşdirilib. İstifadə tarixi: 2017-11-16.
  6. "Charlotte Sister Cities Worldwide - Hadera". İstifadə tarixi: 30 noyabr 2008.

Xarici keçidlər
Vikianbarda Hadera ilə əlaqəli mediafayllar var.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.