Hacı Hacıyev (baytar)

Hacı Hacıyev (tam adı: Hacı Məmmədbağır oğlu Hacıyev) — baytar-alim, tibb elmləri doktoru, professor, Azərbaycan EA müxbir-üzvü, Azərbaycan Kənd Təsərrüfatı İnstitutunun (indiki Azərbaycan Dövlət Aqrar Universiteti) elmi işlər üzrə prorektoru.

Hacı Hacıyev
Hacı Məmmədbağır oğlu Hacıyev
Doğum tarixi
Doğum yeri Yaycı, Naxçıvan qəzası, ADR
Vəfat yeri Gəncə, Azərbaycan SSR, SSRİ
Vətəndaşlığı SSRİ SSRİ→
Azərbaycan Azərbaycan
Milliyyəti azərbaycanlı
Atası Məmmədbağır Hacıyev
Elm sahəsi baytarçılıq
Elmi dərəcəsi kənd təsərrüfatı elmləri doktoru
Elmi adları professor, Azərbaycan EA müxbir-üzvü
İş yeri Kənd Təsərrüfatı İnstitutu
Alma-mater Azərbaycan Kənd Təsərrüfatı İnstitutu
Təhsili Kənd Təsərrüfatı İnstitutu
Tanınır həkim-baytar
Mükafatları Qırmızı Əmək Bayrağı ordeni

Həyatı

Hacı Hacıyev 21 mart 1919-cu il Naxçıvan Muxtar Respublikasının Culfa rayonunun Yaycı kəndində anadan olub. 1941-ci ildə Azərbaycan Kənd Təsərrüfatı İnstitutunu bitirib. Kənd Təssərrafatı İnstitutunun kənd təsərrüfatı heyvanlarında daxili yoluxmayan xəstəliklər, klinik diaqnostika və cərahiyyə kafedrasının müəllimi olmuşdur. 1962-ci ildən dosent, 1967-ci ildən kənd təsərrüfatı elmləri elmləri doktoru, 1967-ci ildən professor, 1978-ci ildən Azərbaycan Kənd təsərrüfatı İnstitunun elmi işlər üzrə prorektoru olmuşdur. Hacı Hacıyevin təşəbbüsü ilə Naftalan neftinin tərkibinin ardıcıl surətdə öyrənilməsi və baytarlıqda tətbiqi üzrə problem laboratoriuası təşkil edilmişdi.

Elmi-pedaqoji fəaliyyəti

3 monoqrafiyanın, 5 dərsliyin, 200-dən çox elmi məqalənin, "Baytarlıq terminləri lüğəti"nin müəllifidir. Naftalan nefti ilə müalicə sahəsiundə elmi işləri 1971-ci ildə Meksikada Beynəlxalq konqresin materiallarına daxil edilmişdir.

Əsərləri
  • Kənd Təssərrüfatı heyvanlarının yoluxmayan daxili xəstəlikləri, Bakı şəəhəri, 1977
  • Kənd Təsərrüfatı heyvanlarının müayinəsi, Bakı şəhəri, 1984
  • Klinik diaqnostika (yenidən işlənmiş və əlavə edilmiş 3-cü nəşri) Bakı, 1985[1]

Xarici keçidlər

İstinadlar
  1. Naxçıvan Ensiklopediyası Bakı 2002, s.175
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.